2 Bakyabazinga 21:3 - Baibuli Ekibono kya Katonda 2014

³ Yaazimba buyaaka ebifo ebigulumivu eby'okusinzizaamu, lata we Hezekia bye yali azikiriiza. Yaataagho alutaari edh'okusinzizaaku omusambwa Baali, era yaakola ekifaananie eky'omusambwa omukazi Ashera, nga kyabazinga Ahabu owa Isiraeli bwe yakola. Yaasinzanga eby'oku igulu byonabyona era yaafuuka mugheereza waabyo.

2 Bakyabazinga 21:3 ပူးပေါင်းရင်းမြစ်များ

1 Bakyabazinga 18:21

Agho Eliya yaaja eri abantu abo boonaboona, yaabakoba ati: “Mulituusa li okuyuugira eno n'ere nga timusalagho? Oba nga Musengwa Katonda ni Katonda, oyo ye mube musinze. Aye oba nga Baali ni Katonda, kale musinze oyo.” Aye abantu baaloba kumwiramu kibono waire ekirala.

1 Bakyabazinga 18:26

Abalanzi ba Baali baatwala ente ye baabagha, baagitegeka. Agho baayeta omusambwa baali okuva ku nkyo okutuuka mu kasana ghagati, nga bakoba bati: “Wo Baali, wulira otwiremu.” Aye ghaaloba kubaagho mamiro gawulikika, waire okubaagho airamu. Baatuumiratuumira gh'alutaari ye baazimba.

2 Bakyabazinga 13:6

Aye ate baaloba kuva mu bibi ab'endhu ya Yeroboamu bye baabaleetera okukola, beeyongera bweyongere okubikola. N'ekifaananie ky'omusambwa omukazi Ashera, kyasigala mu Samaria.

2 Bakyabazinga 17:16

Baava ku biragiro byonabyona ebya Musengwa Katonda waibwe, beekolera ebifaananie bibiri eby'ente ento mu kyuma ekisaanuusiibwa, beekolera n'ekifaananie ky'omusambwa omukazi Ashera. Baasinzanga emuunienie dhoonadhoona edh'oku igulu, era baasinzanga ni Baali yeena.

2 Bakyabazinga 18:22

Omukungu Omuassiria yaayongera okukoba ati: “Aye bwe munkoba muti, ‘Twesiga Musengwa Katonda waife,’ ndidha kubabuuza nti Musengwa Katonda oyo ti n'oyo Hezekia ye yatooleragho ebifo bye ebigulumivu eby'okusinzizangamu ni alutaari dhe, era Hezekia oyo n'akoba abantu ab'omu Buyudaaya ni mu Yerusalemu ati, ‘Mwidha kusinzizanga ku alutaari ey'omu Yerusalemu yonka?’

2 Bakyabazinga 18:4

Yaatoolagho ebifo ebigulumivu eby'okusinzizaamu, yaamenhagho empango, era yaatematema ebifaananie by'omusambwa omukazi Ashera. Era yaamenhamenha omusota ogw'ekyuma eky'ekikomo Musa gwe yakola n'agweta Nehushitani kuba n'okutuusa mu biseera ebyo, Abaisiraeli baali bakaaguniokeza obubbaani.

2 Bakyabazinga 8:18

Yafumbirwa mughala wa Ahabu, era yaakola ng'ab'endhu ya Ahabu oyo bwe baakola, yaajiira ku mpisa embi edha bakyabazinga ba Isiraeli, yaakola ebibi ye Musengwa Katonda.

2 Bakyabazinga 8:27

Ahazia nga bweyali omwidhukulu mu ndhu ya Ahabu, yeena yajiira ku mpisa embi edh'ab'endhu ya Ahabu oyo, era yaakola ebibi ye Musengwa Katonda nga bwe baakola.

2 Ebyomubyanda 32:12

Hezekia mwene oyo ti n'eyatoolagho alutaari n'ebifo ebigulumivu eby'okusinzizaamu, memale n'alagira abantu b'omu Buyudaaya ni mu Yerusalemu okusinzizanga mu maiso g'alutaari endala obulala eti, era nga ku yeene eyo kwe bali n'okuniokezanga n'obubbaani?

2 Ebyomubyanda 34:3

Kyabazinga Yosia bweyali ng'akaali muto, mu mwaka gwe ogwomunaana nga n'afuga Buyudaaya, yaatoolera okusinza Katonda wa dhaadha we Daudi. Era mu mwaka gwe ogweikumi n'ebiri yaatoolera okugogola mu Buyudaaya ni mu Yerusalemu, okumalamu ebifo ebigulumivu eby'okusinzizaamu, n'ebifaananie eby'omusambwa omukazi Ashera, n'ebifaananie ebindi ebibaadhe n'ebyo ebyakolebwa mu kyuma ekisaanuusiibwa.

Yobu 31:26

Tisinzangaku ndhuba na kwaka kwayo, oba okusinza omwezi n'okumesunkana kwagwo.

Isaia 65:11

“Aye embeera eriba yindi eri imwe abanvaaku nze Musengwa Katonda, ni mwerabira Sioni olusozi lwange olutukuvu, ni musinza omusambwa Gadi gwe bakoba mbu guleetera abantu okuba ab'enkabi, n'omusambwa Meni gwe bakoba mbu n'oguleetera ebyo ebituuka ku bantu okubaagho.

Yeremia 7:30

“Abantu b'omu Buyudaaya, bakoze ekibi ye ndi, nze Musengwa Katonda. Batoire emisambwa egyenhinhalwa, baagita mu isinzizo lyange, baalyonoona.

Mika 6:16

Ebyo bija kuba bityo lwa kuba mwasalagho okugema empisa embi edha kyabazinga Omiri ni mutabane Ahabu n'ab'endhu y'Ahabu oyo. Era timulekerangaku kujiira ku ngeri dhaibwe, kale nja kubazikiriza era abantu boonaboona babalingengaku nga babeesiimooza era nga bwe babasekerera.”

Amateeka Agokubiri 16:21

Bwe munaabanga nga mukolera Musengwa Katonda waimwe alutaari, mutasimbangagho mu mbali mwayo muti gwa kamanhiso ka musambwa omukazi, Ashera.

Amateeka Agokubiri 17:2

“Ghasobola okubaagho, mu kindi ku bibuga byaimwe, omusaadha oba omukazi yaakola ekibi, ng'amenha endagaano ya Musengwa Katonda waimwe.

Amateeka Agokubiri 17:3

Yaaja yaakubira amakiryaivu ebintu Musengwa Katonda bye yalobera okusinza, bino: bakatonda, oba endhuba, oba omwezi, oba edhindi ku muunienie.

Amateeka Agokubiri 20:18

Mubaitenga bwite, balobe kubaleeteranga kwonoona ye Musengwa Katonda, nga babeegeresa okujiiranga ku mpisa edheenhinhalwa, dhe bajiiraku mu kusinza bakatonda baibwe.

Amateeka Agokubiri 4:19

“Mulobenga kusendebwasendebwa kusinza na kugheereza ebyo bye mubona ku igulu: endhuba, omwezi, n'emuunienie. Ebyo Musengwa Katonda waimwe yabitaagho abantu abandi boonaboona abali ku nsi n'ababe babisinzenga.