2 Bakyabazinga 21:5 - Baibuli Ekibono kya Katonda 2014

⁵ Era yaazimbira eby'oku igulu byonabyona alutaari mu mpya eibiri edh'eisinzizo lya Musengwa Katonda.

2 Bakyabazinga 21:5 ပူးပေါင်းရင်းမြစ်များ

1 Bakyabazinga 6:36

Yaazimba oluya olw'omunda nga lwa myaliiro esatu egy'amabaale, n'omwaliiro mulala ogw'emiti emivule.

1 Bakyabazinga 7:12

Oluya olunene lwali lwezungulwirwa ekimante kye baazimba mu myaliiro esatu egy'amabaale amabaadhe, era nga lwezungulwirwa n'omwaliiro mulala ogw'embaawo edh'omuvule. N'oluya olw'omunda olw'eisinzizo, n'ekisasi ekyazimbibwa emberi w'eisinzizo eryo, byona bityo bwe baabizimba.

2 Bakyabazinga 23:12

Yaamenhamenhagho alutaari, bakyabazinga ba Buyudaaya dhe baali bazimbye ghaigulu ku ngulu kw'endhu ya kyabazinga Ahazi, era n'edho kyabazinga Manasse dhe yali azimbye mu mpya dhombi edh'eisinzizo. Edho dhoonadhoona yaadhisaaniagho, dhaafuuka bwa nkungu, era enkungu eyo yaagiyugha mu kaiga Kiduroni.

2 Bakyabazinga 23:4

Agho kyabazinga Yosia yaayeta Hilikia Omukulu wa Bakabona, ni bakabona abamwiririra, n'abaigazi b'eisinzizo, yaabalagira okufulumya mu isinzizo ebintu byonabyona ebyakozesebwanga mu kusinza omusambwa Baali n'omusambwa omukazi Ashera, ni mu kusinza ebyakira ku igulu byonabyona. Kyabazinga yaabyokera kuliya wa Yerusalemu mu nsiko, mu kiiko Kiduroni, era eivu lyabyo baalitwala e Betheli.

2 Bakyabazinga 23:5

Yaatoolagho bakabona abaasinzanga ebisinzibwa ebitali Katonda, bakyabazinga ba Buyudaaya be baataagho okuniokezanga obubbaani mu bifo ebigulumivu eby'okusinzizaamu, ebyali mu bibuga bya Buyudaaya ni mu bifo ebyezungulwire Yerusalemu. Yaatoolagho bakabona abo abaaniokezanga obubbaani eri omusambwa Baali, n'endhuba, n'emuunienie, n'ebindi byonabyona ebiri ku igulu.

2 Bakyabazinga 23:6

Yaatoola mu isinzizo ekifaananie ky'omusambwa omukazi Ashera, yaakitwala kuliya wa Yerusalemu eri akaiga Kiduroni, yaakyokera eyo, yaakisekulasekula kyafuuka bwa nkungu, yaamansira enkungu eyo mu kifo mwe baaziikanga abantu ababuliidho.

2 Ebyomubyanda 33:15

Yaatoola mu isinzizo bakatonda b'amaghanga agandi, n'ekisinzibwa ekitali Katonda kye yali atairemu, n'alutaari dhe yali azimbye ku lusozi olwazimbwaku eisinzizo eryo. Yaatoola ebintu ebyo ni mu bifo ebindi mu Yerusalemu, byonabyona yaabisuula kuliya kw'ekibuga.

2 Ebyomubyanda 33:5

Era yaazimbira eby'oku igulu byonabyona alutaari mu mpya eibiri edh'eisinzizo lya Musengwa Katonda.

2 Ebyomubyanda 4:9

Yaakola oluya olwa bakabona, era n'oluya olukologho. Endhigi edh'oku mulyango ogwali ghagati gh'empya edho dhombi yaadhirimbyaku ekyuma eky'ekikomo.

Ezekieli 40:28

Agho omusaadha yantwala mu luya olw'omunda nga tubitira mu mulyango ogw'oku luuyi olw'omukono omusaadha olw'e buvandhuba. Yaapima omulyango ogwo nga gwagayaga ni gire egindi.

Ezekieli 40:32

Omusaadha yambisa mu mulyango ogw'oku luuyi olw'e buvandhuba, yantwala mu luya olw'omunda. Yaagupima nga gwagayaga ni gire egindi.

Ezekieli 40:37

Ekisasi eky'oku mulyango ogwo ky'ongiriramu mu luya, kyali kiringiriire oluya olw'okuliya. Ebimante ebyali biringiriire ekikuubo kyagwo byaliku ebifaananie eby'emiti eminaazi, era nga ghaligho amadaala munaana okugutuukaku.

Ezekieli 40:47

Agho omusaadha yaapima oluya olw'omunda nga lwagayaga mu buleeyi ni mu bugazi, mita amakumi ataanu (50) ku makumi ataanu (50). Alutaari yali ng'eba mberi wa isinzizo.

Ezekieli 42:3

Ku luuyi olundi ekizimbe ekyo kyali kiringiriire mu luya lw'eisinzizo olw'omunda, olwali n'obugazi nga bwa mita ikumi. Ate ku luuyi olundi nga kyali kiringiriire amabaale ge baayaliira ku luya olw'eisinzizo olw'okuliya. Baakizimba nga kya kalina isatu nga kalina eya ghansi esingaku yiinaayo egiri ghaigulu obugazi.

Ezekieli 43:5

Era omwoyo gwa Musengwa Katonda oyo gwambeeda gwantwala mu luya olw'omunda. Okuja okulinga nti nga mbona okumesunkana okw'ekitiisa kya Musengwa Katonda kubunie eisinzizo.

Ezekieli 44:19

Bwe banaabanga nga bafuluma okuja mu luya olw'okuliya eri abantu, baidha kutoolangamu ebivaalo bye bakozesa mu kugheereza babirekenga mu bisenge ebitukuvu, bamale baavaalenga ebivaalo ebindi. Olwo ebivaalo byaibwe ebitukuvu birobenga kukola kabi ku bantu.

Ezekieli 8:16

Kabiri yantwala mu luya olw'omunda olw'eisinzizo lya Musengwa Katonda. Okuja okulinga nti nga mbona gha mulyango ogw'eisinzizo eryo erya Musengwa Katonda, ghagati gh'ekisasi ni alutaari, nga ghaligho abantu ng'oti amakumi abiri na bataanu (25). Baali nga bakubye eisinzizo lya Musengwa Katonda omugongo, nga balingiriire e buvandhuba, era nga bali kusinza endhuba eri kuvaayo.