2 Bakyabazinga 19:35 - Baibuli Ekibono kya Katonda 2014

³⁵ Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

2 Bakyabazinga 19:35 ပူးပေါင်းရင်းမြစ်များ

2 Samueli 24:16

Malaika bwe yagolola omukono gwe okuzikiriza Yerusalemu, Musengwa Katonda yaakyusa ekirowoozo kye eky'okukola Abaisiraeli akabi. Kale Musengwa Katonda yaamukoba ati: “Ekyo kinaamala. Lekera agho!” Agho malaika yali atuuse mu kifo aghakubirwa engaano ekya Arauna Omuyebusi.

2 Bakyabazinga 19:7

Bona eno, ndidha kumutaamu ekidhuubo, mmuleetere okujiira ku lubono lw'awulira nga lwogerwa mu bantu, aireyo mu nsi ye. Era mmuleetere okwitibwa ng'ali eyo.’ ”

1 Ebyomubyanda 21:12

Endhala okugwa mu nsi okumala emyaka esatu? Oba iwe okumala emyezi esatu ng'olumukanga abazigu bo abakuyiigania? Oba okumala enaku eisatu nga Musengwa Katonda ali kukugoyagoya, asindike ekibamba okwidha mu nsi yo ng'akozesa malaika we, okuja ng'aita abantu mu Isiraeli yoonayoona? Buti dhuubiriza osalegho kye mbe ndhiremu oyo antumye.’ ”

1 Ebyomubyanda 21:16

Daudi yaja okulinga ati, ng'abona malaika wa Musengwa Katonda ayemereire ghagati gh'ensi n'eigulu, ng'asowoire empiima mu kiruutu kyayo yaagigema mu ngalo, era yaagigololera ku Yerusalemu. Agho Daudi n'abakulembeze b'abantu, baakuba amakiryaivu era baakutama n'ebyeni byatuuka ku itaka, nga bavaire ekutiya olw'okunakughala.

2 Ebyomubyanda 20:24

Abayudaaya bwe baatuuka ku kituuti ekirengererwaku eky'omu mu irungu, baalengeza eri eigye ery'abazigu eribaire einene. Baabona nga boonaboona mirambo egigwire agho, era ghazira muntu awoniegho.

Zabbuli 76:10

Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

Zabbuli 90:10

Emyaka gyaife egy'obughangaazi giri nsanvu, oba kinaana, bwe tuba abagumu. Aye ng'ate giidhwire okufaabiikana n'ebizibu kamaala, era giwaaku mangu twabulagho.

Zabbuli 91:6

Olumbe olukunkuna mu nzikiiza tiruukutiisenga, waire namuzisa okukwita omusana.

Okuvaayo 12:23

kuba Musengwa Katonda aja kubita mu Misiri ng'aita abaana abalenzi ababeri ab'Abamisiri. Kale bw'anaabonanga omusaayi ku myango, aidha kubitizanga omulyango ogwo alobe kuganha lumbe kwingira mu ndhu dhaimwe kubaitaku baana baimwe.

Okuvaayo 9:15

Kuba mu kiseera kino nandibaire nga naginga omukono gwange naakukuba iwe n'abantu bo, nga mbasindikira obulwaire obubi, era ngoli iwe buti oli mufu.

Okuvaayo 9:16

Aye ekyakulesaagho ng'oli mulamu lwa kwenda nkwoleke amaani gange, eriina lyange lisaakibwe mu nsi yoonayoona.

Isaia 10:33

Bona eno, Musengwa Katonda Afuga Amagye alibaghanulayo ng'oti n'olusaga olutemeibwa ku muti ni lugwa. Abaleeyi abaawaiguka alibasuula ghansi, n'abeetwala okuba aba ghaigulu yaabaisa.

Isaia 17:14

Eigulo balireetagho okutya okungi, aye bulija okukya enkyo nga babuzeegho. Ebyo n'ebituuka ku abo abatutoolaku ebyaife, era ogwo n'omugabo gw'abo abanhagulula ensi yaife.

Isaia 37:36

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

Danieli 5:30

Obwire bwene obwo Beleshazzari oyo, kyabazinga Omubabilonia, yaitibwa.

Hosea 1:7

Aye ndisaasira ab'omu Buyudaaya naabawonia abazigu baibwe, nze Musengwa Katonda waibwe, nga tikozeisa lutalo: tirikozesa bulaso, oba empiima, oba embalaasi, oba abalwanira ku mbalaasi.”

Ebikolwa by'Abatume 12:23

Mangu ago malaika wa Musengwa yaakuba Herode, kuba Herode tiyagha Katonda kitiisa. Enhengere dhaamulya yaafa.