2 Bakyabazinga 24:17 - Baibuli Ekibono kya Katonda 2014

¹⁷ Agho kyabazinga w'e Babilonia yaataagho Mattania, lata wa Yehoiakini omuto, yaamufuula kyabazinga mu kifo kya Yehoiakini, era yaamukyusa n'eriina, yaamutuuma Zedekia.

2 Bakyabazinga 24:17 ပူးပေါင်းရင်းမြစ်များ

2 Bakyabazinga 23:34

Kyabazinga Neko oyo yaataagho Eliakimu mutabane wa Yosia, yaamufuula kyabazinga mu kifo kya lata we Yosia. Era yaakyusa eriina lya Eliakimu, yaamutuuma Yehoiakimu. Aye kyabazinga Neko oyo yaatwala Yehoahazi e Misiri, Yehoahazi yaafiira eyo.

2 Ebyomubyanda 36:4

Kyabazinga Neko oyo yaatoola Eliakimu muganda wa Yehoahazi, yaamufuula kyabazinga wa Buyudaaya ni Yerusalemu. Era yaakyusa n'eriina lya Eliakimu, yaamutuuma Yehoiakimu. Yaagema Yehoahazi muganda wa Yehoiakimu oyo, yaamutwala e Misiri.

Yeremia 1:3

Era Musengwa Katonda yairamu okwogera ni Yeremia nga Yehoiakimu mutabane wa Yosia ni kyabazinga wa Buyudaaya. Kabiri era yeeyongera okwogeranga naye okutuukiza irala mu mwaka ogweikumi n'omulala (11) ogw'obufuzi bwa kyabazinga Zedekia owa Buyudaaya. Mu mwaka ogwo, mu mwezi ogwokutaanu, abantu ab'omu Yerusalemu baatwalibwa mu bunhage.

Yeremia 21:1

Agho Zedekia kyabazinga wa Buyudaaya yaatuma ye ndi Pashuhuri mutabane wa Malakia ni Zefania kabona mutabane wa Maaseia, ng'akoba ati:

Yeremia 37:1

Kyabazinga Nebukadinezzari ow'e Babilonia, yafuula Zedekia mutabane wa Yosia okuba kyabazinga wa Buyudaaya mu kifo kya Yehoiakini mutabane wa Yehoiakimu.

Yeremia 49:34

Agho Zedekia nga yaakamalanga okufuuka kyabazinga wa Buyudaaya, Musengwa Katonda yaayogera ninze Yeremia, ebigema ku nsi Elamu.

Yeremia 52:1

Zedekia yali agheza emyaka abiri na mulala egy'obukulu ghe yafuukira kyabazinga wa Buyudaaya. Era yaafugira entangama ya myaka ikumi na mulala mu Yerusalemu. Inhina nga ni Hamutali, mughala wa Yeremia ow'e Libuna.

Ezekieli 17:13

Yaatwala mulala ku balangira, yaakola naye endagaano era yaamulayiza okuba omwesigwa. Yaatwala n'abantu abakologho mu nsi eyo ng'omusingo,

Ezekieli 17:16

“Aye nze Musengwa Katonda ndayira nti nga bwendi omulamu, kyabazinga oyo alifiira mu Babilonia, kuba yamenha endagaano ye yakola ni kyabazinga waayo, ate nga kyabazinga w'e Babilonia oyo n'eyamufuula kyabazinga.

Ezekieli 23:17

Era Abababilonia baidha baaba naye mu buliri. Baamumaliraku obwenzi bwaibwe, baamwonoona. Yaamala yaabeesinwa, yaakyuka yaabavaaku.

Danieli 1:7

Agho eyali akulira bagheereza baine abalaawe yaatuuma abaisuka abo amaina agandi: Danieli yaamutuuma Beluteshazzari, Hanania yaamutuuma Shaduraka, Mishaeli yaamutuuma Meshaki, ni Azaria yaamutuuma Abedinego.