2 Bakyabazinga 19:17 - Baibuli Ekibono kya Katonda 2014

¹⁷ Wo Musengwa Katonda, mu butuufu bakyabazinga ba Assiria bazikiriiza amaghanga kamaala, baaleka ensi edh'amaghanga ago nga dhifafaagaine.

2 Bakyabazinga 19:17 ပူးပေါင်းရင်းမြစ်များ

2 Bakyabazinga 16:9

Kyabazinga w'e Assiria yaikiriza, yaaja yaalumba ekibuga Damasiko yaakigema, yaita kyabazinga Rezini, era yaatwala abantu baayo e Kiri nga banhage.

2 Bakyabazinga 17:24

Agho kyabazinga w'e Assiria yaasengula abantu okubatoola mu bibuga, Babiloni, ni Kutha, ni Avva, ni Hamathi, ni Sefarivaimu. Yaabatwala okubasenza mu bibuga bya Samaria, mu kifo ky'Abaisiraeli. Abantu abo baatwala ensi Samaria yaaba yaibwe, baabanga mu bibuga byayo.

2 Bakyabazinga 17:6

Mu mwaka ogwomwenda nga kyabazinga Hoshea n'afuga Isiraeli, kyabazinga w'e Assiria yaagema ekibuga Samaria, era yaakukumba abantu ab'omu Isiraeli yaabatwala mu Assiria nga banhage. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedia.

2 Bakyabazinga 18:33

Ghalighooku omusambwa waire omulala guti ogw'abamaghanga agandi ogwali gusoboireku okuwonia ensi yaagwo ni gugitoola mu ngalo dha kyabazinga w'e Assiria?

2 Bakyabazinga 19:16

Wo Musengwa Katonda lingirira obone ebitutuuseeku, era otege kutu owulire ebibono Sennakeribu by'agheereiza okukuvuma, iwe Katonda omulamu.

2 Bakyabazinga 19:18

Baayokya emisambwa gy'amaghanga ago, mu butuufu egitaali Katonda, aye ebifaananie obufaananie abantu bye baakola n'emikono gyaibwe mu miti ni mu mabaale. Ekyo n'ekyaleetera emisambwa egyo okuzikirizibwa.

2 Bakyabazinga 19:37

Lwali lulala bweyali mu isabo ng'ali kusinza omusambwa gwe Nisiroki, batabane be Adurammeleki ni Sharezeri baamwita n'empiima, baamala baalumukira mu nsi y'e Ararati. Agho mutabane we owundi Esarahaddoni yaamusikira ku bwakyabazinga.

2 Bakyabazinga 9:8

Ab'endhu ya Ahabu boonaboona balizikirira. Era ndimaliragho irala mu Isiraeli buli ayetebwa musaadha asimuka mu Ahabu, k'abe omwiru oba ow'eidembe.

1 Ebyomubyanda 5:26

Agho Katonda wa Isiraeli yaasiikuula enzigu mu mwoyo gwa Puli kyabazinga w'e Assiria, eriina lye erindi nga ni Tigulathi Pileseri, yaaja yaatwala mu bunhage Abareubeni, n'Abagadi, n'ekitundu ku Bamanasse. Yaabatwala e Hala, n'e Habori, n'e Hara, ni ku mwiga Gozani, baabeera irala eyo ni ye buli eno.

Yobu 9:2

“Bwenebwene ndidhi ng'ebyo bityo bwe biri. Aye omuntu aghanga atya okuwoza ni Katonda, n'asinga?

Isaia 5:9

Mpuliire Musengwa Katonda Afuga Amagye ng'akoba ati: “Bwenebwene endhu kamaala dhirifuuka bifulukwa, endhu enkologho era edhiboneka obulungi dhirisigala ndhereere omuzira bantu.

Yeremia 26:15

Aye mukimanhe bukalamu nti bwe mundhita, imwe n'abantu b'omu kibuga kino munaaba mwereeseeku ekibi eky'okwita omuntu aziraku musango, kuba Musengwa Katonda mwene n'eyantuma okwidha okubalabula.”

Danieli 2:47

Kyabazinga yaakoba Danieli ati: “Bwenebwene Katonda waimwe n'asinga bakatonda boonaboona era ni Musengwa wa bakyabazinga boonaboona. Oyo n'ayoleka ebyama, kuba iwe osoboire okwinhonhola ekyama ekyo.”

Matayo 14:33

Era abaali mu lyato baamusinza nga bakoba bati: “Bwenebwene, oli Mwana wa Katonda!”

Luka 22:59

Bwe ghaabitagho entangama ya saawa nga ndala, kabiri ghaabaagho omuntu eyamwekalangulaku ati: “Bwenebwene omusaadha ono yeena yalinga n'ole kuba, n'okuba Mugalilaaya.”

Ebikolwa by'Abatume 4:27

Bwenebwene Herode, ni Pilato, n'abamaghanga agandi, n'abantu ba Isiraeli, mu kibuga kino mwe beesololeza okulwanisa Yesu Omwana wo omutukuvu ye wasiiga omuzigo.

1 Ab'e Korintho 14:25

Ebyo by'adhuuba mu mwoyo gwe eby'engiso byerulwa, yaakuba amakiryaivu, yaasinza Katonda ng'akoba ati: “Bwenebwene Katonda ali mu imwe.”