2 Bakyabazinga 2:12 - Baibuli Ekibono kya Katonda 2014

¹² Elisha yaakibona, era yaaleekaana ati: “Lata wange, lata wange! Iwe ow'amaani ng'oti n'ebigaali eby'omu lutalo n'embalaasi ebirwanirira Isiraeli!” Yaalekera agho okumubona. Agho Elisha oyo yaagema ebivaalo ebibye, yaabikanulamu ghabiri olw'okunakughala.

2 Bakyabazinga 2:12 ပူးပေါင်းရင်းမြစ်များ

Amainhama 37:34

Yakobo yaakanulamu ebivaalo bye olw'okunakughala, yeesiba ekikaakaati, yaamala enaku kamaala ng'alira omwana we.

Amainhama 5:24

Enoka oyo yaamala obulamu bwe ng'atambulira mu Katonda era yaamala yaabulagho bubule, kuba Katonda yamutwala.

2 Bakyabazinga 13:14

Agho Elisha yaalwala obulwaire obwamuviiraku okufa. Yehoashi kyabazinga wa Isiraeli yaaja y'ali okumubona. Yaalira amaziga ng'akoba ati: “Lata wange, lata wange! Iwe ow'amaani ng'oti bigaali bya mu lutalo n'embalaasi, ebirwanirira Isiraeli!”

2 Bakyabazinga 2:13

Yaalonda ekivaalo ekyava ku Eliya ni kigwa, yairayo, yaayemerera ku mbali kw'omwiga Yorudani.

2 Bakyabazinga 5:13

Aye abagheereza be baaseeta gh'ali, baamukoba bati: “Isebo, ngoli omulanzi akukobye okukola ekintu ekikalangafu, tiwandikikoze? Kale tikikwanguyira inho, bw'akukoba ati, ‘Naaba obe mulongoofu.’ ”

2 Bakyabazinga 6:21

Kyabazinga wa Isiraeli bwe yabona Abasiria abo, yaabuuza Elisha ati: “Lata wange, mbaite? Mbaite?”

Yobu 22:30

Awonia omuntu aziraku musango. Kale aidha kukuwonianga bw'onaabanga ng'oziraku kibi.”

Ensambo 11:11

Abantu abeesimbu baleetera ekibuga enkabi kyakula, aye ababi ebibono bye boogera bikireetera okuzikirira.

Ensambo 30:4

Naani eyaali aniinieku mu igulu, n'aniinukayo n'aika ku nsi? Naani eyaali asoloizaaku empewo n'agigemera mu ngalo dhe? Naani eyaali azingiireku amaadhi mu kivaalo kye? Naani eyataagho ensalosalo ensi kw'ekoma? Eriina lye naani, era mutabane naani, bw'oba ng'oidhi?

Omulangirizi 7:19

Omuntu omugezi, amagezi gamuleetera okuba ow'amaani agasinga ag'abafuzi eikumi abali mu kibuga.

Isaia 37:15

yaasaba Musengwa Katonda ng'akoba ati:

Isaia 37:21

Agho Isaia mutabane wa Amozi yaagheereza Hezekia obukwenda obukoba buti: “Musengwa Katonda wa Isiraeli akoba ati awuliire okusaba kwo ku bigema ku Sennakeribu kyabazinga w'e Assiria.

Isaia 37:4

Kyabazinga w'e Assiria yatuma omukungu we akulira bakungu baine boonaboona okwidha okudhooga Katonda omulamu. Musengwa Katonda wo agwaine awulire ebyo byonabyona omukungu oyo by'ayogeire, era amubonereze olw'okubyogera.’ Kale ni sabira abo abanaawonagho ni basigala nga bakaaligho.”

Mariko 16:19

Musengwa Yesu bwe yamala okwogera nabo, yaatwalibwa mu igulu, y'atyaime ku mukono omusaadha ogwa Katonda.

Luka 2:15

Bamalaika bwe baamala okuva abaayi ghe baali ni baja mu igulu, abaayi baakoba bati: “Tuje e Bethelehemu tubone kino ekibaireyo, Musengwa ky'atumanhiisa.”

Luka 24:51

Era bwe yali abagha omukisa yaabavaaku yaatwalibwa mu igulu.

Yoanne 3:13

Ghazira yaali aniinieku mu igulu okutoolaku Omwana w'Omuntu eyaika okuva mu igulu.”

Ebikolwa by'Abatume 1:9

Bwe yamala okwogera ebyo, yaatwalibwa mu igulu nga balingiriire, era ekire kyamutwala okutuusa lwe baalekera okumubona.

Ebikolwa by'Abatume 27:24

era yankoba ati, ‘Paulo, otatya, oteekwa okwemerera mu maiso ga Kaisari. Era olwa iwe Katonda aidha kukuuma n'abo boonaboona abali n'iwe mu lyato.’

Ebikolwa by'Abatume 8:2

Abantu abaisaamu Katonda ekitiisa baaziika Sitefano era baamulira inho.

2 Ab'e Korintho 5:2

Mperaano tusinda era twegomba okuvaazibwa endhu eyo ey'omu igulu.

2 Ab'e Korintho 5:4

Bwe tuba nga tukaali mu ntindi eno ey'oku nsi tusinda olw'okuzitooghererwa, ti lwa kuba nga twenda okwetoolaku omubiri guno, aye lwa kuba twenda okuvaazibwa omubiri ogw'omu igulu, olwo omubiri ogutafa gumire ogufa.

Ab'Efeso 4:8

Ebyaghandiikibwa kye biva ni bikoba biti: “Bwe yaniina eyo ghaigulu, yaatwala abanhage kamaala era yaagha abantu ebirabo.”

Okwolekebwa 11:12

Abalanzi abo ababiri baawulira amamiro agava mu igulu nga gabakoba gati: “Mwidhe eno ghaigulu.” Baajiira mu kireri, baaniina mu igulu ng'abazigu baibwe babona.

Abalamuzi 17:10

Mika yaamukoba ati: “Ba ghano ninze, obe omughabuzi era kabona wange. Ndidha kukughanga ebitundu ikumi ebya feeza omwaka, n'eby'okuvaala, n'eby'okulya.”