2 Bakyabazinga 24:14 - Baibuli Ekibono kya Katonda 2014

¹⁴ Nebukadinezzari yaatwala abantu b'omu Yerusalemu ng'abanhage: abakungu boonaboona, n'abantu boonaboona ab'amaani abaziramu ntete naire, baagherera irala abasibe omutwalo mulamba (10,000) woonawoona. Era yaatwala abagheesi n'abakugu mu mirimo egya buli nsambo. Ghazira baasigalayo mu Buyudaaya, okutoolaku abo abaali abaavu bweyavuyavu.

2 Bakyabazinga 24:14 ပူးပေါင်းရင်းမြစ်များ

2 Bakyabazinga 24:16

Abasaadha boonaboona ab'amaani abaziramu ntete naire baali kasanvu (7,000). Ate abakugu mu kukola emirimo, omwali n'abagheesi, baali lukumi (1,000). Abo boonaboona baali ba maani abaziramu ntete naire, nga basobola okulwana olutalo. Abo boonaboona yaabatwala e Babilonia nga basibe.

2 Bakyabazinga 25:12

Aye yaaleka mu Buyudaaya abandi ku bantu abaavu einho abazira ke bali nako, balimenga era balabirirenga amasamba g'emizabbibu.

1 Ebyomubyanda 9:1

Abaisiraeli boonaboona baaghandiikibwa mu nkalala edh'obuzaale bwaibwe. Enkalala edho dhaaghandiikibwa mu Kitabo kya Bakyabazinga ba Isiraeli. Agho abantu b'omu kika kya Yuda baali nga bamaze okutwalibwa e Babilonia mu bunhage, ng'ekibonerezo olw'ebibi byaibwe.

Ezera 2:1

Gano n'amaina ag'abantu ab'omu kiketezo eky'e Buyudaaya abaira okuva mu nsi Babilonia mu bunhage, kyabazinga waayo Nebukadinezzari ye yali abatwaire nga basibe. Abantu abo baira e Yerusalemu n'e Buyudaaya, buli muntu ng'airayo mu kibuga eky'ewaibwe.

Nehemia 1:2

Owundi ku baganda bange ayetebwa Hanani, yaidha n'abantu abandi nga bava e Buyudaaya. Naababuuza ebifa ku Bayudaaya abaawonagho ni bava mu bunhage, n'ebifa ku Yerusalemu.

Isaia 3:2

Aja kutoolagho abantu ab'amaani n'abaisirukale, abalamuzi n'abalanzi, abalaguzi n'abakulu b'ebika,

Yeremia 27:20

ebintu ebyo, kyabazinga Nebukadinezzari ow'e Babilonia by'ataatwala, lwe yatwala mu bunhage Yekonia mutabane wa Yehoiakimu kyabazinga wa Buyudaaya, n'abakungu boonaboona ab'omu Buyudaaya n'ab'omu Yerusalemu.

Yeremia 28:4

Era nja kwiza kyabazinga wa Buyudaaya Yehoiakini mutabane wa Yehoiakimu, ghalala n'abantu boonaboona ab'omu Buyudaaya abaatwalibwa e Babilonia mu bunhage. Yii, bwenebwene nze nja kumenhamenha obuyinza bwa kyabazinga ow'e Babilonia. Nze Musengwa Katonda, ninze nkobye.”

Yeremia 29:2

Nagighandiika nga kyabazinga Nebukadinezzari oyo amaze okutwala mu bunhage, kyabazinga Yehoiakini, n'inhina wa Yehoiakini oyo, n'abagheereza ghalala n'abakungu b'omu kisaagaati kya kyabazinga, n'abakulembeze b'omu Yerusalemu ni mu Bayudaaya yoonayoona, n'abagheesi, n'abakugu mu mirimo egy'endhawulo.

Yeremia 39:10

Yaaleka mu Buyudaaya abandi ku bantu abaavu einho abazira ke bali nako, yaabagha amasamba ag'emizabbibu n'ebibandha.

Yeremia 40:7

Ghaaligho abandi ku bakulu mu magye ga Buyudaaya n'abaisirukale baibwe abaali mu irungu, nga bakaali kweghaayo kwira ku luuyi lwa kyabazinga w'e Babilonia. Bwe baawulira nga kyabazinga w'e Babilonia aghaire Gedalia mutabane wa Ahikamu okufuga ensi yaibwe n'abantu boonaboona abasembayo okuba abaavu abataatwalibwa Babilonia mu bunhage, baidha eri Gedalia oyo e Mizipa.

Yeremia 52:16

Aye yaaleka mu Buyudaaya abandi ku bantu abaavu einho abazira ke bali nako, balimenga era balabirirenga amasamba g'emizabbibu.

Yeremia 52:28

Bano n'abantu kyabazinga Nebukadinezzari be yatwala mu bunhage: Mu mwaka gwe ogwomusanvu nga ni kyabazinga, yatwala abantu enkumi isatu n'amakumi abiri na basatu (3,023).

Ezekieli 17:14

olwo obwakyabazinga obwo bulobe kwegugunga, aye bukuume endagaano eyo busobole okusigalagho.

Ezekieli 17:3

bamanhe nga nze Musengwa Katonda ndi kukoba nti: Ghaaligho enkookooma enene, ng'eri n'amaghagha amanene era amaleeyi. Era yali ng'eriku amooya ag'erangi kamaala. Enkookooma eyo yaaguluka yaaja ku nsozi edh'e Lebanoni, ku muti omuvule ghaigulu ku busanso bw'ensaga dhaagwo.

Matayo 1:11

Yosia yazaala Yekonia ni baganda be, mu byanda eby'okuwangangusibwa okw'e Babiloni.

Matayo 1:12

Nga batwaliibwa e Babiloni, Yekonia yazaala Shealutieli, Shealutieli yaazaala Zerubbabeli.

Matayo 1:17

Kale ense dhityo bwe dhaali: Okuva ku Aburahamu okutuuka ku Daudi, ense ikumi na ina okuva ku Daudi okutuuka ku kuwangangusibwa okw'e Babiloni ense ikumi na ina okuva ku kuwangangusibwa okw'e Babiloni okutuuka ku Kurisito, ense ikumi na ina.

Amateeka Agokubiri 28:36

“Musengwa Katonda aidha kubatwalanga mu ighanga erindi imwe ni badhaadha baimwe lye mutabangamuuku. Aidha kubatwalanga ghalala ni kyabazinga ye munaabanga nga mutairegho okubafuga. Mu ighanga eryo ye mulisinziza bakatonda abaabaadhibwa mu miti ni mu mabaale.

1 Samueli 13:19

Mu Isiraeli mwonamwona timwalimu mugheesi waire omulala ati, kuba Abafilisiti baali nga balekeiza Abaisiraeli okugheesa empiima n'amafumo.