2 Bakyabazinga 19:4 - Baibuli Ekibono kya Katonda 2014

⁴ Kyabazinga w'e Assiria yatuma omukungu we omukologho okwidha okudhooga Katonda omulamu. Musengwa Katonda wo agwaine awulire ebyo byonabyona omukungu oyo by'ayogeire, era amubonereze olw'okubyogera.’ Kale ni sabira abo abanaawonagho ni basigala nga bakaaligho.”

2 Bakyabazinga 19:4 ပူးပေါင်းရင်းမြစ်များ

Amainhama 22:14

Aburahamu yaatuuma ekifo ekyo eriina “Musengwa Katonda atugha.” Era ni leero abantu bakoba bati ku lusozi lwa “Musengwa atugha.”

2 Samueli 16:12

Oba katyo Musengwa Katonda anaalingirira okudaagadaaga kwange, yansasulamu ebirungi mu kuvumibwa kwange kuno olwaleero luno.”

2 Bakyabazinga 18:13

Mu mwaka ogweikumi n'ena (14) nga kyabazinga Hezekia n'afuga Buyudaaya, Sennakeribu kyabazinga w'e Assiria yaalumba ebibuga byonabyona ebya Buyudaaya ebyezungulwirwa ebimante ebigumu, yaabighangula.

2 Bakyabazinga 19:16

Wo Musengwa Katonda lingirira obone ebitutuuseeku, era otege kutu owulire ebibono Sennakeribu by'agheereiza okukuvuma, iwe Katonda omulamu.

2 Bakyabazinga 19:22

Olowooza oti naani y'ovumye era y'odhooze? Naani y'okaabukiire era y'oziimwire? Ninze Omutukuvu wa Isiraeli!

2 Bakyabazinga 19:23

Otumye abakwenda bo okuneesuutiraku nze Musengwa Katonda, nga bakoba nga bwe wakozesa ebigaali byo eby'omu lutalo, n'oghangula ensozi dhoonadhoona endeeyi edh'omu Lebanoni. Weesuuta ng'eyo bwe watemayo emivule egisinga obuleeyi, era n'otemayo n'emiti emisipuressi egisinga bulungi. Waakoba nga bwe waingirira irala mu bibira, mu kitundu ekisinga kuba kizibirivu.

2 Bakyabazinga 19:3

Baamukoba bati: “Hezekia akoba ati, ‘Olunaku luno lwa kudaazibwadaazibwa, kubonerezebwa na kuswazibwa. Tuli ng'oti n'omukazi atuusiisa okuzaala, aye ng'aziramu maani gasindika mwana.

2 Bakyabazinga 19:30

Abo abaliwonagho mu Buyudaaya, balisibuka ng'ebimera ebisimba emizi gyabyo ghansi mu itaka, ni bitaaku ebibala ghaigulu.

2 Bakyabazinga 19:31

Ghaja kubaagho abandi abaliwonagho mu Yerusalemu, abaliva ku lusozi Sioni. Musengwa Katonda amaliriire okutuukiriza ekyo.

2 Bakyabazinga 19:5

Abakwenda ba kyabazinga Hezekia bwe baatuusa obukwenda bwe eri Isaia,

2 Ebyomubyanda 32:20

Agho kyabazinga Hezekia ni Isaia omulanzi mutabane wa Amozi, baalirira Katonda nga bamusaba okubabeera.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 50:21

Mwakola ebintu ebyo nze naasirika, mwalowooza muti zeena ndi ng'oti niimwe. Aye buti ndi kubanenia nti mukola bubi inho, era omusango ogwo nhenda ngwerule mugubone bukalamu.

Zabbuli 74:18

Aye Musengwa Katonda oteerabira kino nti abazigu bo bakusekerera, abantu abatakutya baakunhooma.

Isaia 1:9

Ngoli Musengwa Katonda Afuga Amagye tiyatulekeraghooku bantu batono abaawonagho, twandibaire ng'oti n'ab'e Sodoma, era twafaanana ng'oti n'ab'e Gomorra mu ebyo ebyabatuukaku.

Isaia 10:6

Ndituma Assiria oyo okulumba eighanga eritantya, era naamulagira okulwanisa abantu abandeeteire okusungughala. Ndimutuma yaanhaga ebintu by'abantu abo, era yaabatyankirira ng'oti bityanka bya mu nguudo.

Yeremia 23:36

Kale ni batakozesanga bibono ebyo, ‘Omugugu gwa Musengwa Katonda,’ kuba oyo alibikozesa yeenayeena, nja kufuula obukwenda bwange bube omugugu gwene omuzito eri omuntu oyo. Abantu bafuulaniafuulania ebibono byange nze Musengwa Katonda waibwe, Afuga amagye.

Yeremia 33:3

“Bw'onandheta nze Musengwa Katonda, ndidha kukuvugira era nkukobere ebintu ebyewuunhisa ebyagisibwa by'otaidhi.

Yeremia 42:9

Naabakoba nti: “Musengwa Katonda, Katonda wa Isiraeli ye mwantuma okubasabira y'ali, akoba ati,

Ezekieli 36:37

Musengwa Katonda era akoba ati: “Ndiiramu okuganha ab'eighanga Isiraeli, bansaba okubakolera ekintu kyonakyona, era ndibaleetera okweyongera obungi ng'oti n'entaama bwe dheeyongera.

Ab'e Roma 11:5

Kityo bwekiri ni buti. Ghaligho abawonagho ni balondebwamu olw'ekisa kya Katonda.

Ab'e Roma 9:27

Isaia yeena yalangirira ku Isiraeli ati: “Abantu ba Isiraeli ni bwe balyaga omusenho ogw'enhandha obungi, aye batono bati abaliwonagho ni balokolebwa

Amateeka Agokubiri 32:36

Musengwa Katonda bw'alibona abantu be boonaboona nga bawoiremu amaani, alisala omusango baagusinga. Bw'alibona nga tighakaali yeesobola k'abe omwiru oba ow'eidembe, alibagemerwa ekivunika.

Yoshua 14:12

Agho ni kyenva nsaba nti mpa ebiketezo ebyo ebirimu ensozi, Musengwa Katonda bye yansuubiza ku olwo kuba wawulira ku olwo nga bw'eriyo Abanaki, abantu abawaigufu, mu bibuga ebyezungulwirwa ebimante ebigumu. Musengwa Katonda aghanga okuba ninze, naababingamu nga Musengwa Katonda bwe yakoba.”

Yoshua 3:10

Bwe munaaja nga mweyongerayo emberi, mwidha kumanha nga Katonda oyo omulamu ali n'imwe, kuba aidha kuja ng'abingagho Abakanaani, Abahitti, Abahivi, Abaperizzi, Abagirigashi, Abamori n'Abayebusi.

1 Samueli 14:6

Yonathani yaakoba omwisuka eyamugemeranga eby'okulwanisa ati: “Idha tuje mu nkambi y'abalwani bano abatali bakekete. Tomanha Musengwa Katonda bw'atuyamba, kuba ghaziragho kighanga kulobera Musengwa Katonda okununula ng'akozesa abangi oba abatono.”

1 Samueli 17:10

Omufilisiti oyo era yaakoba ati: “Olwaleero ndi kusonsoonia eigye lya Isiraeli. Mumpe omuntu nwane naye.”

1 Samueli 17:26

Daudi yaabuuza abantu abaali beemereire okumpi naye, ati: “Kiki kye baja okukolera omuntu anaita Omufilisiti oyo, n'atoola ku Isiraeli ekyobeera ekyo? Obwo katyo Omufilisiti oyo atali mukekete naani, yeena okunhooma eigye lya Katonda omulamu?”

1 Samueli 17:45

Daudi yaakoba Omufilisiti ati: “Iwe oli kwidha ye ndi n'empiima, n'eifumo einene ghalala n'eifumo eitono, aye nze ndi kwidha mu liina lya Musengwa Katonda Afuga Amagye, era Katonda ow'amagye ga Isiraeli, g'osoononkereiza.