2 Bakyabazinga 20:12 - Baibuli Ekibono kya Katonda 2014

¹² Mu biseera ebyo, kyabazinga w'e Babilonia ng'ayetebwa Merodaki Baladani, mutabane wa Baladani, yaawulira nga Hezekia bweyali alwaire. Agho yaamughandiikira embaluwa, yaagigha abakwenda baagitwala, baatwaliraku n'ekirabo.

2 Bakyabazinga 20:12 ပူးပေါင်းရင်းမြစ်များ

Amainhama 10:10

Mu kusooka obwakyabazinga bwe bwalimu ebibuga bino: Babeli, Ereki ni Akkadi nga byonsatuli biri mu kiketezo eky'e Shinari.

Amainhama 11:9

Ekibuga kyatuumibwa eriina Babeli, kuba eyo Musengwa Katonda ye yatabuliratabulira olulimi olw'ensi yoonayoona. Era eyo ye yatoolera abantu, n'abasansaaniza mu nsi yoonayoona.

2 Samueli 10:2

Daudi yaakoba mule ati: “Ndidha kulaga Hanuni mutabane wa Nahashi omukwano ogw'amazima, nga ise gwe yandaganga.” Kale Daudi yaatuma ku bagheereza be baje ye Hanuni, bamumusaasirire olw'okufiirwa ise. Agho abagheereza ba Daudi baatuuka bukalamu mu nsi ey'Abammoni.

2 Samueli 8:10

Kale yaatuma mutabane we Yoramu ye Daudi oyo n'obukwenda obw'okumulamusa n'okumukangaalusa olw'okulwanisa Hadadezeri n'amughangula; kuba Hadadezeri oyo yalwanisanga Toi emikuzi kamaala. Yoramu oyo yaatwalira Daudi ebintu ebya feeza, n'ebya zaabu, n'eby'ekyuma eky'ekikomo.

2 Ebyomubyanda 32:25

Aye Hezekia yaamala yeekuluntaza bwekuluntaze, yaaloba kusiima Musengwa Katonda nga bwe kyali kigwaniire, olw'ekirungi kye yamukolera. Kale Musengwa Katonda yaamusungughalira, era yaasungughalira n'abantu b'omu Buyudaaya, n'ab'omu Yerusalemu.

2 Ebyomubyanda 32:31

Era n'abakwenda ab'abakungu b'e Babiloni bwe baidha, nga babatumye okubuuza Hezekia oyo ku byewuninkiriza ebyagwa mu nsi ye, Katonda yamuleka buleke asobole okumuleba, amanhe byonabyona ebiri mu mwoyo gwe.

Isaia 13:1

Buno n'obukwenda obugema ku Babiloni, Isaia mutabane wa Amozi bwe yafuna mu kubonekerwa.

Isaia 13:19

Waire obwakyabazinga bwa Babilonia n'obusingamu okuba obw'ekitiisa era obweyagaza inho abantu baayo, nze Musengwa Katonda ndibuzikiriza ng'oti ni bwe nazikiriza Sodoma ni Gomorra.

Isaia 14:4

Musengwa Katonda bw'alituukiriza ekyo, Abaisiraeli baliyeeyereza kyabazinga w'e Babilonia, nga bakoba bati: “Omufuzi kaabuluuku akomye, n'obukambwe bwe tibukaaligho!