2 Bakyabazinga 21:21 - Baibuli Ekibono kya Katonda 2014

²¹ Yaajiiranga ku mpisa dha lata we, yaasinzanga ebitali Katonda lata we oyo bye yasinzanga, era yaabikubiranga amakiryaivu.

2 Bakyabazinga 21:21 ပူးပေါင်းရင်းမြစ်များ

2 Bakyabazinga 21:11

“Kyabazinga Manasse owa Buyudaaya akoze ebyenhinhalwa ebyo, era yaakola ebibi ebisinga ebyo byonabyona Abamori abaamusooka bye baakola. Mu nsambo eyo aleeteire n'ab'omu Buyudaaya okwonoona nga basinza ebitali Katonda bye yataagho.

2 Bakyabazinga 21:2

Manasse oyo yaakolanga ebibi eri Musengwa Katonda, ng'ajiira ku mpisa edheenhinhalwa edh'abamaghanga agandi Musengwa Katonda oyo be yabinga mu nsi eyo ng'Abaisiraeli bali kumpi okutuukayo.

2 Bakyabazinga 21:20

Amoni oyo yaakolanga ebibi eri Musengwa Katonda, nga lata we Manasse bye yakolanga.

2 Bakyabazinga 21:22

Yaava ku Musengwa Katonda, Katonda wa badhaadha be, yaaloba kugema biragiro bye naire.

2 Bakyabazinga 23:12

Yaamenhamenhagho alutaari, bakyabazinga ba Buyudaaya dhe baali bazimbye ghaigulu ku ngulu kw'endhu ya kyabazinga Ahazi, era n'edho kyabazinga Manasse dhe yali azimbye mu mpya dhombi edh'eisinzizo. Edho dhoonadhoona yaadhisaaniagho, dhaafuuka bwa nkungu, era enkungu eyo yaagiyugha mu kaiga Kiduroni.

2 Bakyabazinga 23:24

Yosia era yaatoolagho mu Yerusalemu ni mu Buyudaaya mwonamwona, abasamize, n'abalogo, n'emisambwa egy'omu maka, n'ebisinzibwa ebitali Katonda, era n'ebintu ebindi byonabyona ebyenhinhalwa. Yaakola ekyo, aghange okuleetera amateeka ago okukakata mu bantu, agaaghandiikibwa mu kitabo Hilikia Omukulu wa Bakabona kye yazuula mu isinzizo.

2 Bakyabazinga 23:32

Yehoahazi yaakolanga ebibi eri Musengwa Katonda ng'oti n'ebyo byonabyona badhaadha be bye baakola.

2 Bakyabazinga 24:9

Yehoiakini yaakolanga ebibi eri Musengwa Katonda ng'oti n'ebyo byonabyona badhaadha be bye baakola.