2 Bakyabazinga 23:7 - Baibuli Ekibono kya Katonda 2014

⁷ Yaamenhagho ebisulo ebyali mu isinzizo eby'abasaadha abaakolanga obwamalaaya obw'omu isabo. Mu bisulo ebyo abakazi mwe baalukiranga engoye edhaakozesebwanga mu kusinza omusambwa omukazi Ashera.

2 Bakyabazinga 23:7 ပူးပေါင်းရင်းမြစ်များ

1 Bakyabazinga 14:24

Era mu nsi eyo mwalimu abasaadha abaakolanga obwamalaaya obw'omu isabo. Kale abantu ab'omu Buyudaaya baakolanga ebyenhinhalwa eby'abamaghanga agandi, Musengwa Katonda be yabinga mu nsi eyo ng'Abaisiraeli bali kumpi okugituukamu.

1 Bakyabazinga 15:12

Yaatoolagho mu nsi eyo omuze ogw'abasaadha ogw'okukolanga obwamalaaya obw'omu isabo. Era yaatoolagho n'ebisinzibwa ebitali Katonda, badhaadha be bye baakola.

1 Bakyabazinga 22:46

Yehoshafati oyo yamaliragho irala mu nsi ye, abasaadha abaakolanga obwamalaaya obw'omu isabo, abaali bakaasigairegho okuva mu byanda bya lata we Asa.

2 Ebyomubyanda 34:33

Yosia yaatoola ebyenhinhalwa byonabyona mu kiketezo ky'Abaisiraeli. Olwo yaaleetera Abaisiraeli boonaboona okugheereza Musengwa Katonda waibwe. Era ekiseera kyonakyona kye yamala nga mulamu, abantu tibaalekeraku naire okugheereza Musengwa Katonda, Katonda wa badhaadha baibwe.

Ezekieli 16:16

Watoola ku bivaalo byo waatimba amasabo go okugadholiga, waakolera omwo obwamalaaya mu nsambo etabangaghooku era etaja kubaagho kabiri.

Ezekieli 8:14

Agho yantwala gha mulyango ogw'eisinzizo lya Musengwa Katonda ogwali ku luuyi olw'omukono omugooda olw'e buvandhuba. Okuja okulinga nti nga mbonayo abakazi abatyaime nga bali kulira Omusambwa ogwetebwa Tammuza.

Hosea 2:13

Ndimubonereza olw'okukuzanga ebibinuko by'omusambwa Baali era n'aguniokezanga obubbaani. Era ndimubonereza olw'okuvaala empeta n'ebyamadholobera, n'aja n'abagonzi be, olwo nze n'aneerabira. Musengwa Katonda n'akobye.

Hosea 4:13

Baghaayo emisengo ku ngulu okw'ensozi enene, baaghaayo ebigheebwayo ku busozi obutono, ni ghansi gh'emiti emikologho emizibirivu, kuba ebinsense byagyo birungi. Baghala baibwe kyebava ni bakola obwamalaaya, ni bakazi baibwe ni bakola obwenzi.

Hosea 4:14

Tiribonereza baghala baimwe nga bakoze obwamalaaya, waire okubonereza bakazi baimwe nga bakoze obwenzi; kuba n'imwe abasaadha beene muja n'abakazi bamalaaya ab'omu isabo, era mwabeeyimbaku mwaghaayo emisengo. Kale ni abantu abatategeera balizikirira.

Okubala 25:1

Abaisiraeli bwe baali e Shittimu, baatoolera obutaba beesigwa eri Katonda waibwe, baakolanga obwamalaaya n'abakazi Abamoabu.

Amateeka Agokubiri 23:17

“Ghatabangagho mukazi oba musaadha nga Muisiraeli anaakolanga obwamalaaya obw'omu isabo.