2 Bakyabazinga 24:1 - Baibuli Ekibono kya Katonda 2014

¹ Yehoiakimu bweyali nga ni kyabazinga, ghaabaagho kyabazinga Nebukadinezzari ow'e Babilonia yaalumba Buyudaaya. Yehoiakimu yaakakibwa okufuuka omugheereza we okumala entangama ya myaka esatu. Aye yaamala yaamwefuulaku, yaamudheemera.

2 Bakyabazinga 24:1 ပူးပေါင်းရင်းမြစ်များ

2 Bakyabazinga 17:5

Agho kyabazinga Shalumaneseri ow'e Assiria yaalumba ensi Isiraeli, yaazingiza ekibuga Samaria okumala entangama ya myaka esatu.

2 Bakyabazinga 24:20

Musengwa Katonda yaasungughalira ab'omu Yerusalemu n'ab'omu Buyudaaya ebitaloodheka, yaababingagho mu maiso ge. Agho Zedekia yaadheemera kyabazinga Nebukadinezzari ow'e Babilonia.

2 Ebyomubyanda 36:1

Agho abantu ab'omu Buyudaaya baalonda Yehoahazi mutabane wa Yosia, baamufuula kyabazinga mu kifo kya lata we oyo mu Yerusalemu.

Ezera 4:12

“Isebantu kyabazinga, tuli kukumanhisa tuti Abayudaaya abaidha eno nga baviire eyo iwe y'oli, baamala baaja Yerusalemu. Era bali kuzimba buyaaka ekibuga ekyo eky'abantu abadheemu era abakozi ab'ebibi bali kwizaagho omusingi n'ebimante byakyo. Bali kumpi na kumaliriza.

Isaia 36:5

Olowooza oti okwogera obwogere n'okunaafuuka amagezi n'amaani ag'okulwana olutalo? Naani y'oli kwesiga okutuuka n'okundheemera?

Yeremia 25:1

Mu mwaka ogwokuna nga Yehoiakimu mutabane wa Yosia ni kyabazinga wa Buyudaaya, nafuna obukwenda bwa Musengwa Katonda, nga bugema ku bantu boonaboona ab'omu Buyudaaya. Ogwo n'ogwali omwaka ogusooka nga Nebukadinezzari ni kyabazinga w'e Babilonia.

Yeremia 25:9

‘Bona, nja kwetesa abantu boonaboona ababa ku luuyi olw'omukono omugooda olw'e buvandhuba, era ndhetese n'omugheereza wange Nebukadinezzari kyabazinga w'e Babilonia. Memale mbaleete balwanise abantu b'omu Buyudaaya, n'ab'omu maghanga goonagoona agaliiraine agho. Nja kuzikiriza nsaaniegho eighanga lino Buyudaaya ghalala n'amaghanga agaliiraine agho, mu nsambo etiisa einho, buli muntu ageesimoozenga bwesimooze era agavumirirenga ebyanda n'ebyanda. Nze Musengwa Katonda, ninze nkobye.

Yeremia 35:1

Yehoiakimu mutabane wa Yosia bwe yali nga ni kyabazinga wa Buyudaaya, Musengwa Katonda yankoba ati:

Yeremia 35:11

Aye kyabazinga Nebukadinezzari ow'e Babilonia bwe yaidha n'alumba ensi eno, ife twasalagho okwidha e Yerusalemu nga tulumuka amagye ag'Abababilonia n'ag'Abasiria. Kale n'okuba nti buti tuba mu Yerusalemu.”

Yeremia 36:1

Mu mwaka ogwokuna nga Yehoiakimu mutabane wa Yosia ni kyabazinga wa Buyudaaya, Musengwa Katonda yankoba ati:

Yeremia 45:1

Mu mwaka ogwokuna nga Yehoiakimu mutabane wa Yosia ni kyabazinga wa Buyudaaya, nze Yeremia naakoba Baruku mutabane wa Neria, yaaghandiika ebibono bino byonabyona nga bwe nabyogera. Era naamukoba nti,

Yeremia 46:2

ng'atoolera ni Misiri. Bino bye yayogera ku igye lya kyabazinga Neko ow'e Misiri, Nebukadinezzari kyabazinga w'e Babilonia lye yaghangulira e Karikemishi okumpi n'omwiga Eufurate, mu mwaka ogwokuna nga Yehoiakimu ni kyabazinga wa Buyudaaya:

Yeremia 50:17

Musengwa Katonda akoba ati: “Abaisiraeli bali ng'oti ntaama edhirumuka ni dhisansaana ng'empologoma dhiri kudhibinga. Kyabazinga ow'e Assiria n'eyasooka okubalumba, memale kabiri kyabazinga Nebukadinezzari ow'e Babilonia yaababegeta amagumba.

Ezekieli 19:8

Agho amaghanga gaava ku ndhuyi dhoonadhoona, geesoloza okwidha okukirumba. Baakitega olutuula, baakigemya mu lwina lwe baakitega.

Ezekieli 21:14

“Kale, iwe omuntu langa, okube mu ngalo empiima eidhe eteme emikuzi ebiri, kabiri eteme n'ogwokusatu. Eyo n'empiima ebazingiiza okubatirimbula mu bungi.

Danieli 1:1

Mu mwaka ogwokusatu nga kyabazinga Yehoiakimu n'afuga Buyudaaya, kyabazinga Nebukadinezzari ow'e Babilonia yaalumba ekibuga Yerusalemu n'eigye lye, yaakizingiza okukyezunguluza.

Danieli 1:2

Musengwa yaaghaayo kyabazinga Yehoiakimu owa Buyudaaya mu buyinza bwa Nebukadinezzari ghalala n'ebindi ku bintu ebyakozesebwanga mu isinzizo lya Katonda. Nebukadinezzari yaabitwala mu nsi Shinari mu isabo lya katonda we, yaabita mu iterekero ery'eisabo eryo.

Habakkuku 1:6

Bona eno, nja kuleetera Abababilonia babe eighanga ery'amaani einho era ery'obukumu. Baje n'obukambwe mu nsi yoonayoona nga banhaga ebiketezo eby'abantu abandi.