2 Bakyabazinga 19:19 - Baibuli Ekibono kya Katonda 2014

¹⁹ Wo Musengwa Katonda waife, mpegaano ni tukweghemba otuwonie, otutoole mu ngalo edh'Abassiria. Olwo abantu abamaghanga agandi boonaboona baghange okumanha nga iwe, Musengwa Katonda, niiwe Katonda wenka.”

2 Bakyabazinga 19:19 ပူးပေါင်းရင်းမြစ်များ

1 Bakyabazinga 20:28

Agho omuntu wa Katonda yaaja yaakoba Ahabu kyabazinga wa Isiraeli ati: “Musengwa Katonda akoba ati, ‘Olw'okuba Abasiria baakoba bati nze Musengwa Katonda ndi musambwa gwa ku nsozi ogutali gwa mu biiko, ndidha kukuta mu ngalo olukunkumuli olwo lwonalwona olw'abalwani, memale mumanhe nga ninze Musengwa Katonda.’ ”

1 Bakyabazinga 8:42

kuba abantu baliwulira nga bw'oli omukologho era nga bw'okola eby'amaani ebitaloodheka, memale n'aidha okukusinza ng'alingiriire eisinzizo lino,

1 Bakyabazinga 8:43

wuliranga by'akusaba eyo y'oli mu kifo kyo mu igulu. Olwo abantu boonaboona mu nsi baghange okukumanha era n'okukutya ng'oti n'abantu bo Abaisiraeli bwe bakuwulira. Era bamanhe bati eisinzizo lino lye nzimbye, n'ekifo eky'okukusinzizangamu.

1 Bakyabazinga 8:60

Olwo abantu ab'omu maghanga goonagoona ku nsi basobole okumanha nga Musengwa Katonda oyo Katonda, era nga ni Katonda yenka, ghazira wundi naire.

2 Bakyabazinga 19:15

yaasaba Musengwa Katonda ng'akoba ati: “Wo Musengwa Katonda, Katonda wa Isiraeli, iwe atyama ku bitonde eby'amaghagha ebyetebwa bikerubi, niiwe Katonda wenka. Niiwe wenka afuga obwakyabazinga bwonabwona ku nsi. Era niiwe watonda eigulu n'ensi.

2 Bakyabazinga 5:15

Yairayo y'omuntu wa Katonda ghalala ni be yali nabo boonaboona, yaayemerera mu maiso ge, yaakoba ati: “Bona, mpegaano ntegeereire irala nga mu nsi muzira katonda wundi okutoolaku Katonda wa Isiraeli. Kale ganha nze omugheereza wo nkughe ekirabo kye nkuleeteire.”

1 Ebyomubyanda 16:8

Mwenamwena musiime Musengwa Katonda, musaake eriina lye, mumanhise amaghanga agandi ebyo bye yakola.

2 Ebyomubyanda 32:1

Ebyo Hezekia bye yakola n'obwesigwa nga bimaze okuwa, Sennakeribu kyabazinga w'e Assiria yaidha okulumba Buyudaaya. Yaasimba weema dhe kumpi n'ebibuga ebyezungulwirwa ebimante ebigumu, ng'asuubira okubighangula abigeme.

Zabbuli 83:18

Ka bamanhe nga iwe wenka niiwe Musengwa Katonda, era nga niiwe oyo Ali Ghaigulu Yeene asinga ebintu byonabyona eby'oku nsi.

Okuvaayo 7:17

Buti ni, Musengwa Katonda akoba ati, ‘Kino kye nja okukola kw'onaamanhira nga ninze Musengwa Katonda: nja kukuba ku ngulu ku maadhi ag'omwiga Kiyira n'omwigo guno gwe ndi nagwo mu ngalo, era amaadhi ago gaja kufuuka musaayi.

Yoshua 4:24

Olw'ekyo abantu boonaboona ku nsi baidhanga kumanha, nga Musengwa Katonda wa bukumu obutaloodheka, era mwena mwidha kutyanga Musengwa Katonda waimwe oyo ebyanda n'ebyanda.”

Yoshua 7:9

kuba Abakanaani n'abantu abandi boonaboona abali mu nsi eno baja kukiwulira, batuzingize batwite twenatwena. Olwo Musengwa Katonda olikola ki, eriina lyo eikologho okusigaza ekitiisa?”