2 Bakyabazinga 21:2 - Baibuli Ekibono kya Katonda 2014

² Manasse oyo yaakolanga ebibi eri Musengwa Katonda, ng'ajiira ku mpisa edheenhinhalwa edh'abamaghanga agandi Musengwa Katonda oyo be yabinga mu nsi eyo ng'Abaisiraeli bali kumpi okutuukayo.

2 Bakyabazinga 21:2 ပူးပေါင်းရင်းမြစ်များ

2 Bakyabazinga 17:2

Yaakolanga ebibi eri Musengwa Katonda, aye ate yaaloba kwagayaga na bakyabazinga abaamusooka okufuga Isiraeli.

2 Bakyabazinga 21:11

“Kyabazinga Manasse owa Buyudaaya akoze ebyenhinhalwa ebyo, era yaakola ebibi ebisinga ebyo byonabyona Abamori abaamusooka bye baakola. Mu nsambo eyo aleeteire n'ab'omu Buyudaaya okwonoona nga basinza ebitali Katonda bye yataagho.

2 Bakyabazinga 21:16

Kyabazinga Manasse yaita abantu kamaala inho abaziraku musango, yaidhuza Yerusalemu kyonakyona omusaayi kyabuna. Okwo yaayongeraku ekibi eky'okuleetera ab'omu Buyudaaya okukola ebibi eri Musengwa Katonda.

2 Bakyabazinga 21:20

Amoni oyo yaakolanga ebibi eri Musengwa Katonda, nga lata we Manasse bye yakolanga.

2 Bakyabazinga 21:21

Yaajiiranga ku mpisa dha lata we, yaasinzanga ebitali Katonda lata we oyo bye yasinzanga, era yaabikubiranga amakiryaivu.

2 Bakyabazinga 21:7

Yaata mu isinzizo ekifaananie eky'omusambwa omukazi Ashera kye yabaadha. Ate nga eisinzizo eryo Musengwa Katonda lye yakoba Daudi ni mutabane we Solomoni ati: “Mu isinzizo lino eriri mu kibuga Yerusalemu kye nalondamu mu bibuga byonabyona eby'ebika bya Isiraeli, mwe banansinzizanga enaku dhoonadhoona.

2 Bakyabazinga 22:17

Nga bwe banviireku ni baniokeza obubbaani eri emisambwa, ni bansungughaza n'ebyo byonabyona bye bakoze, obusungu bwange bwidha kutumbukira ku kifo kino ng'oti muliro, era tibulizikira.

2 Bakyabazinga 23:32

Yehoahazi yaakolanga ebibi eri Musengwa Katonda ng'oti n'ebyo byonabyona badhaadha be bye baakola.

2 Bakyabazinga 24:9

Yehoiakini yaakolanga ebibi eri Musengwa Katonda ng'oti n'ebyo byonabyona badhaadha be bye baakola.

2 Ebyomubyanda 36:14

Ni bakabona abakulu nga kw'otaire n'abakulembeze abantu, boona baakola ebibi einho nga bajiira ku byenhinhalwa byonabyona eby'abamaghanga agandi. Kale baayonoona batyo eisinzizo Musengwa Katonda mwene lye yatukuza mu Yerusalemu.

Omulangirizi 9:18

Amagezi ga maani okusinga eby'okulwanisa eby'omu lutalo, aye omwonooni omulala ati asobola okuzikiriza ebirungi kamaala.

Isaia 66:4

Kale zeena ndibasindikira ebyo byene bye batya ebibaleetera obulumi kuba bwe nayeta ghazira waire omulala ati eyavugira, era bwe nayogera ghazira yafaayo kuwulira. Aye baakola bwa bibi ye ndi, baalondagho okukola ebitansangaaza.”

Yeremia 15:4

Ndidha kubafuula ekintu ekitiisa einho abantu boonaboona ku nsi, olw'ebyo Manasse mutabane wa Hezekia bye yakola mu Yerusalemu nga ni kyabazinga wa Buyudaaya.’

Ezekieli 11:12

Olwo muliimanha nga ninze Musengwa Katonda, kuba timwajiira ku mateeka gange waire okukola ng'ebiragiro byange bwe bikoba. Aye mwajiira bwa ku mateeka ga nsi edhibaliiraine.”

Ezekieli 16:51

“Ni muganda wo Samaria ebibi bye yakola tibyagheza waire ekitundu ekirala kiti ku bibi byo ng'obigabainiamu aghabiri. Bw'otoola ebyenhinhalwa Samaria bye yakola n'obigeza ku bibyo iwe bye wakola, Samaria aboneka ng'oti azira na kibi kye yakola, era ng'oti aziraku na musango.

Ezekieli 22:3

Kobera ekibuga ekyo oti nze Musengwa Katonda ndi kukoba nti: Olw'okuba waita abantu bo kamaala ababa mu iwe, era weeyonoona n'okusinza ebitali Katonda, ekiseera kyo kiri kwidha.

Amateeka Agokubiri 12:31

“Mutasinzanga Musengwa Katonda waimwe mu nsambo beene ye basinzaamu bakatonda baibwe, kuba bwe baba nga bali kusinza bakatonda baibwe, bakola buli kyenhinhasa Musengwa Katonda era ky'atayenderaku irala. Bookya n'abaana baibwe mu muliro, ng'emisengo eri bakatonda baibwe.