2 Bakyabazinga 2:24 - Baibuli Ekibono kya Katonda 2014

²⁴ Elisha yaakyuka, yaalinga einhuma yaababona, era yaabakolimira mu liina lya Musengwa Katonda. Agho ebisolo ebikambwe bibiri ebikazi byava mu kibira, byayuzayuza abaana amakumi ana n'ababiri (42) ku abo.

2 Bakyabazinga 2:24 ပူးပေါင်းရင်းမြစ်များ

Amainhama 9:25

yaakoba ati: “Kanaani akolimirwe aidha kubanga mwiru wa baganda be.”

2 Samueli 17:8

Hushai era yaayongeraku ati: “Okiidhi nga lata wo n'abasaadha be ba maani agataloodheka, ate nga bali n'obusungu ng'oti n'ekisolo ekikambwe ekitooleibwaku ebyana byakyo. N'ekindi lata wo eby'entalo abiidhi inho, taidha kutenduka ghalala na bantu.

1 Bakyabazinga 13:24

Era omulanzi oyo bweyali aja, yaayagaanana n'empologoma mu ngira, yaamwita. Omulambo gwe gwagwa agho mu ngira. Endogoyi n'empologoma byayemerera agho gha mbali ghaagwo.

1 Bakyabazinga 19:17

Kale omuntu yeenayeena anaawonanga okwitibwa Hazaeli, aidha kwitibwanga Yehu. Ate anaawonanga okwitibwa Yehu, aidha kwitibwanga Elisha.

1 Bakyabazinga 20:36

Agho yaamukoba ati: “Nga bw'odheemeire ekiragiro kya Musengwa Katonda, bw'onaaba nga waakava ghe ndi, empologoma eidha kukwita.” Era olwali okuva oyo ghe yali ati, empologoma yaamwita.

2 Bakyabazinga 2:25

Mwene yeeyongerayo yaatuuka ku lusozi Karumeli, ate yaamala yaava eyo yaaja e Samaria.

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Ensambo 17:12

Omuntu amala gaagaanana na nsolo nkambwe enhagiibwaku abaana baayo, atayagaanaine na musiru ng'ali kukola obusiru bwe.

Ensambo 19:29

Abanhoomi tibaliwona kusalirwa musango kubasinga, n'abasiru tibaliwona kukubwa.

Ensambo 28:15

Ng'empologoma oba ekisolo ekikambwe ekindi, bwe biba eby'akabi eri kye byenda okugema, n'omufuzi omubi yeena atyo bwaba ow'akabi eri abaavu.

Yeremia 28:16

Kale ni, Musengwa Katonda mwene akoba ati aja kukutoola ku nsi. Oidha kufa ng'omwaka guno gukaali kuwaaku, olw'okukoba abantu badheemere Musengwa Katonda oyo.”

Okulira 3:65

Bateeku ekikolimo obooleke nga bw'oli omukambwe.

Hosea 13:8

Ndibatuumiraku ng'oti n'ekisolo ekikambwe kye banhazeeku obwana bwakyo, naabayuzaamu ghabiri. Ndibakankamira nga muli gheene agho ng'oti mpologoma yeene, naabayuzayuzaamu bukutukutu ng'oti nsolo ya mu nsiko.

Abalevi 26:22

Ndidha kusindikanga ensolo edh'omu nsiko, dhiite abaana baimwe era dhizikirize ebyayo byaimwe. Dhinaabakendeezanga obungi, engira dhaimwe dhaawolongera dhaazika.

Amosi 7:17

Musengwa Katonda ali kukukoba iwe Amazia ati, ‘Mukazi wo aidha kuba malaaya mu kibuga, ate batabane bo ni baghala bo babaitire mu lutalo. Eitaka lyo baidha kulipima n'omugugha baligabane, n'iwe mwene baidha kukutwala mu nsi etali nongoofu y'olifiira. Era Abaisiraeli bateekwa okutwalibwa mu bunhage bave mu nsi yaibwe.’ ”

Mariko 11:14

Agho yaagukoba ati: “Tighabanga alya ku iwe kibala ebyanda n'ebyanda!” Era Abeegeresebwa be baakiwulira.

Mariko 11:21

Agho Petero yaidhukira, yaamukoba ati: “Mwegeresa, bona omuti omutiini gwe wakolimiire gukaze!”

Ebikolwa by'Abatume 5:5

Anania olwawulira ebibono ebyo, yaagwa yaafa. Boonaboona abaakiwulira baatya inho.

Ebikolwa by'Abatume 5:9

Petero yaamukoba ati: “Ekikoba mwaisania okuleba Mwoyo wa Musengwa? Oli kuwulira, abaziise balo bali ku mulyango, weena baidha kukutwala.”

Ebikolwa by'Abatume 8:20

Aye Petero yaamwiramu ati: “Zikirira n'empiiya dho, kuba odhuuba okufuna ekirabo kya Katonda ng'okigula n'empiiya dho!

2 Ab'e Korintho 10:6

Era nga mumaze okulaga obuwulize obutuukiriire, tuli beetegefu okubonereza buli kikolwa kyonakyona eky'obudheemu.

Abalamuzi 9:20

Aye oba nga ti bwekiri, omuliro ka guve mu Abimeleki gusaaniegho ab'omu Shekemu n'ab'e Bethimillo, era omuliro guve mu bantu ab'e Shekemu n'ab'e Bethimillo gusaaniegho Abimeleki.”

Abalamuzi 9:57

Katonda era yaabonereza abantu b'omu Shekemu olw'ekibi kyaibwe. Ni Yothamu, mutabane wa Gideoni, kye yakolima kyatuukirira.