2 Bakyabazinga 23:14 - Baibuli Ekibono kya Katonda 2014

¹⁴ Kyabazinga Yosia yaamenhamenha empango, era yaatematema n'ebifaananie eby'omusambwa Ashera. Mu bifo byabyo yaidhuzaamu amagumba g'abafu.

2 Bakyabazinga 23:14 ပူးပေါင်းရင်းမြစ်များ

2 Bakyabazinga 18:4

Yaatoolagho ebifo ebigulumivu eby'okusinzizaamu, yaamenhagho empango, era yaatematema ebifaananie by'omusambwa omukazi Ashera. Era yaamenhamenha omusota ogw'ekyuma eky'ekikomo Musa gwe yakola n'agweta Nehushitani kuba n'okutuusa mu biseera ebyo, Abaisiraeli baali bakaaguniokeza obubbaani.

2 Bakyabazinga 23:16

Agho Yosia oyo bwe yakyuka ati yaabona amagombe agali agho ku lusozi. Yaalagira bagaziikulemu amagumba, era amagumba ago yaagookera ku alutaari ng'agyonoona nga Musengwa Katonda bwe yakoba ng'abita mu mulanzi we eyalanga ebiribaagho mu kifo ekyo.

Okuvaayo 23:24

Otakubiranga misambwa gyaibwe makiryaivu, oba okugisinza, oba okukola ebyo beene bye bagikolera. Aye ogizikirizanga, era waamenhamenhanga empango dhaagyo edh'amabaale.

Okuvaayo 34:13

Mu kifo eky'okukola nabo endagaano, mumenhemenhegho alutaari dhaibwe, n'ebituuti byaibwe eby'amabaale, era n'ebifaananie bya Ashera, omusambwa gwaibwe omukazi.

Isaia 27:9

Aye Abaisiraeli balisoniyibwa ebibi byaibwe, nga bamaze okumenhamenha alutaari dh'emisambwa n'okusekulasekula amabaale gaadho ni gafuuka ensaano. Era nga bamaze okukomya okuniokezanga obubbaani ku alutaari edho, era nga basaaniizaagho kiisi kamanhiso akooleka omusambwa omukazi Ashera.

Isaia 44:19

Omuntu akola ekisinzibwa ekitali Katonda, taidhukira waire okwefumintirizaaku mule ati: “Ekitundu ky'omuti ogwo nkikumiisa omuliro naagufumbisa emere, era naatalikaku n'emamba naagirya. Memale obwo ekitundu kyagwo ekisigairegho ate kye nnaafuula ekisinzibwa ekyenhinhalwa, era ni nkikubira n'amakiryaivu, ate nga kiti buti?”

Ezekieli 6:5

Ndibunga emirambo egy'Abaisiraeli mu maiso ag'ebisinzibwa byaibwe ebitali Katonda, era naasansaania amagumba gaibwe okwezunguluza alutaari dhaibwe.

Mika 1:7

“Ebifaananie abantu baamu bye babaire basinzanga, abazigu baibwe baja kubimenhamenha. Ebintu ebyagheebwanga bamalaaya ab'omu masabo byonabyona bija kwokebwa omuliro. Ebyo byonabyona ebisinzibwa ebitali Katonda bija kubungibwa bwagho. Olw'okuba ebintu ebyo byafunibwa mu ebyo ebigheebwa bamalaaya, era n'abazigu boona baidha kubitwala bigheebwe bamalaaya abandi.”

Okubala 19:16

Omuntu yeenayeena bw'anaabanga ng'ali eyo kuliya, n'agema ku muntu ye baise obwite, oba ku muntu afiire mwene, oba ku igumba ery'omuntu, oba ku magombe, aidha kubanga nga tiimulongoofu okumala enaku musanvu.

Okubala 19:18

Agho omuntu omulongoofu aidha kutoolanga akati akeetebwa hissopu akainhike mu maadhi ago, memale agamansire mu weema eyo, ni ku bintu byamu byonabyona, ni ku bantu abaagirimu, ni ku oyo anaabanga ng'agemye ku muntu aitiibwa obwitibwe, oba ku afiire mwene, oba ku igumba, oba ku magombe.

Okubala 33:52

mwidha kubingangamu abatyamye baamu boonaboona be munaayagaanangamu, muzikirizenga ebifaananie byaibwe byonabyona ebibaadhe mu mabaale, n'ebyo ebyakolebwa mu kyuma ekisaanuusiibwa, era musaaniengagho ebifo byaibwe ebigulumivu eby'okusinzizaamu.

Amateeka Agokubiri 7:5

Agho ni mubabisenga muti: mumenhemenhenga alutaari dhaibwe, mutemetemenga empango dha bakatonda baibwe edh'amabaale, mwasaageyasaagenga ebifaananie ebibaadhe eby'omusambwa gwaibwe omukazi Ashera, era mwokyenga n'omuliro ebintu byaibwe bye basinza ebitali Katonda.