2 Bakyabazinga 23:24 - Baibuli Ekibono kya Katonda 2014

²⁴ Yosia era yaatoolagho mu Yerusalemu ni mu Buyudaaya mwonamwona, abasamize, n'abalogo, n'emisambwa egy'omu maka, n'ebisinzibwa ebitali Katonda, era n'ebintu ebindi byonabyona ebyenhinhalwa. Yaakola ekyo, aghange okuleetera amateeka ago okukakata mu bantu, agaaghandiikibwa mu kitabo Hilikia Omukulu wa Bakabona kye yazuula mu isinzizo.

2 Bakyabazinga 23:24 ပူးပေါင်းရင်းမြစ်များ

Amainhama 31:19

Labani yali ng'ajiire okusala ku ntaama obuviiri, Rakeli yaiba emisambwa gya ise egy'omu maka.

2 Bakyabazinga 21:11

“Kyabazinga Manasse owa Buyudaaya akoze ebyenhinhalwa ebyo, era yaakola ebibi ebisinga ebyo byonabyona Abamori abaamusooka bye baakola. Mu nsambo eyo aleeteire n'ab'omu Buyudaaya okwonoona nga basinza ebitali Katonda bye yataagho.

2 Bakyabazinga 21:21

Yaajiiranga ku mpisa dha lata we, yaasinzanga ebitali Katonda lata we oyo bye yasinzanga, era yaabikubiranga amakiryaivu.

2 Bakyabazinga 21:3

Yaazimba buyaaka ebifo ebigulumivu eby'okusinzizaamu, lata we Hezekia bye yali azikiriiza. Yaataagho alutaari edh'okusinzizaaku omusambwa Baali, era yaakola ekifaananie eky'omusambwa omukazi Ashera, nga kyabazinga Ahabu owa Isiraeli bwe yakola. Yaasinzanga eby'oku igulu byonabyona era yaafuuka mugheereza waabyo.

2 Bakyabazinga 21:6

Yaayokya mutabane we ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

2 Bakyabazinga 23:23

Aye mu mwaka ogweikumi n'omunaana (18) nga kyabazinga Yosia n'afuga, Ekibinuko ekyo eky'Okubitizibwa baakikolera Musengwa Katonda mu Yerusalemu.

Isaia 19:3

Ndivuyavuya entegeka dh'Abamisiri, naabaleetera okuwaamu amaani. Balyebuuza ku misambwa, ni ku balogo, ni ku balaguzi, ni ku b'amaghembe.

Hosea 3:4

Mu nsambo ng'oti n'eyo, Abaisiraeli boona balimala ekiseera kireeyi nga bazira kyabazinga waire omukulembeze, nga bazira misengo gye baghaayo waire okuba n'empango dh'amabaale edhisinzibwa, nga bazira bivaalo bakabona bye bakozesa mu kulagula waire okuba n'ebifaananie ebisinzibwa ebyetebwa terafimu.

Abalevi 19:31

“Mutajanga kwebuuza ku basamize, oba ku balogo. Mutabaagalanga ye bali, kuba baidha kubafuula abatali balongoofu. Ninze Musengwa Katonda waimwe.

Abalevi 20:27

“Omusaadha oba omukazi omusamize, oba omulogo, anaitibwanga. Anaakubwanga amabaale yaitibwa. Mwene n'anaabanga yeereeteire okwitibwa.”

Ab'e Roma 3:20

Mu maiso ga Katonda ghazira muntu ni bw'aba mulala ati alibalwa kuba mutuukirivu olw'okukola ebiri mu Mateeka, kuba ku Mateeka abantu kwe bamanhira nga boonooni.

Yakobo 1:25

Aye oyo eyeekalirisa amateeka amatuufu agaleetera abantu eidembe, era n'ageekalanguliraku nga tawulira buwulire ni yeerabira, aye ng'akola bye gakoba, omuntu oyo anaabanga wa nkabi mu buli ky'akola.

Okwolekebwa 22:15

Aye embwa, n'abalogo, n'abenzi, n'abatemo n'abasinza ebyo ebitali Katonda, n'abaguya, baliba kuliya.

Abalamuzi 17:5

Omusaadha oyo Mika, yali n'eisinzizo erirye. Agho yaatunga ekivaalo eky'obwakabona era yaakola ebintu ebyetebwa terafimu. Yaayawula owundi ku batabane, yaafuuka kabona we.