2 Bakyabazinga 24:15 - Baibuli Ekibono kya Katonda 2014

¹⁵ Kyabazinga w'e Babilonia yaatwala Yehoiakini e Babilonia ghalala n'inhina, ni bakazi be, n'abakungu be, n'abantu abakologho mu Buyudaaya. Yabatoola e Yerusalemu, yaabatwala e Babilonia nga basibe.

2 Bakyabazinga 24:15 ပူးပေါင်းရင်းမြစ်များ

2 Bakyabazinga 20:18

N'abandi ku batabane bo beene, balibatwala baabalaawa, baafuuka bagheereza ba mu kisaagaati ekya kyabazinga w'e Babilonia.’ ”

2 Bakyabazinga 24:8

Yehoiakini yali agheza emyaka ikumi na munaana egy'obukulu ghe yafuukira kyabazinga wa Buyudaaya. Era yaafuga okumala entangama ya myezi esatu mu Yerusalemu. Inhina nga ni Nehushita, mughala wa Elinathani ow'e Yerusalemu.

2 Bakyabazinga 25:12

Aye yaaleka mu Buyudaaya abandi ku bantu abaavu einho abazira ke bali nako, balimenga era balabirirenga amasamba g'emizabbibu.

2 Bakyabazinga 25:21

mu kiketezo ky'e Hamathi. Kyabazinga oyo yaabakuba era yaabaitira eyo. Batyo Abayudaaya bwe baabatoola mu nsi yaibwe nga basibe, baabatwala mu bunhage.

2 Bakyabazinga 25:27

Agho kyabazinga Evilimerodaki ow'e Babilonia, yaagemerwa kyabazinga Yehoiakini ow'e Buyudaaya ekivunika mu mwaka gwene Evilimerodaki oyo gwe yafuukiramu kyabazinga. Yaamutoola mu ikomera ku lunaku olwamakumi abiri n'omusanvu, mu mwezi ogweikumi n'ebiri (12), mu mwaka ogwamakumi asatu n'omusanvu (37), okuva Yehoiakini oyo kyabazinga wa Buyudaaya lwe yasibwa.

1 Ebyomubyanda 9:1

Abaisiraeli boonaboona baaghandiikibwa mu nkalala edh'obuzaale bwaibwe. Enkalala edho dhaaghandiikibwa mu Kitabo kya Bakyabazinga ba Isiraeli. Agho abantu b'omu kika kya Yuda baali nga bamaze okutwalibwa e Babilonia mu bunhage, ng'ekibonerezo olw'ebibi byaibwe.

2 Ebyomubyanda 36:10

Agho omwaka nga guli kutoolera, ekiseera ebimera kye bisibukiramu, kyabazinga Nebukadinezzari yaatwala Yehoiakini e Babilonia nga musibe, yaatwala n'ebintu eby'omughendo eby'omu isinzizo. Yaataagho Zedekia muganda wa Yehoiakini oyo, yaamufuula kyabazinga wa Buyudaaya ni Yerusalemu.

Yeremia 13:18

Musengwa Katonda yankoba ati: “Koba kyabazinga n'inhina oti, ‘Muve ku bityamo byaimwe eby'obwakyabazinga, kuba engule dhaimwe edhiboneka obulungi dhibaviire ku mitwe gyaimwe dhaagwa.’

Yeremia 29:2

Nagighandiika nga kyabazinga Nebukadinezzari oyo amaze okutwala mu bunhage, kyabazinga Yehoiakini, n'inhina wa Yehoiakini oyo, n'abagheereza ghalala n'abakungu b'omu kisaagaati kya kyabazinga, n'abakulembeze b'omu Yerusalemu ni mu Bayudaaya yoonayoona, n'abagheesi, n'abakugu mu mirimo egy'endhawulo.

Yeremia 52:28

Bano n'abantu kyabazinga Nebukadinezzari be yatwala mu bunhage: Mu mwaka gwe ogwomusanvu nga ni kyabazinga, yatwala abantu enkumi isatu n'amakumi abiri na basatu (3,023).

Ezekieli 17:12

“Buuza abantu abo abadheemu, oba nga baidhi amakulu ag'olufumo luno. Bakobere oti: Kyabazinga ow'e Babilonia yaidha e Yerusalemu, yaatwala kyabazinga waayo n'abakungu baayo, yaaja nabo e Babilonia.

Ezekieli 17:13

Yaatwala mulala ku balangira, yaakola naye endagaano era yaamulayiza okuba omwesigwa. Yaatwala n'abantu abakologho mu nsi eyo ng'omusingo,

Ezekieli 17:3

bamanhe nga nze Musengwa Katonda ndi kukoba nti: Ghaaligho enkookooma enene, ng'eri n'amaghagha amanene era amaleeyi. Era yali ng'eriku amooya ag'erangi kamaala. Enkookooma eyo yaaguluka yaaja ku nsozi edh'e Lebanoni, ku muti omuvule ghaigulu ku busanso bw'ensaga dhaagwo.

Ezekieli 19:9

Baakighaluza n'amalobo baakisibira mu kaguli, era baakitwalira omwo eri kyabazinga wa Babilonia. Baakikuuma butiribiri, olwo abantu balobe kukiwulira kabiri nga kiwologomera ku nsozi dha Isiraeli.

Danieli 1:3

Kyabazinga Nebukadinezzari yaalagira Ashipenazi eyali akulira bagheereza baine abalaawe, alonde mu Baisiraeli abaaleetebwa mu bunhage, atoolemuuku abaisuka ab'oku lulyo olulangira n'abandi ku batabane b'abakungu.