2 Bakyabazinga 20:3 - Baibuli Ekibono kya Katonda 2014

³ “Wo Musengwa Katonda, nkweghemba oidhukire nga bwe mbairenga omwesigwa y'oli, nga ngondera by'ondagira n'omwoyo mulala, era nga nfuba buliidho okukola by'osiima.” Hezekia oyo yaatimbuka, yaalira inho amaziga.

2 Bakyabazinga 20:3 ပူးပေါင်းရင်းမြစ်များ

Amainhama 17:1

Aburamu bweyali ng'agheza emyaka kyenda na mwenda (99) egy'obukulu, Musengwa Katonda yamubonekera, yamukoba ati: “Ninze Katonda Aghanga Ebintu Byonabyona. Mpuliranga era okolenga ebituufu buliidho.

Amainhama 5:22

Okuva olwo Enoka yaaba ng'atambulira mu Katonda, yaaghangaala emyaka egindi bikumi bisatu (300). Era yaazaala n'abaana abandi.

Amainhama 5:24

Enoka oyo yaamala obulamu bwe ng'atambulira mu Katonda era yaamala yaabulagho bubule, kuba Katonda yamutwala.

Amainhama 8:1

Katonda yaidhukira Noa, era n'ensolo edh'omu nsiko, n'edho enfuge dhe yali nadho mu lyato. Katonda yaasindika empewo yaafuuwa ku nsi, amaadhi gaakendeera.

1 Bakyabazinga 11:4

era ghe yakairikira baali nga bamuleeteire okusinza emisambwa, yaaloba kugumira ku Musengwa Katonda we, nga lata we Daudi bwe yamugumiraku.

1 Bakyabazinga 15:14

Aye waire Asa oyo tiyatoolagho bifo bigulumivu bye baasinzizangamu emisambwa, obulamu bwe bwonabwona yali mwesigwa ye Musengwa Katonda.

1 Bakyabazinga 2:4

Era olwo Musengwa Katonda atuukirizenga kye yansuubiza, bwe yankoba ati ku baidhukulu bange n'okunaabanga anaafuganga Isiraeli, kasita baidhukulu bange abo baneegenderezanga okugema bye yalagira n'omutima gwaibwe gwonagwona, era n'omwoyo gwaibwe gwonagwona.

1 Bakyabazinga 3:6

Solomoni yaakoba ati: “Buliidho obairenga ng'oyoleka nga bw'ogonza einho lata wange Daudi omugheereza wo obutalekera; kuba yali mwesigwa, omutuufu era omwesimbu mu kukolagana n'iwe. Era omukuumiire okugonza kwo okwo okutakoma, waamugha omwana omulenzi afuga mpegaano mu kifo kye.

1 Bakyabazinga 8:23

Yaakoba ati: “Wo Musengwa Katonda wa Isiraeli, ezirayo katonda ali ng'oti niiwe, k'ebe ghaigulu mu igulu oba ghansi ku nsi; kuba iwe okuuma endagaano y'okola n'abantu bo era waabagonza obutalekera, kasita bagumira ku iwe n'omwoyo gwaibwe gwonagwona.

1 Bakyabazinga 8:61

Kale imwe abantu be, mubenga beesigwa eri Musengwa Katonda waife, mujiirenga ku mateeka ge era mugemenga ebiragiro bye, nga bwe mukola mpegaano.”

1 Bakyabazinga 9:4

Weena bw'onaajiiranga ku bye nkoba, n'oba omwesigwa era omwesimbu nga lata wo Daudi bwe yakolanga, n'ogonderanga biragiro byange era n'ogemanga amateeka gange,

2 Bakyabazinga 20:2

Agho Hezekia yaakyuka yaalinga eri ekimante, yeeghemba Musengwa Katonda ng'akoba ati:

2 Bakyabazinga 20:4

Agho Isaia bweyali ava aghali kyabazinga, aye ng'akaali na kubita mu luya olwa ghagati, Musengwa Katonda yaayogera naye.

2 Ebyomubyanda 16:9

Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

Nehemia 13:14

Naasaba nti: “Wo Katonda wange, oteerabiranga ebyo ebirungi bye nkoleire eisinzizo lyo, n'emirimo gye bakoleramu okukusinza.

Nehemia 13:22

Kale naalagira Abalevi okwetukuza, bamale baje bakuume emiryango olw'okukuuma Sabbato nga ntukuvu. Agho naasaba nti: “Wo Katonda wange, oteerabiranga n'ekyo kyona kye nkoze. Nkweghemba onsaasirenga, ongonze obutalekera.”

Nehemia 13:31

Era naakola entegeka abantu okuleetanga enku mu biseera ebituufu, edh'okwokya ebigheebwayo ku alutaari. Era n'okuleetanga ebigheebwayo byaibwe eby'ebirime ebisooka okukungulwa. Naasaba nti: “Wo Katonda wange, oteerabiranga ebyo bye nkoze. Nkweghemba ompenga ebirungi.”

Nehemia 5:19

Wo Katonda wange, idhukiranga ebyo byonabyona bye nkoleire abantu bano, zeena onsasulemu ebirungi.

Yobu 1:1

Ghaaligho omusaadha mu nsi eyetebwa Uzi, ng'ayetebwa Yobu. Omusaadha oyo yali muntu aziraku musango era omwesimbu, ng'atya Katonda era nga yeekuuma obutakola kibi.

Yobu 1:8

Musengwa Katonda yaabuuza Sitaani ati: “Weekaliriisa bukalamu omugheereza wange Yobu? Omusaadha oyo azira amutuukaku kuba n'omuntu aziraku musango era omwesimbu, antya era eyeekuuma obutakola kibi.”

Yobu 16:20

Bakagwa bange baanhooma, aye ye Katonda ye numukira nga ndira amaziga.

Yobu 4:6

Katonda wamusinzanga, waaba mwesigwa y'ali era waaba muntu mwesimbu. Ekyo tikikugha isuubi?”

Zabbuli 102:9

Nsiiba mu ivu era n'eryanfuukira emere, ate mu buli kye nhwa mwetabulamu amaziga ge ndira.

Zabbuli 119:26

Bwe nakukobera byonabyona bye nakola, wandhiramu; ndhegeresa okukola by'olagira.

Zabbuli 119:49

Wo Musengwa Katonda, oteerabira kibono kye wankoba nze omugheereza wo; kuba ekyo n'ekyandeetera okusuubira.

Zabbuli 145:18

Abo abasaba Musengwa Katonda, Musengwa Katonda oyo tabasuulirira, abo ababa nga bamusabye n'omwoyo omulala.

Zabbuli 25:7

Otaidhukira bibi byange na bisobyo byange eby'omu, buto aye olw'okugonza kwo okungi, n'olw'obulungi obw'eriina lyo, nze ondidhukiranga.

Zabbuli 26:1

Wo Musengwa Katonda, sala omusango oyoleke nga bwe nziraku kinvunaanibwa, kuba mbairenga mwesigwa y'oli, aghazira kudaaliima naire.

Zabbuli 26:3

kuba okugonza kwo okutakoma n'okunkuuma, era mu bwesigwa bwo mwe ntambulira.

Zabbuli 32:2

Wa nkabi oyo Musengwa Katonda y'abala ng'azira kibi, era nga mu mwoyo gwe muzira buguya.

Zabbuli 39:13

Otaaningirira na bukambwe, ndeka nfuneku eisanhu, nga nkaali kufa na kubulagho.

Zabbuli 6:6

Ndi munafu mwene olw'okusula nga nsinda. Obwire bukya ng'obuliri bwange buboze olw'okulira, n'akaito ke neeziziike kaatoonha amaziga.

Zabbuli 6:7

Amaiso gali kuunafugha, era gali kunfaamu olw'abazigu abandiza.

Zabbuli 89:47

Wo Musengwa Katonda, idhukira obulamu bwange nga bwe buli obumpi! Obulamu obw'abantu boonaboona muzira muganhulo!

Zabbuli 89:50

Wo Musengwa Katonda, bona nze omugheereza wo bwendhuuluusiibwa, abantu ni banvuma ebitakobeka.

Isaia 38:14

Nabanga agho nga nsinda ng'oti nhonhi. Amaiso ganduyirira olw'okulingiriranga eigulu. Wo Musengwa Katonda, idha omponie obuzibu bwe ndimu.

Isaia 63:11

Agho baidhukira ebyaligho eira mu biseera bya Musa omugheereza wa Musengwa Katonda, baabuuza bati: “Musengwa Katonda ali gha, eyasomosa abakulembeze b'abantu n'abawonia enhandha? Musengwa Katonda oyo ali gha, eyasindika omwoyo gwe omutukuvu mu bantu be?

Yeremia 4:2

era ni muba abatuufu nga mulayira mu mazima era nga muli beesimbu, muti, ‘Nga Musengwa Katonda bw'ali omulamu.’ Olwo amaghanga gaidha kunsabanga ngaghe enkabi, era gampenga ekitiibwa.”

Amosi 5:4

Musengwa Katonda akoba Abaisiraeli ati: “Mwiremu okunsinza memale mubenga balamu.

Luka 1:6

Bombi baali batuufu mu maiso ga Katonda, nga bagema ebiragiro bya Musengwa byonabyona n'amateeka ge, nga tibasobyamu.

Yoanne 1:47

Yesu bwe yabona Nathanaeli ng'ali kwidha y'ali, yaamwogeraku ati: “Mubone Omuisiraeli keenekeene aziramu kwesubaayiriza kwonakwona.”

2 Ab'e Korintho 1:12

Ensonga etwesiimisa n'eno nti munda mule twekakasa nga mu nsi muno, n'okusingira irala mu imwe, twebisiiza bukalamu mu mazima ni mu butuukirivu, ti lwa magezi ga bantu aye lwa kisa kya Katonda.

Abaheburayi 5:7

Yesu mu bulamu bwe obw'oku nsi kuno, yayogerera ghaigulu mu kusaba kwe, era yaalira n'amaziga nga yeeghemba Katonda, eyali nga n'asobola okumuwonia okufa. Era olw'okutya Katonda okwo kwe yali nakwo, Katonda yamuwulira.