2 Bakyabazinga 20:19 - Baibuli Ekibono kya Katonda 2014

¹⁹ Agho Hezekia yaakoba Isaia ati: “Musengwa Katonda by'ayogeire birungi.” Hezekia yakoba atyo, kuba yalowooza mule ati: “Bisobola bitya obutaba birungi, ng'ate ghaja kubaagho miraala na butebenkevu mu biseera byange?”

2 Bakyabazinga 20:19 ပူးပေါင်းရင်းမြစ်များ

1 Bakyabazinga 11:12

Aye ku lwa lata wo Daudi, ekyo tiidha kukikola ng'okaali mulamu, ndikikola ng'omwana wo n'afuga.

1 Bakyabazinga 2:38

Shimei yaakoba kyabazinga ati: “Isebantu kyabazinga, ky'okobye kirungi. Era nga bw'okobye, zeena omugheereza wo bwe ndidha okukola.” Kale Shimei yaaba mu Yerusalemu ekiseera kinene.

2 Bakyabazinga 20:20

Ebindi byonabyona Hezekia bye yakola, omuli n'eby'amaani bye yakola, n'ensambo ye yasimamu ensulo n'omweta n'aingiza amaadhi mu kibuga, byaghandiikibwa mu Kitabo ky'Ebyomubyanda bya Bakyabazinga ba Buyudaaya.

2 Bakyabazinga 22:20

Ndikutwala weeyimba ku badhaadha bo abaafa, waaziikibwa mu miraala. Era tolibona ku kabi ke ndituusa ku kifo kino.’ ” Agho abasaadha bairayo baakobera kyabazinga ebibono ebyo.

Yobu 1:21

Yaakoba ati: “Mu nda ya maama navaamu nga ndi bwereere, era ndifa nga ndi bwereere. Musengwa Katonda n'eyampa ebyo, era Musengwa Katonda oyo n'atoiregho kale asaakibwe.”

Zabbuli 39:9

Ka nsirike, tiidha kwogera kibono kyonakyona, kuba okudaagadaaga kwange kuva y'oli.

Yeremia 33:6

Aye bona eno, ndiizaagho ekibuga kino bukalamu era naakireetera okuwona. Abantu baamu ndibaleetera okuba mu miraala kamaala, ng'ebintu bibajiira bukalamu.

Okulira 3:22

Okugonza kwa Musengwa tikukoma n'ekisa kye tikiwa.

Okulira 3:39

Lwaki omuntu yeemuluguunhia ng'ali kubonerezebwa olw'ebibi bye?

Abalevi 10:3

Agho Musa yaakoba Aaroni ati: “Kino Musengwa Katonda kye yayogeraku bweyakoba ati, ‘Ndyeyoleka nga ndi mutukuvu mu abo abampeereza, era nnaasaakibwanga mu maiso g'abantu boonaboona.’ ” Aye Aaroni yaasirika busirike.

Zekaria 8:19

“Okusiiba kwaimwe okw'omu mwezi ogwokuna, n'okw'omu gwokutaanu, n'okw'omu gwomusanvu, n'okw'omu gweikumi, kulifuukamu biseera bya masanhu na kusagamba eri ab'eighanga Buyudaaya nga bali mu bibinuko. Agho ni mugwaine mugonzenga okukolerera amazima n'emiraala.”

Luka 2:10

Aye malaika yaabakoba ati: “Mutatya, mubone eno, mbaleeteire Amawulire Amalungi era agasangaaza eri abantu boonaboona

Luka 2:14

“Ekitiisa kibe ye Katonda eyo ghaigulu yeene, n'emiraala gibe ku nsi ku bantu be b'agonza.”

1 Samueli 3:18

Kale Samueli yaamukobera byonabyona nga ghazira ky'amugisiisa naire. Eli yaakoba ati: “Oyo ni Musengwa Katonda, k'akole mwene ky'abona nga n'ekirungi.”