2 Bakyabazinga 21:24 - Baibuli Ekibono kya Katonda 2014

²⁴ Aye abantu ab'omu Buyudaaya baita abo boonaboona abaakolera Amoni oyo olukwe, era baataagho mutabane we Yosia yaamusikira ku bwakyabazinga.

2 Bakyabazinga 21:24 ပူးပေါင်းရင်းမြစ်များ

2 Samueli 5:3

Kale abakulembeze mu Isiraeli baidha ye kyabazinga Daudi e Heburoni. Daudi oyo yaakola nabo endagaano mu maiso ga Musengwa Katonda, baamusiiga omuzigo okumufuula kyabazinga wa Isiraeli.

1 Bakyabazinga 12:1

Agho Rehoboamu yaaja e Shekemu Abaisiraeli ye baali beesolokeiza okumufuula kyabazinga.

1 Bakyabazinga 12:20

Agho abantu ab'omu Isiraeli yoonayoona, bwe baawulira nga Yeroboamu aize okuva e Misiri, baamwetesa okwidha ghe baali beesololeiza, era baamufuula kyabazinga wa Isiraeli yoonayoona. Ekika kya Yuda kyonka n'ekyasigala nga kikaafugibwa ab'endhu ya Daudi.

2 Bakyabazinga 11:17

Yehoiada kabona yaaleetera kyabazinga n'abantu, okukola endagaano ni Musengwa Katonda ekakasa nga bwe baidha okubanga abantu aba Musengwa Katonda. Era yaakola endagaano ghagati gha kyabazinga n'abantu.

2 Bakyabazinga 14:21

Abantu boonaboona ab'omu Buyudaaya, baalonda Azaria eyali ng'agheza emyaka eikumi n'omukaaga egy'obukulu, baamufuula kyabazinga okusikira lata we Amazia.

2 Bakyabazinga 14:5

Agho Amazia bwe yamala okukakata ku bwakyabazinga, yaita abakungu be abaita lata we, kyabazinga Yoashi.

2 Bakyabazinga 21:25

Ebindi byonabyona Amoni bye yakola, byaghandiikibwa mu Kitabo ky'Ebyomubyanda bya Bakyabazinga ba Buyudaaya.

2 Bakyabazinga 22:1

Yosia yali agheza emyaka munaana egy'obukulu ghe yafuukira kyabazinga wa Buyudaaya. Era yaafuga okumala entangama ya myaka amakumi asatu na mulala (31) mu Yerusalemu. Inhina yali ayetebwa Yedida, mughala wa Adaia ow'e Bozikathi.

2 Ebyomubyanda 22:1

Agho abantu b'omu Yerusalemu baataagho Ahazia, asembayo obuto mu batabane ba Yehoramu, yaasikira ise ku bwakyabazinga kuba ekikunsu eky'abalwani abaidha n'Abawarabu okulumba, kyali kimaze okwita abaana ba Yehoramu oyo abakulu boonaboona. Kale Ahazia mutabane wa Yehoramu kyabazinga wa Buyudaaya, yaatoolera okufuga.

2 Ebyomubyanda 26:1

Agho abantu boonaboona ab'omu Buyudaaya, baalonda Uzzia eyali ng'agheza emyaka eikumi n'omukaaga egy'obukulu, baamufuula kyabazinga okusikira lata we Amazia.

2 Ebyomubyanda 33:25

Aye abantu b'omu Buyudaaya baita abo boonaboona abaakolera Amoni oyo olukwe, era baataagho mutabane we Yosia yaamusikira ku bwakyabazinga.

Yeremia 1:2

Musengwa Katonda yayogera ni Yeremia mu mwaka ogweikumi n'esatu (13) ogwa kyabazinga Yosia mutabane wa Amoni, eyali nga n'afuga Buyudaaya mu kiseera ekyo

1 Samueli 11:15

Kale boonaboona baaja e Giligali, era nga bali eyo mu maiso ga Musengwa Katonda, baalangirira Saulo nga ni kyabazinga. Baagheerayo eyo emisengo egy'ebigheebwayo olw'okutabagana, era Saulo n'abantu boonaboona baasagamba inho nga bali eyo.