2 Bakyabazinga 2:23 - Baibuli Ekibono kya Katonda 2014

²³ Agho Elisha yaava e Yeriko, yaaja e Betheli. Bwe yali ng'ali kutambula mu ngira, abaisuka abatobato baava mu kibuga, baamuyeeyereza nga bakoba bati: “Va agho oje, iwe kapaata! Va agho oje, iwe kapaata!”

2 Bakyabazinga 2:23 ပူးပေါင်းရင်းမြစ်များ

Amainhama 21:9

Lwali lulala Sara yaabona Ishimaeli, omwana Hagari Omumisiri ye yazaalira Aburahamu, ng'ali kuzaanha ni Isaaka mutabane we.

2 Bakyabazinga 2:11

Bwe baali nga bakaatambula nga bwe baghaya, amangu ago ghaidhagho ekigaali eky'omu lutalo eky'omuliro n'embalaasi edh'omuliro, byayawula buli muntu ku mwine, Eliya yaatwalibwa ghaigulu ng'ali mu mpewo eyeezungulula n'amaani.

2 Bakyabazinga 2:2

Agho Eliya yaakoba Elisha ati: “Nkweghemba osigale ghano, kuba nze Musengwa Katonda antumye nje ntuuke e Betheli.” Aye Elisha yaakoba ati: “Ndayira mu Musengwa Katonda omulamu era weena nga bw'oli omulamu nti tiidha kukuleka.” Kale baaja e Betheli.

2 Bakyabazinga 2:22

N'okuva ku olwo, amaadhi ago gaasigala nga malamu ni ye buli eno, ng'Elisha bwe yakoba.

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Yobu 19:18

N'abaana abato baanhooma, bwe bambona bansekerera.

Yobu 30:1

“Aye mpegaano abantu be nsinga obukulu n'abaanhooma. Ate nga baiseibwe nze nabanhoomanga, nga tibaganha na kuba ghalala na mbwa dhikuuma byayo byange.

Zabbuli 31:17

Wo Musengwa Katonda, otandeka ni nswala, kuba niiwe ye nsaba. Abakozi b'ebibi baswaze, baje e magombe nga basiriikiriire.

Zabbuli 31:18

Sirisa abaguya abo kuba baidhwire okwebona. Boogera bubi ku bantu abatuufu nga babanhoomerera.

Zabbuli 35:15

Aye lwe nagwa mu bizibu, beene baasangaala busangaale, beesoloza, baaneezungulula, bankongoola, ni be nali tiidhi bankuba nga tibalekera naire.

Ensambo 20:11

N'omwana omuto by'akola byoleka ki ky'ali, osobola okumanha oba nga mwesigwa era nga mulungi.

Ensambo 22:15

Kiri mu butonde obw'omwana omuto okukola eby'ekisiru, aye omwigo gubimutoolamu.

Ensambo 22:6

Oyegeresanga omwana okwebisanga obukalamu, ni bw'alikula taja kwerabira.

Omulangirizi 11:10

Weewonienga ebyo ebikweraliikiriza mu mwoyo, n'ebyo ebikuleetera okulumizibwa mu mubiri, kuba okuba omuto n'okuba omwisuka, byombi biziramu muganhulo.

Isaia 1:4

Okagwireku iwe eighanga eikozi ly'ebibi, abantu aboonooni imwe, abaidhukulu ab'abakozi b'ebibi imwe, era abaana aboonoonefu. Muviire ku Musengwa Katonda, mwamunhooma Omutukuvu wa Isiraeli oyo, mwamwetooleraku irala.

Isaia 3:5

Abantu balituntuza bantu banaibwe, buli muntu yaakiriga mwine era yaanhigiriza muliraanwa we. Abato balinhooma abakulu, n'abantu abazira kye bagasa baanhooma ab'ebitiibwa.

Yeremia 20:7

Wo Musengwa Katonda waanimba era naalimbibwa. Onsinga amaani era ompangwire. Nafuuka nseko dha balamu, buli muntu ankongoola buli kaakyeire.

Yeremia 20:8

Buli lwe ndhogera nkaabuka bukaabuke, nalangirira nti: “Ebikolwa eby'obukambwe n'okuzikirira biri kwidha!” Wo Musengwa Katonda, abantu banvuma era bandheeyereza olw'okulangirira obukwenda bwo.

Yeremia 7:18

Abaana bagherera enku, baiseibwe baakuma omuliro, bainhaibwe baakanda engaano okufumba emigaati. Nga bafumbira omusambwa gwe beeta Kyabazinga Omukazi ow'Eigulu. Baafukira emisambwa egindi ebigheebwayo eby'okunhwa, bansoononkereza bandeetera okusungughala.

Hosea 10:15

Mwena Abaisiraeli batyo bwe balibakola olw'ebibi byaimwe ebitaloodheka. Kyabazinga wa Isiraeli aliitibwa ng'olutalo lwakatoolera.”

Hosea 10:5

Abatyamye ab'omu Samaria balidhugumira olw'okuviibwaku ekifaananie eky'ente ento eky'e Bethaveni. Abantu abakisinza balikiririra amaziga, ni bakabona abagheereza ekisinzibwa ekyo ekitali Katonda, baliwowoola, nga kitooleibwaku ekitiibwa kyakyo.

Hosea 4:15

Waire nga imwe Abaisiraeli timuli beesigwa ye ndi, Abayudaaya bagwananga baaloba kugwa mu nsobi eyo. Mutajanga kusinziza mu Giligali waire okusinziza mu Bethaveni. Era mutalayiranga muti, ‘Nga Musengwa Katonda bw'ali omulamu.’

Abalevi 13:40

“Omusaadha bw'anaakuunhuukanga enviiri ku mutwe mu kawompo oba ku mutwe emberi, oyo anaabanga wa mpaata era nga mulongoofu.

Amosi 3:14

Ku lunaku lwe ndibonerezaaku Abaisiraeli olw'ebibi byaibwe, nja kuzikiriza alutaari edh'e Betheli. N'ebintu ebiri ng'oti mayiga ga nsolo ebiba ku nsonda dhaadho nja kubimenhaku mbisuule ku itaka.

Amosi 4:4

Musengwa Katonda akoba ati: “Imwe Abaisiraeli, muje mu kifo ekitukuvu eky'e Betheli mukole ebibi, muje n'e Giligali mweyongere okwonoona. Muleete emisengo buli nkyo era mugheeyo ekintu ekirala ekirala ku buli ikumi bye mufuna buli luvainhuma lwa nnaku isatu.

Amosi 5:5

Aye mutaja Betheli kunsinza, kuba kija kuwaagho. Oba okwingira mu Giligali, kuba ab'eyo bwenebwene baja kutwalibwa mu bunhage. Oba waire okuja e Beerisheba okunsinza.”

Amosi 7:13

Aye ghano e Betheli otairayo kukoleragho bulanzi bwo, kuba ghano n'aghali ekifo kyabazinga mw'asinziza, era n'aghali eisinzizo ery'obwakyabazinga bwonabwona.”

Ab'e Galatia 4:29

Nga mu biseera ebyo bwe kyali, omulenzi eyazaalibwa mu nsambo yabuliidho bwe yakiriga ole eyazaalibwa ku bwa Mwoyo wa Katonda, ni mperaano bwekiri.

Abaheburayi 11:36

Abandi baabakiina, baabakuba, baabasiba ku ndhegere era baabata mu ikomera.