2 Bakyabazinga 19:28 - Baibuli Ekibono kya Katonda 2014

²⁸ Mmaze okuwulira nga bw'oneedundeekezaaku era nga bw'oneekuluntalizaaku. Mpegaano nja kukutunga eirobo lyange mu nhindo yo, nkusibe n'olukoba lwange mu kanwa mwo, nkwiririzeeyo mu ngira yeene ye wabitamu ng'oidha.”

2 Bakyabazinga 19:28 ပူးပေါင်းရင်းမြစ်များ

2 Bakyabazinga 19:33

Engira emuleese yeene eyo yaidha okugema, aireyo nga taingiireeku mu kibuga kino. Nze Musengwa Katonda, ninze nkobye.

2 Bakyabazinga 19:7

Bona eno, ndidha kumutaamu ekidhuubo, mmuleetere okujiira ku lubono lw'awulira nga lwogerwa mu bantu, aireyo mu nsi ye. Era mmuleetere okwitibwa ng'ali eyo.’ ”

Yobu 41:13

Naani aghanga okugitoolamu ekivaalo kyayo eky'oku ngulu, oba okugifumita n'abita mu luwu lwayo olw'emibiri ebiri.

Yobu 41:2

Osobola okwingiza omugugha mu nhindo yaayo, oba okuwumula oluba lwayo n'eirobo?

Zabbuli 32:9

Otabanga ng'embalaasi oba enhumbu edhizira kutegeera, edhitasobola kukola muntu ky'ayenda, okutoolaku nga adhisibyemu ekyuma mu kanwa n'enkoba mu kifuba, memale ni dhikola ky'ayenda.”

Zabbuli 46:6

Katonda bw'aboigoka, abamaghanga baidhamu okutya okw'amaani, obwakyabazinga bwatengeesebwa n'ensi yoonayoona yaatengera.

Zabbuli 65:7

Oikaikania okuwolomboka okw'enhandha, n'okuyira okw'amaadhi g'enhandha; era waikaikania okuwowoigana okw'abadheemu.

Zabbuli 7:6

Wo Musengwa Katonda, idha obakambughalire. Situka Katonda wange tala, olwanise ekiruyi ky'abazigu bange, kuba iwe toyenda kusaliriza.

Zabbuli 74:23

Oteerabira kukaabuka kw'abo abakukyagha, n'okuboigoka okw'abazigu bo okutakoma.

Zabbuli 74:4

Abazigu baayasiikana mu kifo kyo ekitukuvu nga beesuuta olw'obughanguzi; era baasimbamu ebendera dhaibwe ng'obumanhiso obw'obughanguzi.

Zabbuli 83:2

Bona, abazigu bo bali kwegugunga; abo abakukyagha bali kudheema.

Isaia 30:28

Omuuka gw'agheera guli ng'oti n'omwiga ogubanze ni gutaayaaya, ng'amaadhi gaagwo gatuuka mu nkoto, olwo gaaja nga geeyaagho amaghanga bwe gagazikiriza, era gaalekeza amaghanga okutuukiriza entegeka dhaago embi.

Ezekieli 19:9

Baakighaluza n'amalobo baakisibira mu kaguli, era baakitwalira omwo eri kyabazinga wa Babilonia. Baakikuuma butiribiri, olwo abantu balobe kukiwulira kabiri nga kiwologomera ku nsozi dha Isiraeli.

Ezekieli 29:4

Olw'ekyo ndikutunga mu mba dho amalobo, era naaleetera ebyenhandha ebiba mu mwiga gwo okukweriipa ku bigalagamba byo. Memale naakughaluzaayo mu mwiga gwo, ghalala n'ebyenhandha byo byonabyona nga bikweriipye ku bigalagamba.

Ezekieli 35:13

Era naawulira ebibono byaimwe ebibi kamaala bye mwandhogeraku n'eminwa gyaimwe nga muli kuneekudumbalizaaku.”

Ezekieli 38:4

Ndikukyusa naakulingiriza ye ndi, naakutunga mu mba dho amalobo era naakukwekwebya, naakutoolayo n'eigye lyo lyonalyona omuli embalaasi, n'abaisirukale ab'oku mbalaasi, boonaboona nga bavaire eby'omu lutalo mu bwidhuvu, nga bali igye ikologho lyene. Era nga bagemye engabo enene n'entono, eno bwe bazunza empiima.

Amosi 4:2

Musengwa Katonda alayiire mu butukuvu bwe ati: “Ekiseera kiidha kutuuka abantu babatunge ku malobo, babaghaluudhanie ng'oti n'ebyenhandha bwebabighaluza mu maadhi mwenamwena muja kuba ng'oti n'ebyenhandha ebiri ku malobo.

Luka 6:11

Aye bale baidhula obusungu, era beekobaana ku kye babe bakole Yesu.

Yoanne 15:18

“Oba nga ensi ebakyagha, muteerabira nga ninze ensi ye yasooka okukyagha.

Ebikolwa by'Abatume 7:51

“Imwe ab'empwitu, ab'emyoyo emikalangufu era abaloba okuwulira ekibono kya Katonda! Buliidho mutakania Mwoyo Mutukuvu. Nga badhaadha baimwe bwe baali, mwena bwe muli.