2 Bakyabazinga 22:19 - Baibuli Ekibono kya Katonda 2014

¹⁹ weeneniiza era weewombeeka mu maiso gange. Era okanwiremu ebivaalo byo olw'okunakughala era waalira amaziga, bw'owuliire ebyo bye nayogera ku kifo kino ni ku bantu abakibaamu, nga bwe balizikirira ni bafuuka ekibono abantu kye bakozesa okukolima. Kale ni mpuliire okusaba kwo.

2 Bakyabazinga 22:19 ပူးပေါင်းရင်းမြစ်များ

1 Bakyabazinga 21:29

“Oboine Ahabu bwe yeewooyiiza mu maiso gange? Kale nga bwe yeewooyiiza mu maiso gange atyo, akabi tija kukaleeta mu biseera bye ng'akaali mulamu, aye ndikaleeta ku b'endhu ye mu biseera bya mutabane we.”

2 Bakyabazinga 19:20

Agho Isaia mutabane wa Amozi yaagheereza Hezekia obukwenda obukoba buti Musengwa Katonda wa Isiraeli akoba ati awuliire okusaba kwo ku bigema ku Sennakeribu kyabazinga w'e Assiria.

2 Bakyabazinga 20:5

Yaamukoba okwirayo akobe Hezekia omukulembeze w'abantu ba Musengwa Katonda oyo ati: “Musengwa Katonda, Katonda wa Daudi dhaadha wo akoba ati, ‘Mpuliire ky'onsabye era naabona n'amaziga go. Kale ni bona, ndidha kukuwonia, era ku lunaku olwokusatu oidha kuja mu isinzizo.

2 Bakyabazinga 22:11

Agho kyabazinga bwe yawulira ebyasomwa mu kitabo ky'Amateeka, yaakanulamu ebivaalo bye olw'okunakughala.

2 Ebyomubyanda 32:26

Aye Hezekia yaamala yaagonda ghalala n'abantu ab'omu Yerusalemu, era baalekera agho okwekuluntaza. Kale Musengwa Katonda yaaloba kubamaliraku busungu bwe mu biseera bya Hezekia oyo.

2 Ebyomubyanda 33:12

Agho bweyali ng'ali eyo mu kudaazibwadaazibwa, yeegayirira Musengwa Katonda we era yeewooya ekibitiriire mu maiso ga Katonda wa badhaadha be oyo.

2 Ebyomubyanda 33:19

Ate ebigema ku ebyo Manasse bye yasaba Katonda, n'ebyo Katonda oyo bye yamwiramu olw'okusaba okwo, n'ebibi ghalala n'ebisobyo byonabyona bye yakola, n'ebifo ebigulumivu bye yazimba okusinzizangamu, n'ebifaananie eby'omusambwa omukazi Ashera bye yataagho, n'ebisinzibwa ebitali Katonda bye yasinzanga ng'akaali kugonda kwenenia, byonabyona byaghandiikibwa mu Byafaayo eby'abalanzi.

2 Ebyomubyanda 33:23

Yaaloba kugonderanga Musengwa Katonda nga lata we Manasse bwe yakolanga, aye yeeyongeranga bweyongere kukola bibi.

2 Ebyomubyanda 34:27

weeneniiza era weewombeeka mu maiso gange. Era okanwiremu ebivaalo byo olw'okunakughala era waalira amaziga, bw'owuliire ebibono bye nayogera ku kifo kino ni ku bantu abakibaamu. Kale ni mpuliire okusaba kwo.

Ezera 10:1

Ezera bweyali ng'ali kusaba bw'ayatula ebibi, eno nga bw'alira amaziga ng'akubye amakiryaivu gha mberi gh'eisinzizo lya Katonda, eikuukuubira ery'Abaisiraeli abasaadha n'abakazi n'abaana abato, lyesololeza gh'ali. Boonaboona nga bali kulira inho amaziga.

Nehemia 1:4

Bwe nawulira ebyo byonabyona naatyama ghansi, naalira amaziga. Naamala enaku nga ndi kulira obughafu, naasiiba era naasaba Katonda ow'eigulu,

Nehemia 8:9

Abantu bwe baawulira Amateeka bye gabalagira okukola, boonaboona baalira amaziga. Kale Nehemia eyali omufuzi w'ekiketezo ekyo, ni Ezera kabona era omunamateeka, n'Abalevi abaayegeresa abantu Amateeka, baabakoba bati: “Olunaku luno lwa Musengwa Katonda waimwe era lutukuvu. Kale ni mulobe kunakughala waire okulira amaziga.

Zabbuli 119:120

Zeenazeena ndhugumira olw'okukutya; ensala yo ngitya inho.

Zabbuli 119:136

Amaziga gakuuluula okunva mu maiso ng'oti miiga, olw'okubona ng'abantu tibagema mateeka go.

Zabbuli 51:17

Omusengo gw'osiima, n'omwoyo ogumenheike, Wo Katonda wange, omwoyo ogweneniiza era ogubonereire toligugaya naire.

Zabbuli 51:19

Olwo oidha kufuna emisengo gyene emituufu gy'osiima, olwo osanhukire mu bigheebwayo ebyokebwa, n'ebyo ebyokebwa ebiromba, n'ente enume dhigheebweyo ku alutaari yo.

Okuvaayo 10:3

Kale Musa ni Aaroni baaja bangira mu kisaagaati kya kyabazinga, baamukoba bati: “Musengwa Katonda, Katonda w'Abaheburayi akoba ati, ‘Olirekera li okuloba okumpulira? Leka abantu bange baje bansinze.

Isaia 46:12

Imwe abantu ab'empwitu mumpulirise, imwe abali eghala einho n'okulokolebwa:

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Isaia 66:5

Imwe abafuba einho okugondera Musengwa Katonda by'alagira ni mubikola, muwulire Musengwa Katonda oyo ky'akoba: “Olw'okuba muli beesigwa ye ndi, abandi ku bantu baimwe beene babakyagha era baababingagania, nga babayeeyereza bati, ‘Musengwa Katonda leka abawonie ayolese nga bw'ali ow'ekitiisa, tuboneku nga bwe musagamba.’ Aye beene n'abaliswazibwa.

Yeremia 13:17

Aye bwe munaaloba okuwulirisa bye nkoba, ndidha kulira mule mu ngiso olw'okwekuluntaza kwaimwe. Ndidha kulira inho mmagaze n'amaziga, olw'abantu ba Musengwa Katonda abatwaliibwa nga banhage.

Yeremia 14:17

Agho Musengwa Katonda yandagira okukobera abantu enaku yange nti: “Amaziga ka gakuuluule okunva mu maiso omusana n'obwire aghazira kulekera, kuba abantu bange bafumitiibwa ebibwa ebinene era baalumizibwa inho.

Yeremia 26:6

Era bwemutaalekere agho kubanga badheemu, nja kukola eisinzizo lino kye nakola Shilo. Olwo amaghanga goonagoona ku nsi, gaidha kukozesanga eriina ery'ekibuga kino nga gakolima.”

Yeremia 36:13

Mikaia yaabakobera byonabyona bye yawulira nga Baruku asomera abantu.

Yeremia 36:24

Aye k'abe kyabazinga mwene, oba abakungu be abaawulira ebyo nga bisomebwa, tighaaligho naire omulala ati eyatya oba eyakanulamu ebivaalo bye okwoleka nga bw'anakughaire.

Yeremia 44:22

Ni ye buli eno ensi yaimwe yaasigala agho etyo ng'eri bifulukwa byereere omutaba bantu. Era abantu bagivumirira, baakozesa n'eriina lyayo ng'ekikolimo. Olw'okuba Musengwa Katonda yali tasobola kuguminkiriza bikolwa byaimwe ebibi ebyenhinhalwa.

Yeremia 9:1

Nguli omutwe gwange gwali n'amaadhi mangi ng'oti kidiba, n'amaiso gange ni gaba n'amaziga mangi ng'oti maadhi agakuuluula okuva mu nhindo dh'ensulo, nandirizenga amaziga omusana n'obwire olw'abantu bange abaitibwa.

Ezekieli 9:4

Musengwa Katonda yaamukoba ati: “Ja ng'obita mu kibuga Yerusalemu, ote obumanhiso ku byeni by'abo abawulira enaku n'obulumi olw'ebyenhinhalwa byonabyona ebikolerwa mu kibuga ekyo.”

Mika 6:8

Busa, Musengwa Katonda yatukobera ekikalamu kye tube tukole, era ni kino: Ayenda tukolenga ebintu mu butuufu, twolekenga okugonza okutakoma, era tumusinzenga nga tuli bawombeefu.

Okubala 25:6

Mu kiseera ekyo, ng'Abaisiraeli bakaali agho ku mulyango ogw'Eweema ey'Okwagaananirangamu ni Musengwa Katonda, nga bali kulira, ghaabaagho Omuisiraeli eyaleeta omukazi Omumidia mu ndhu ye, nga Musa n'abantu abandi boonaboona babona.

Luka 19:41

Agho Yesu yaatuuka okumpi n'ekibuga, bwe yakibona yaalira.

Amateeka Agokubiri 29:23

Balibona ng'ensi eyo yoonayoona eyokeibwa, ng'efuuse buganga bwa salufa na muunhu. Eriba nga tekaasigibwamu kantu, ng'ezira ky'esobola kubaza era nga tekaameramu isubi. Eriba ng'ezikiriziibwa nga Sodoma ni Gomorra, era ng'Adama ni Zeboiimu, Musengwa Katonda bye yagemerwa obusungu n'ekiruyi n'abizikiriza.

Abalamuzi 20:26

Agho abalwani ba Isiraeli boonaboona baaniinaniina baaja e Betheli, baalirira eyo. Baaba eyo mu maiso ga Musengwa Katonda olunaku olwo, nga ghazira ke bali kulya naire okutuusa eigulo. Baaghaayo ye Musengwa Katonda oyo ebigheebwayo ebyokebwa, n'ebigheebwayo olw'okutabagana.

1 Samueli 24:5

Aye Daudi bwe yamala okukola ekyo, omwoyo gwamuluma olw'okusala akatundu k'eigemo ku kanzu ya Saulo.