2 Bakyabazinga 19:7 - Baibuli Ekibono kya Katonda 2014

⁷ Bona eno, ndidha kumutaamu ekidhuubo, mmuleetere okujiira ku lubono lw'awulira nga lwogerwa mu bantu, aireyo mu nsi ye. Era mmuleetere okwitibwa ng'ali eyo.’ ”

2 Bakyabazinga 19:7 ပူးပေါင်းရင်းမြစ်များ

2 Bakyabazinga 19:28

Mmaze okuwulira nga bw'oneedundeekezaaku era nga bw'oneekuluntalizaaku. Mpegaano nja kukutunga eirobo lyange mu nhindo yo, nkusibe n'olukoba lwange mu kanwa mwo, nkwiririzeeyo mu ngira yeene ye wabitamu ng'oidha.”

2 Bakyabazinga 19:33

Engira emuleese yeene eyo yaidha okugema, aireyo nga taingiireeku mu kibuga kino. Nze Musengwa Katonda, ninze nkobye.

2 Bakyabazinga 7:6

kuba Musengwa Katonda yaaleetera ab'eigye lya Siria okuwulira okupakalana okw'ebigaali eby'omu lutalo, n'okugabbalya okw'ebigere by'embalaasi, nga kuli ng'oti kwa igye inene. Kale beekobaana beene na beene bati: “Bona, kyabazinga wa Isiraeli apangiisa bakyabazinga ab'Abahitti n'ab'Abamisiri okwidha okutulwanisa!”

2 Ebyomubyanda 32:21

Musengwa Katonda yaatuma malaika, yaita okumaliragho irala abaisirukale boonaboona ab'amaani abaziramu ntete, n'abaduumizi, n'abakulu b'eigye, abaali mu kifo kyabazinga w'e Assiria mwe yasimba weema dhe. Agho kyabazinga w'e Assiria yairayo mu nsi ye nga yeenayeena ensoni dhimugemye. Lwali lulala ng'ali mu isabo lya katonda ye yasinzanga, abandi ku batabane be baamufumita empiima yaafa.

Yobu 15:21

Awulira mu matu ge amamiro agatiisa. Lw'afunaku akalembereza lw'alumbibwa abanhazi.

Yobu 4:9

Katonda abafuuwa omuuka ogw'obusungu bwe oguli ng'oti kiwunga, yaabazikiriza.

Zabbuli 11:6

Aja kulagira omuliro ogw'amanda n'obuganga bwa salufa, okumagalika ng'oti maadhi ku bakozi b'ebibi, n'empewo ebabula okubafuuwa. Ebyo n'ebiri mu kikopo kye yabategekera okunhwa.

Zabbuli 50:3

Katonda waife aidha, aye taidha kisiriikiriza; omuliro ogwaka einho gumukulemberamu nga kiwunga ow'amaani amwezungulwire.

Zabbuli 94:23

Abo aidha kubabonereza olw'obubi bwaibwe, era aidha kubazikiriza olw'okwonoona kwaibwe; bwenebwene Musengwa Katonda aja kubasaaniagho.

Isaia 11:4

Aye aidha kusalanga emisango gy'abaavu mu butuufu, era akolerenga abaziraku bwogereso ebyo bye bagwaniire okukolerwa. Aliragira bulagire, abantu mu nsi baabonerezebwa, era ababi baitibwa.

Yeremia 49:14

Agho nze Yeremia naakoba nti: “Edomu, nawulira amawulire okuva ye Musengwa Katonda. Era ghaligho omukwenda eyatumwa okuja ng'abitabita mu maghanga, ng'akoba ati, ‘Mwetegeke, muje mulumbe Edomu.’

Yeremia 51:1

Musengwa Katonda akoba ati: “Ndisindika ku nsi Babilonia ni ku bantu baayo empewo ezikiriza.

Yeremia 51:46

Mutawaamu myoyo oba okutya, olw'amawulire ge muwulira mu nsi. Buli mwaka amawulire ag'endhawulo gasansaanizibwa: ka tukobe, ng'ago agoogera ku bikolwa eby'obukambwe mu nsi eno, n'aga kyabazinga ono okulwana ni kyabazinga owundi.

Obadia 1:1

Buno n'obukwenda Musengwa Katonda bwe yatuma Obadia okulanga, nga bugema ku ighanga ly'Abaedomu. Obukwenda bukoba buti: Twawulira amawulire okuva ye Musengwa Katonda. Era ghaligho omukwenda eyatumwa okuja ng'abitabita mu maghanga ng'akoba ati, “Mwetegeke tuje tulumbe Edomu.”