2 Bakyabazinga 22:2 - Baibuli Ekibono kya Katonda 2014

² Yosia yaakolanga ebituufu Musengwa Katonda by'asiima, yaajiira ku mpisa ng'edha dhaadha we Daudi, yaaloba kukyuka kudhireka kwira eno oba ere.

2 Bakyabazinga 22:2 ပူးပေါင်းရင်းမြစ်များ

1 Bakyabazinga 11:38

Bw'onaatanga omwoyo ku byonabyona bye nkulagira, n'ogumira ku nze, n'okola bye nsiima, era n'ogemanga amateeka n'ebiragiro byange ng'omugheereza wange Daudi bwe yakolanga, ndidha kubanga ghalala n'iwe. Ndikugha okufuga Isiraeli, era naaleetera ab'endhu yo okusigalagho nga bakaafuga, nga bwe nagha omugheereza wange Daudi.

1 Bakyabazinga 15:11

Asa oyo yaakolanga ebituufu mu maiso ga Musengwa Katonda, nga dhaadha we Daudi bwe yakolanga.

1 Bakyabazinga 15:5

Musengwa Katonda yaakola ekyo, kuba Daudi yakolanga ebituufu mu maiso ga Musengwa Katonda oyo, era tiyavanga ku kye yamulagira enaku dhoonadhoona edh'obulamu bwe, okutoolaku ekyo kye yakola Uria Omuhitti.

1 Bakyabazinga 3:6

Solomoni yaakoba ati: “Buliidho obairenga ng'oyoleka nga bw'ogonza einho lata wange Daudi omugheereza wo obutalekera; kuba yali mwesigwa, omutuufu era omwesimbu mu kukolagana n'iwe. Era omukuumiire okugonza kwo okwo okutakoma, waamugha omwana omulenzi afuga mpegaano mu kifo kye.

2 Bakyabazinga 12:3

Aye era ebifo ebigulumivu eby'okusinzizaamu tiyabitoolagho, kale abantu baasigala nga bakaagheera emisengo n'okuniokeza obubbaani mu bifo ebyo.

2 Bakyabazinga 14:3

Amazia yakola ebituufu Musengwa Katonda by'asiima, aye tiyatuuka ku ebyo dhaadha we Daudi bye yakola. Amazia oyo yakola ebyo byonabyona lata we Yoashi bye yakolanga.

2 Bakyabazinga 16:2

Yali agheza emyaka amakumi abiri egy'obukulu, era yaafuga okumala entangama ya myaka ikumi na mukaaga mu Yerusalemu. Tiyajiiranga ku mpisa nungi edha dhaadha we Daudi, eyakolanga ebituufu Musengwa Katonda we by'asiima.

2 Bakyabazinga 18:3

Yaakolanga ebituufu Musengwa Katonda by'asiima, ng'oti n'ebyo dhaadha we Daudi bye yakolanga.

2 Ebyomubyanda 17:3

Musengwa Katonda yaagha Yehoshafati enkabi, kuba yajiiranga ku mpisa enkalamu edha lata we edhaasooka, yaaloba kusinzanga emisambwa egyetebwa Baali.

2 Ebyomubyanda 29:2

Hezekia yaakolanga ebituufu Musengwa Katonda by'asiima, ng'oti n'ebyo dhaadha we Daudi bye yakolanga.

2 Ebyomubyanda 31:20

Kale Hezekia yaakolanga atyo mu Buyudaaya yoonayoona. Yaakolanga ebirungi n'ebituufu ebisiimya Musengwa Katonda we, era yaabanga mwesigwa y'ali.

2 Ebyomubyanda 34:1

Yosia yali agheza emyaka munaana egy'obukulu ghe yafuukira kyabazinga wa Buyudaaya. Era yaafuga okumala entangama ya myaka amakumi asatu na mulala mu Yerusalemu.

Ensambo 20:11

N'omwana omuto by'akola byoleka ki ky'ali, osobola okumanha oba nga mwesigwa era nga mulungi.

Ensambo 4:27

Tambulanga butereevu aghazira kudaaliimira eno n'ere; otaganhanga kigere kyo kuja mu ngira ya kukola bibi.

Zefania 1:1

Buno n'obukwenda Musengwa Katonda bwe yatuma Zefania aje akobere abantu, mu biseera bya kyabazinga wa Buyudaaya eyayetebwanga Yosia, eyali mutabane wa Amoni. Zefania oyo yali mutabane wa Kushi, Kushi yali mutabane wa Gedalia, Gedalia yali mutabane wa Amaria, Amaria yali mutabane wa kyabazinga Hezekia.

Amateeka Agokubiri 5:32

Musa yaayongera okukoba ati: “Mwegenderezenga nga mukola nga Musengwa Katonda waimwe bweyabalagira, aghazira kudaaliimira eno oba ere.

Yoshua 1:7

Iwe ky'oli n'okukola, n'okuba n'obumalirivu era n'obutatya nga weegendereza okugondera amateeka goonagoona, omugheereza wange Musa ge yakugha. Togavangaku waire akatono kati, olwo buli kintu kiidha kukujiiranga bukalamu woonawoona.