2 Bakyabazinga 2:14 - Baibuli Ekibono kya Katonda 2014

¹⁴ Yaakozesa ekivaalo ekyava ku Eliya ni kigwa, yaakuba ku maadhi ng'akoba ati: “Musengwa Katonda, Katonda wa Eliya, ali gha?” Bwe yakuba ku maadhi, geegabamu ghabiri ku luuyi ni ku luuyi, Elisha oyo yaasomoka.

2 Bakyabazinga 2:14 ပူးပေါင်းရင်းမြစ်များ

2 Bakyabazinga 2:13

Yaalonda ekivaalo ekyava ku Eliya ni kigwa, yairayo, yaayemerera ku mbali kw'omwiga Yorudani.

2 Bakyabazinga 4:29

Elisha yaakoba Gehazi ati: “Yangugha mangu ogeme omwigo gwange, oje. Bw'oyagaana omuntu mu ngira, otamulamusa. Era bweghabaagho akulamusa otamwiramu. Bw'onaatuuka oidha kuta omwigo gwange ku mwana.”

Zabbuli 115:2

Lwaki oleka amaghanga ni gabuuza gati: “Memale Katonda waibwe ali gha?”

Zabbuli 42:10

Abazigu bange, bandi ng'oti ibwa lya ku mwoyo. Bandheeyereza n'ebivumo, eno bwebandeeba buli kiseera, bati: “Katonda wo ali gha?”

Zabbuli 42:2

Ng'omuntu ali n'endiwo bw'aba, zeena ntyo bwe nhenda einho okuba iwe Katonda wange gh'oli, Katonda iwe omulamu. Ndituukaku li mu maiso go ni nkubona?

Okuvaayo 14:22

Abaisiraeli baingira mu nhandha nga batambulira ku itaka ikalu, ng'amaadhi geebunze ku mbali ni ku mbali ng'oti bimante.

Yeremia 2:6

Baaloba okwebuuzaaku naire bati, ‘Musengwa Katonda ali gha? Oyo n'eyatutoola mu nsi Misiri, yaatubisa mu irungu, mu nsi enkalu eidhwire ebiina, eziramu maadhi era ey'akabi, eziramu muntu agibitamu, era etabaamu bantu.’

Yoeli 2:17

Bakabona abagheereza Musengwa Katonda, ka balirire amaziga ghagati gh'omulyango gw'eisinzizo ni alutaari, nga bakoba bati: “Wo Musengwa Katonda saasira abantu bo. Otatuleka kufuuka kivumo era eky'okwogeraku mu bamaghanga agandi, nga bakoba bati, ‘Memale Katonda waibwe aligha.’ ”

Mariko 16:20

Ate Abeegeresebwa baaja baayegeresa buli ghantu Musengwa ng'ali nabo. Ebibono byaibwe ng'abikakasa n'ebyewuunhio bye yabakozanga.] [Mangu ago baakobera Petero ni be yali nabo, byonabyona malaika bye yabalagira. Era ebyo olwawa, Yesu mwene yaabatuma okuja okulangirira Amawulire Amatukuvu agatawaagho ag'obulokozi woonawoona okuva e buvandhuba okutuuka e bugwandhuba.]

Yoanne 14:12

Bwenebwene ka mbakobere: andhikiriza alikola bye nkola ate alikola n'ebisinga agho, kuba nze ndi kuja ye Lata.

Ebikolwa by'Abatume 2:33

Mperaano, bwe yamala okuniinisibwa ku mukono omusaadha ogwa Katonda, era n'okufuna Mwoyo Mutukuvu, eyamusuubizibwa Katonda Lata, n'okutugha ekirabo kino kye muli kubona era kye muli kuwulira.

Abalamuzi 6:13

Gideoni yaamukoba ati: “Isebo, nkweghembye ka mbuuzeeku: oba nga Musengwa Katonda ali n'ife, lwaki bino byonabyona bitutuukaku? Era ebyewuninkiriza bye yakolanga, badhaadha baife bye baatughayiranga, biri gha? Baatughayiranga bati Musengwa Katonda yabatoola mu Misiri. Aye mpegaano Musengwa Katonda atulekuliire agho, era atughaireyo mu buyinza bw'Abamidia.”