2 Bakyabazinga 18:8 - Baibuli Ekibono kya Katonda 2014

⁸ Yaaghangula Abafilisiti okutuukira irala e Gaza n'ebiketezo ebikyezungulwire, okuva ku kabuga akasembayo obutono okutuuka ku kibuga ekisingayo obunene.

2 Bakyabazinga 18:8 ပူးပေါင်းရင်းမြစ်များ

1 Bakyabazinga 5:4

Aye mpegaano Musengwa Katonda wange ampaire emiraala. Ku ndhuyi dhoonadhoona, ezira muzigu waire akabi koonakoona.

2 Bakyabazinga 17:9

era baakolanga mu ngiso ebintu ebitaalinga bituufu, Musengwa Katonda waibwe by'ataasiimanga. Beezimbiranga ebifo ebigulumivu eby'okusinzizaamu, mu bibuga byaibwe byonabyona, okuviira irala ku kisembayo obutono okutuukira irala ku kisingamu obunene.

1 Ebyomubyanda 4:41

Mu biseera kyabazinga Hezekia bye yafugiramu Buyudaaya, abo beene maina agoogeirwaku baalumba ekiketezo ekyo, baazikiriza weema dh'abatyamye baayo, baazikiriza n'Abameuni be baayagaanayo. Beene baasenga mu kifo kyaibwe ni ye buli eno, kuba ghaaligho eisubi ery'okwayiramu ebyayo byaibwe.

2 Ebyomubyanda 26:10

Era yaazimba ebituuti ebirengererwaku mu irungu, yaasima n'ensulo kamaala, kuba yali n'ebyayo kamaala mu biketezo eby'omu biiko n'eby'oku museetwe. Era yali n'abalimi abaalabiriranga emizabbibu mu nsozi, ni mu itaka eigimu, kuba yayendanga inho okulima.

2 Ebyomubyanda 28:18

Abafilisiti boona nga balumbye ebibuga eby'omu biketezo eby'omu biiko bya Buyudaaya. Baagema ebibuga bino era baabibaamu: Bethi Shemeshi, ni Aiyaloni, ni Gederothi, ni Soko ghalala n'ebyalo byakyo, ni Timuna ghalala n'ebyalo byakyo, ni Gimuzo ghalala n'ebyalo byakyo.

Isaia 14:29

“Imwe Abafilisiti mwenamwena, mulobe kusanhuka inho waire ng'omwigo ogwabakuba mwenamwena gumenheike; kuba aghabairenga omusota ogwabuliidho, ghaidha kwiragho kiyiri. Era mu igi ly'ekiyiri mulivaamu omusota oguguluka ng'oti nhonhi.

Isaia 5:2

Yaalitoodha bukalamu era yaalirondalondamu amabaale agaalimu, yaalisimbamu emizabbibu egisingamu bulungi. Yaalizimbamu ekituuti ekirengererwaku, yaalisimamu n'ekikunhiro ky'omwenge gw'emizabbibu. Yaasuubira ati eisamba eryo liidha kubaza emizabbibu emirungi, aye lyabaza bwa gikaagha ng'oti gya mu nsiko.

Amateeka Agokubiri 2:23

Ate ebiketezo ebiiririra okutuukira irala e Gaza, byabangamu Abavvi. Aye Abafilisiti abaava e Filisitia, baabazikiriza, beene baasenga mu kifo kyaibwe.

Yoshua 15:47

Era baagheebwayo ekiketezo ekindi nga kirimu ebibuga bino: Ashidodi ni Gaza, n'ebibuga ebitonotono ebibiriiraine, n'ebyalo byaku, okutuuka ku mwiga ogukola ensalosalo ni Misiri n'ebifo eby'oku Nhandha Eyaghagati.