2 Bakyabazinga 2:21 - Baibuli Ekibono kya Katonda 2014

²¹ Yaaja aghali ensulo y'amaadhi, yaasuulamu omuunhu ogwo ng'akoba ati: “Musengwa Katonda akoba ati, ‘Amaadhi gano ngafiire malamu. Tigakairayo kuvaamu lumbe waire okutoolamu abantu enda.’ ”

2 Bakyabazinga 2:21 ပူးပေါင်းရင်းမြစ်များ

2 Bakyabazinga 2:20

Elisha yaakoba ati: “Mute omuunhu mu kibya ekiyaaka, mukindeetere ghano.” Baakireeta gh'ali.

2 Bakyabazinga 2:22

N'okuva ku olwo, amaadhi ago gaasigala nga malamu ni ye buli eno, ng'Elisha bwe yakoba.

2 Bakyabazinga 4:41

Elisha yaakoba ati: “Muleeteyooku ku buwunga.” Yaabumiigha mu ntamu. Yaakoba ati: “Mubasenere balye.” Agho mu ntamu mwaba nga timukaalimu kabi naire.

2 Bakyabazinga 6:6

Elisha omuntu wa Katonda yaabuuza ati: “Egwire gha?” Ole yaamwoleka ekifo gh'egwire. Elisha yaatema akati, yaakasuula mu maadhi, yaaleetera empasa okulera ku maadhi.

Abalevi 2:13

Buli kigheebwayo eky'emere ey'empeke mukitengaku omuunhu, kuba omuunhu n'akamanhiso k'endagaano ghagati waimwe ni Katonda. Mu butuufu, ebigheebwayo byonabyona mubitengaku omuunhu.

Matayo 5:11

“Muli ba nkabi bwe banaabavumanga, ni babakiriga, era ni baboogeraku buli kibi kyonakyona olw'okuba nze, nga basubagha.

Mariko 9:50

Omuunhu mulungi. Aye omuunhu bwe guwaamu ensa oba okaalungamu ki? “Mube n'omuunhu mu bulamu bwaimwe era n'emiraala beene na beene.”

Yoanne 9:6

Bwe yamala okwogera ebyo yaafuudha ku itaka, yaakola ekisoodo mu matanta n'enkungu yaakibbaaka ku maiso g'omusaadha.

Okwolekebwa 21:4

Alibeeya amaziga goonagoona mu maiso. Ghaliba tighakaali kufa, kugegenga oba kulira, oba obulumi. Kuba olwo eby'eira biriba nga byawaagho.”