2 Bakyabazinga 23:12 - Baibuli Ekibono kya Katonda 2014

¹² Yaamenhamenhagho alutaari, bakyabazinga ba Buyudaaya dhe baali bazimbye ghaigulu ku ngulu kw'endhu ya kyabazinga Ahazi, era n'edho kyabazinga Manasse dhe yali azimbye mu mpya dhombi edh'eisinzizo. Edho dhoonadhoona yaadhisaaniagho, dhaafuuka bwa nkungu, era enkungu eyo yaagiyugha mu kaiga Kiduroni.

2 Bakyabazinga 23:12 ပူးပေါင်းရင်းမြစ်များ

1 Bakyabazinga 15:13

Era yaatoola ni ku dhaadha we Maaka ekitiibwa eky'okuba inhina owa kyabazinga, kuba Maaka oyo yali n'ekifaananie ekyenhinhalwa ekyasinzibwanga eky'omusambwa omukazi Ashera. Asa yaatemagho ekifaananie ekyo, yaakyokera ku kaiga Kiduroni.

2 Bakyabazinga 10:26

baatoolamu empango ya Baali, baagyokya.

2 Bakyabazinga 21:4

Yaazimba alutaari mu isinzizo Musengwa Katonda lye yayogeraku ati: “Mu Yerusalemu mwe banansinzizanga.”

2 Bakyabazinga 21:5

Era yaazimbira eby'oku igulu byonabyona alutaari mu mpya eibiri edh'eisinzizo lya Musengwa Katonda.

2 Bakyabazinga 23:4

Agho kyabazinga Yosia yaayeta Hilikia Omukulu wa Bakabona, ni bakabona abamwiririra, n'abaigazi b'eisinzizo, yaabalagira okufulumya mu isinzizo ebintu byonabyona ebyakozesebwanga mu kusinza omusambwa Baali n'omusambwa omukazi Ashera, ni mu kusinza ebyakira ku igulu byonabyona. Kyabazinga yaabyokera kuliya wa Yerusalemu mu nsiko, mu kiiko Kiduroni, era eivu lyabyo baalitwala e Betheli.

2 Bakyabazinga 23:6

Yaatoola mu isinzizo ekifaananie ky'omusambwa omukazi Ashera, yaakitwala kuliya wa Yerusalemu eri akaiga Kiduroni, yaakyokera eyo, yaakisekulasekula kyafuuka bwa nkungu, yaamansira enkungu eyo mu kifo mwe baaziikanga abantu ababuliidho.

2 Ebyomubyanda 15:16

Era kyabazinga Asa oyo yaatoola ni ku dhaadha we Maaka ekitiibwa eky'okuba inhina owa kyabazinga, kuba Maaka oyo yakola ekifaananie ekyenhinhalwa ekyasinzibwanga, eky'omusambwa omukazi Ashera. Asa yaatemagho ekifaananie ekyo, yaakimenhamenha, yaakyokera ku kaiga Kiduroni.

2 Ebyomubyanda 33:15

Yaatoola mu isinzizo bakatonda b'amaghanga agandi, n'ekisinzibwa ekitali Katonda kye yali atairemu, n'alutaari dhe yali azimbye ku lusozi olwazimbwaku eisinzizo eryo. Yaatoola ebintu ebyo ni mu bifo ebindi mu Yerusalemu, byonabyona yaabisuula kuliya kw'ekibuga.

2 Ebyomubyanda 33:5

Era yaazimbira eby'oku igulu byonabyona alutaari mu mpya eibiri edh'eisinzizo lya Musengwa Katonda.

Yeremia 19:13

Endhu edh'omu Yerusalemu, n'edha bakyabazinga ab'omu Buyudaaya, ghalala n'edho dhoonadhoona abantu dhe baaniokezangaku obubbaani ghaigulu ku busolya bwadho nga babuniokereza emuunienie edh'oku igulu, era mwe baafukiranga ebigheebwayo eby'okunhwa eri bakatonda abandi, dhoonadhoona dhiriba nga ti nongoofu ng'oti n'ekifo ky'e Tofethi.”

Yeremia 31:40

Ekiiko kyonakyona kye baziikamu abafu era kye basuulamu n'ebikaba, n'enimiro dhoonadhoona okutuuka ku kaiga Kiduroni n'okutuuka ku gwetebwa Omulyango ogw'Embalaasi mu buvandhuba, biidha kubanga byange era nga bitukuvu. Ekibuga tikiriiramu kabiri kumenhebwagho waire okuzikirizibwa.”

Zefania 1:4

“Nja kubonereza abantu ab'omu Yerusalemu boonaboona n'abo ababa mu Buyudaaya mwonamwona. Era nja kuzikiriza abasinza omusambwa Baali boonaboona abakaasigairegho, n'amaina aga bakabona abamugheereza goonagoona geerabirirwe irala.

Zefania 1:5

Nja kuzikiriza abo abaaniina ghaigulu ku ndhu okusinza ebintu eby'oku igulu, n'abo boonaboona abansinza nze Musengwa Katonda, kabiri ni bamala balayira omusambwa Moleki.

Amateeka Agokubiri 22:8

“Bw'onaazimbanga endhu ey'akasolya abantu kwe basobola okutyama, akasolya ako oidha kukeezunguluzanga olukomera. Olwo olobe kubangaku musango gwa kwita, bwe ghanaabangagho aghanukayo n'agwa.