2 Bakyabazinga 24:13 - Baibuli Ekibono kya Katonda 2014

¹³ Yaatoola eby'obukombe byonabyona eby'omu isinzizo, n'eby'omu kisaagaati kya kyabazinga, yaabitwala. Era nga Musengwa Katonda bwe yakoba, Nebukadinezzari yaamenhamenha ebintu byonabyona ebya zaabu, kyabazinga Solomoni owa Isiraeli bye yali ataire mu isinzizo.

2 Bakyabazinga 24:13 ပူးပေါင်းရင်းမြစ်များ

2 Bakyabazinga 20:17

‘Manha ng'ekiseera kiidha kutuuka, byonabyona ebiri mu kisaagaati kyo eky'obwakyabazinga, n'ebyo badhaadha bo bye baatereka okutuusa buti, babitwale e Babilonia. Tighalibaagho waire ekirala kiti ekirisigalagho.

2 Ebyomubyanda 36:7

Nebukadinezzari oyo yaatoola n'ebindi ku bintu ebyakozesebwanga mu isinzizo lya Musengwa Katonda, yaabitwala yaabita mu kisaagaati kye eky'obwakyabazinga e Babilonia.

Isaia 39:6

‘Manha ng'ekiseera kiidha kutuuka, byonabyona ebiri mu kisaagaati kyo eky'obwakyabazinga, n'ebyo badhaadha bo bye baatereka okutuusa buti, batwalibwe e Babilonia. Tighalibaagho waire ekirala kiti ekirisigalagho.

Yeremia 17:3

ni ku buli lusozi olugulumivu oluli mu irungu. Eby'obukombe byaimwe n'ebintu byaimwe eby'omughendo, nja kubighaayo abazigu babinhage olw'okusasulamu ebibi ebingi bye mukoze mu nsi eno.

Yeremia 20:5

Era nja kuleka abazigu baimwe banhage eby'obukombe byaimwe byonabyona ebiri mu kibuga muno, n'ebintu abantu bye baafaabiikanira, n'eby'omughendo einho omuli n'ebya bakyabazinga ab'omu Buyudaaya. Ebyo byonabyona abazigu abo balibinhaga baabitwala e Babilonia.

Yeremia 28:6

“N'ekyo kyene! Ka nsuubire nti Musengwa Katonda aja kukola atyo, atuukirize by'olanze, aize okuva e Babilonia ebintu byonabyona bye baanhaga mu isinzizo, era aize n'abantu boonaboona abaatwalibwa mu bunhage.

Ezekieli 23:26

Balikutoolamu engoye dho, era baakutoolaku ebyamadholobera byo ebirungi einho.

Ezekieli 7:21

Musengwa Katonda akoba ati: “Ndireka abagwira n'abakozi b'ebibi, baanhagulula eby'obukombe ebyo era baabireetera okuba ebitali birongoofu.