2 Bakyabazinga 19:21 - Baibuli Ekibono kya Katonda 2014

²¹ Era bino Musengwa Katonda oyo by'akoba ku kyabazinga Sennakeribu oyo: “Ekibuga Sioni kikunhoomye, kyakusekerera iwe Sennakeribu; era ekibuga ekyo Yerusalemu kikukongoire.

2 Bakyabazinga 19:21 ပူးပေါင်းရင်းမြစ်များ

Yobu 16:4

Zeena nandisoboire okwogera nga bwe mwogeire, ngoli niimwe omuli mu mbeera nze ye ndimu. Nandiboogereire ebisongovu, nga bwe ntengeesa n'omutwe nga mbanhooma.

Zabbuli 109:25

Abazigu bange bansekerera, baatengeesa n'emitwe nga bandhogeraku.

Zabbuli 137:8

Imwe abantu ab'e Babiloni, mwidha kuzikirizibwa! Omuntu yeenayeena bw'alibasasula ekyo kyene kye mwatukola, aliba akoze kikalamu kyene.

Zabbuli 44:14

Otufiire ekibono eky'okudhondha mu bamaghanga agandi; baatukanta era baatwesiimooza.

Zabbuli 9:14

nsobole okwemerera mu maiso g'abantu ab'e Yerusalemu, mbakobere byonabyona ebindeetera okukusaaka. Ndidha kusagamba olw'okundokola.

Isaia 1:8

Ekibuga Sioni kisigaire agho kityo ng'oti n'ekibuga kye bazingiiza, kiri ng'oti n'entindi eyeewolookereire mu isamba ly'emizabbibu, era ng'oti n'ekigangu kye bakuumiramu enimiro y'amaliibwa.

Isaia 23:10

Imwe abatyamye b'e Tarushishi, mwidhule ensi ng'oti n'omwiga Kiyira bwe gwidhula ni gubanda n'okubanda. Buti tighakaaligho kibalobera, ensi yaimwe.

Isaia 23:12

Akobye ati: “Iwe ekibuga Sidoni, eisanhu lyo likomye, abantu bo bali kutuntuzibwa. Ni bwe banaalumukira e Kupuro, yoona tibalifunirayo miraala.”

Isaia 47:1

Musengwa Katonda akoba ati: “Iwe Babiloni, va ku kityamo eky'obwakyabazinga oike ghansi otyame mu nkungu. Ng'okaali kughangulwa waliku ng'oti n'omughala omwegha. Aye mpegaano tibakaakwegomba, kuba obulungi n'obunhirivu bye wali nabyo tibikaaligho.

Isaia 47:5

Musengwa Katonda oyo akoba Babiloni ati: “Tyama osirike, weewumbe mu nzikiiza, kuba tibaliirayo kabiri kukweta inhebantu wa maghanga.

Yeremia 14:17

Agho Musengwa Katonda yandagira okukobera abantu enaku yange nti: “Amaziga ka gakuuluule okunva mu maiso omusana n'obwire aghazira kulekera, kuba abantu bange bafumitiibwa ebibwa ebinene era baalumizibwa inho.

Yeremia 18:13

Musengwa Katonda akoba ati: “Mubuuze amaghanga goonagoona oba nga ekintu ng'oti n'ekyo kyali kibaireghooku. Abaisiraeli bakoze ekintu ekitiisa einho!

Yeremia 31:4

Ndiiramu kabiri okubazimba imwe abantu bange mube eighanga eiyaaka. Muliiramu kabiri okugema obugoma bwaimwe, mwabukuba nga musagamba.

Yeremia 46:11

Imwe abantu ab'omu Misiri, muje e Gileadi mufuneyooku ku bulezi obuwonia! Mukozeisa obulezi ebika n'ebika aye nga tibukola. Timukaasobola kuwonezebwa.

Okulira 1:15

Abalwani bange ab'amaani, Musengwa yabasuula ere ng'oti n'abatagasa. Yaataagho eigye okuunumba, okufafaagania abasaadha bange ab'amaani. Antyankiriire n'abantu bange ng'oti mizabbibu mu kikunhiro eky'omwenge ogw'emizabbibu.

Okulira 2:13

Abantu ab'e Yerusalemu, imwe be ngonza oti ki, nkobe ki? Mbageze ku ki? Mbafaananie ki imwe, ekinaabaleetera okusaasirwa? Okuzikirizibwa kwaimwe tikwakukoma oti n'amaadhi ag'enhandha agaidha ni gaabeeyaagho obweye; ghazira aghanga kwizaagho bintu byazikirizibwa.

Okulira 2:15

Abantu boonaboona ababita ku kibuga ekyo, bakiziimuula era baakisekerera. Beesiimooza, baatengeesa emitwe nga bavuma ekibuga ekyo Yerusalemu, nga beebuuza bati: “Kino bwene n'ekibuga kye baayetanga ekituukiriire mu bulungi era ekyeyagazanga abantu ab'ensi yoonayoona?”

Okulira 4:21

Imwe abantu ab'e Edomu n'imwe ababa mu Uzi museke inho era musagambe inho nga mukaali. Aye olwaimwe luli kwidha, lwe muligemesebwa ekikopo eky'obusungu bwa Musengwa Katonda. Mulikinhwa mwatamiira mwatoolera n'okubita amadu.

Amosi 5:2

“Isiraeli omughala omwegha agwire butasituka. Alekeibwa agho ku itaka nga yeegolomoire. Ghazira naire wa kumuyambaku okusitukagho!”

Mika 4:8

Era iwe Yerusalemu, ekibuga Katonda mw'aba n'alengera abantu be, ng'omwayi bw'ayemerera ku kituuti n'alengera entaama dhe, oliiramu waaba ekibuga ekikulu eky'obwakyabazinga nga bwe wabanga eira.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Matayo 27:39

Ababise baamuvuma bwe batengeesa emitwe gyaibwe,