2 Bakyabazinga 22:16 - Baibuli Ekibono kya Katonda 2014

¹⁶ Musengwa Katonda akoba ati, akabi akoogerwaku mu kitabo kino kyabazinga wa Buyudaaya ky'asomye, nja kukatuusa ku kifo kino ni ku bantu baamu.

2 Bakyabazinga 22:16 ပူးပေါင်းရင်းမြစ်များ

2 Bakyabazinga 20:17

‘Manha ng'ekiseera kiidha kutuuka, byonabyona ebiri mu kisaagaati kyo eky'obwakyabazinga, n'ebyo badhaadha bo bye baatereka okutuusa buti, babitwale e Babilonia. Tighalibaagho waire ekirala kiti ekirisigalagho.

2 Bakyabazinga 22:15

Yaabakoba ati: “Musengwa Katonda wa Isiraeli akoba ati, ‘Omuntu abatumye ye ndi mumukobe muti,

2 Bakyabazinga 24:2

Agho Musengwa Katonda yaasindika ebikunsu eby'abalwani Abakaladea, n'eby'Abasiria, n'eby'Abamoabu, n'eby'Abammoni, baidha okulumba Yehoiakimu, bazikirize Buyudaaya nga Musengwa Katonda bwe yakoba ng'abita mu bagheereza be abalanzi.

Yeremia 11:11

Mperaano ni, nze Musengwa Katonda ndi kubalabula nti nja kubasindikira akabi ke bataidha kuwona. Ni bwebalirira nga benda nze mbayambe, tiribafaaku naire.

Amateeka Agokubiri 29:27

Musengwa Katonda oyo kyeyava n'asungughalira ensi eno, n'agireetaku ebikolimo byonabyona ebighandiikiibwa mu kitabo kino.

Yoshua 23:13

olwo mumanhanga nga Musengwa Katonda waimwe aliba takaabingagho maghanga ago mu buli kiketezo ghe munaatuukanga. Amaghanga ago gaja kubafuukira ekizibu ng'oti lutuula oba olwina oluleeyi. Era ng'obulumi bwe gabaleetera buli ng'oti bwa muntu ye bakubye enkoba mu mugongo, oba ali n'eiwa mu liiso, okutuusa lwe mulizikirira ni muva ku nsi eno enungi, Musengwa Katonda waimwe ye yabagha.

Yoshua 23:15

Aye ng'ebirungi byonabyona bye yabasuubiza bwe yabituukiriza, n'ebibi byonabyona bye yeesoomera okubakola, atyo bw'alibituukiriza, okutuusa lw'alibazikiriza ni muwa ku nsi eno enungi ye yabagha.

1 Samueli 3:19

Samueli yaakula, era Musengwa Katonda yaabanga ghalala naye. Musengwa Katonda yaaloba kuganhanga Samueli oyo ky'akobye ni kiroba kutuukirira.