2 Bakyabazinga 19:29 - Baibuli Ekibono kya Katonda 2014

²⁹ Agho Isaia yaakoba kyabazinga Hezekia ati: “Kano n'akanaaba akamanhiso akakwoleka ebinaabaagho: Mu mwaka guno ni mu mwaka ogwidha, muja kulya emere ng'emeze yeene. Aye mu mwaka oguliiraku mulisiga emere yaimwe mwagikungula. Mulisimba amasamba g'emizabbibu, mwalya n'ebibala byamu.

2 Bakyabazinga 19:29 ပူးပေါင်းရင်းမြစ်များ

2 Bakyabazinga 19:21

Era bino Musengwa Katonda oyo by'akoba ku kyabazinga Sennakeribu oyo: “Ekibuga Sioni kikunhoomye, kyakusekerera iwe Sennakeribu; era ekibuga ekyo Yerusalemu kikukongoire.

Zabbuli 107:37

baasiga enimiro edha buli nsambo, baasimba n'amasamba ag'emizabbibu, era baafuna amakungula mangi inho.

Okuvaayo 3:12

Agho Katonda yaamusuubiza ati: “Ndidha kubanga n'iwe, era kano kalikubeera akamanhiso, okwoleka nga ninze nkutumye: bw'olimala okutoola abantu abo mu Misiri, mulinsinziza ku lusozi luno.”

Isaia 37:30

Agho Isaia yaakoba kyabazinga Hezekia ati: “Kano n'akanaaba akamanhiso akakwoleka ebinaabaagho: Mu mwaka guno ogusooka mwidha kulya mere emera n'ekula yeene. Ate mu gule ogwokubiri muja kulya endhiraira y'eyo. Aye mu mwaka ogwokusatu mulisiga emere yaimwe mwagikungula. Mulisimba amasamba g'emizabbibu, mwalya n'ebibala byamu.

Hosea 1:7

Aye ndisaasira ab'omu Buyudaaya naabawonia abazigu baibwe, nze Musengwa Katonda waibwe, nga tikozeisa lutalo: tirikozesa bulaso, oba empiima, oba embalaasi, oba abalwanira ku mbalaasi.”

Abalevi 25:6

Waire ng'eitaka tiriirimwenga omwaka ogwo gwonagwona, aye linaababalizanga emere, imwe, n'abairu baimwe, n'abakozi baimwe, n'abasenze abali mu imwe,

Luka 2:12

Kano akamanhiso kwe munaamanhira: Mwidha kwagaana omwana omughere nga bamuzingiriire mu bugozi nga bamulambaaziiza mu kitabo.”

1 Samueli 2:34

Era kino ekija okutuuka ku batabane bo bombi, Hofuni ni Finehasi, kiidha kuba akamanhiso akakakasa; bombi baja kufa ku lunaku lulala.