2 Bakyabazinga 20:9 - Baibuli Ekibono kya Katonda 2014

⁹ Isaia yairamu ati: “Musengwa Katonda aidha kukugha akamanhiso akakakasa ng'aja kutuukiriza ekyo ky'akobye. Mpegaano londaku ky'oyenda: Oyenda ekinsense kije emberi obuleeyi bwa bigere ikumi, oba kiire einhuma obuleeyi bwa bigere ikumi?”

2 Bakyabazinga 20:9 ပူးပေါင်းရင်းမြစ်များ

2 Bakyabazinga 19:29

Agho Isaia yaakoba kyabazinga Hezekia ati: “Kano n'akanaaba akamanhiso akakwoleka ebinaabaagho: Mu mwaka guno ni mu mwaka ogwidha, muja kulya emere ng'emeze yeene. Aye mu mwaka oguliiraku mulisiga emere yaimwe mwagikungula. Mulisimba amasamba g'emizabbibu, mwalya n'ebibala byamu.

2 Bakyabazinga 20:10

Hezekia yairamu ati: “Kiba kyangu okuja emberi obuleeyi obw'ebigere eikumi. Aye kireke kiire einhuma obuleeyi obw'ebigere eikumi.”

2 Bakyabazinga 20:8

Agho Hezekia yaabuuza Isaia ati: “Kamanhiso ki akanaakakasa nga Musengwa Katonda aidha kumponia, era nga ku lunaku olwokusatu nnaasobola okuja mu isinzizo?”

Isaia 38:1

Agho mu biseera ebyo, Hezekia yaalwala inho kumpi afe. Omulanzi Isaia mutabane wa Amozi yaajaayo okumubona, yaamukoba ati: “Musengwa Katonda akoba ati, ‘Tegeka eby'omu ndhu yo bukalamu, kuba oja kufa, toidha kuwona.’ ”

Yoshua 10:12

Olunaku Musengwa Katonda lwe yagha Abaisiraeli obughanguzi ni baghangula Abamori, Yoshua yaakoba Musengwa Katonda ebibono bino, ng'Abaisiraeli boonaboona bawulira, ati: “Iwe endhuba yemerera agho e Gibeoni era tovaagho; n'iwe omwezi obe ghaigulu gh'ekiiko eky'e Aiyaloni.”

1 Samueli 14:10

Aye bwe banaakoba bati, ‘Mwidhe ye tuli’, olwo twidha kuja, kuba ako n'akanaaba akamanhiso akatwoleka nga Musengwa Katonda abagabwire mu ngalo dhaife.”