2 Bakyabazinga 23:33 - Baibuli Ekibono kya Katonda 2014

³³ Agho kyabazinga Neko ow'e Misiri yaasibira Yehoahazi e Ribula mu nsi y'e Hamathi, alobe kufuga mu Yerusalemu. Yaasalira Buyudaaya omusolo gwa kilo enkumi isatu na bina (3,400) edha feeza ni kilo amakumi asatu na ina (34) edha zaabu.

2 Bakyabazinga 23:33 ပူးပေါင်းရင်းမြစ်များ

1 Bakyabazinga 8:65

Kale mu kiseera ekyo, Solomoni ng'ali ghalala n'Abaisiraeli boonaboona nga beesoloiza, baakola embaga ey'ekibinuko mu maiso ga Musengwa Katonda waife, kye baamalaku enaku omusanvu. Ekibinuko ekyo kyaliku abantu abeesoloiza kamaala inho, okuva eruuyi ere aghaingirirwa e Hamathi, okutuuka ku kaiga ak'oku nsalosalo ni Misiri.

2 Bakyabazinga 18:14

Agho kyabazinga Hezekia owa Buyudaaya yaagheereza obukwenda eri kyabazinga w'e Assiria, eyali e Lakishi mu kiseera ekyo, nga bukoba buti: “Nayonoona. Nkusaba olekere agho okuunumba. By'onansalira byonabyona ndidha kubikugha.” Agho kyabazinga w'e Assiria yaasalira kyabazinga Hezekia kilo omutwalo mulala (10,000) edha feeza, ni kilo lukumi (1,000) edha zaabu.

2 Bakyabazinga 23:29

Mu biseera bye ng'akaali kyabazinga, kyabazinga Neko ow'e Misiri yaidha n'eigye okubeeraku kyabazinga w'e Assiria kumpi n'omwiga Eufurate. Agho kyabazinga Yosia yaaja okumulwanisa. Neko bwe yabona Yosia, yaamwitira e Megiddo.

2 Bakyabazinga 23:35

Kyabazinga Yehoiakimu yaasolozanga feeza ni zaabu ku bantu b'omu nsi ye ng'ajiira ku nfuna yaibwe, aghange okugheza omughendo gw'empiiya edh'omusolo kyabazinga w'e Misiri gwe yamulagira okusasulanga.

2 Bakyabazinga 25:20

Nebuzaradani yaabatwala eri kyabazinga w'e Babilonia e Ribula,

2 Bakyabazinga 25:6

Agho Abababilonia baamugema baamutwala ye kyabazinga Nebukadinezzari ow'e Babilonia ng'ali e Ribula, yaamusalira omusango gwamusinga.

Okuvaayo 21:22

“Bwebanaabanga nga bali kulwana, memale owundi ku abo n'alumya omukazi ali enda, enda n'evaamu aye omukazi n'ataba bubi, oyo amulumiiza aidha kumuliyiranga omughendo iba w'omukazi oyo ye balumiiza gw'anaasalanga ni gwikirizibwa abalamuzi.

Ensambo 19:19

Omuntu ow'obusungu omuleka yaaguma n'ebizibu ebiva mu busungu bwe, kuba bw'omutoola mu kizibu omukuzi ogusooka, oba oli n'okumutoola ni mu kindi omukuzi ogundi.

Yeremia 46:2

ng'atoolera ni Misiri. Bino bye yayogera ku igye lya kyabazinga Neko ow'e Misiri, Nebukadinezzari kyabazinga w'e Babilonia lye yaghangulira e Karikemishi okumpi n'omwiga Eufurate, mu mwaka ogwokuna nga Yehoiakimu ni kyabazinga wa Buyudaaya:

Ezekieli 19:7

Kyayonoonayonoona ebifo byaibwe eby'okwewogomamu, kyazikiriza ebibuga byaibwe. Nga buli lwe kiwologoma kiti, abantu batya inho n'ebyalo byaibwe byawolongera.

Ezekieli 19:9

Baakighaluza n'amalobo baakisibira mu kaguli, era baakitwalira omwo eri kyabazinga wa Babilonia. Baakikuuma butiribiri, olwo abantu balobe kukiwulira kabiri nga kiwologomera ku nsozi dha Isiraeli.

Okubala 13:21

Kale abantu abo baaja baakeeta ensi eyo okuva ku irungu ery'e Zini okutuuka e Rehobu, agho gh'oingirira mu Hamathi.

Okubala 34:11

Ensalosalo eyo eidha kuvanga e Shefamu, eikirire e Ribula ku luuyi olw'e buvandhuba olwa Aini. Era eidha kweyongeranga okwikirira etuuke ku luuyi olw'e buvandhuba olw'enhandha Kinnerethi.