2 Bakyabazinga 18:4 - Baibuli Ekibono kya Katonda 2014

⁴ Yaatoolagho ebifo ebigulumivu eby'okusinzizaamu, yaamenhagho empango, era yaatematema ebifaananie by'omusambwa omukazi Ashera. Era yaamenhamenha omusota ogw'ekyuma eky'ekikomo Musa gwe yakola n'agweta Nehushitani kuba n'okutuusa mu biseera ebyo, Abaisiraeli baali bakaaguniokeza obubbaani.

2 Bakyabazinga 18:4 ပူးပေါင်းရင်းမြစ်များ

1 Bakyabazinga 22:43

Yehoshafati oyo yali wa mpisa nkalamu era nga tadhivaaku, ng'oti n'ise bweyali. Yaakolanga ebirungi Musengwa Katonda by'asiima, aye ebifo ebigulumivu eby'okusinzizaamu tiyabitoolagho. Abantu baasigala nga bakaagheerayo eyo emisengo era nga bakaaniokeza eyo obubbaani mu bifo ebyo.

2 Bakyabazinga 10:26

baatoolamu empango ya Baali, baagyokya.

2 Bakyabazinga 11:18

Agho abantu boonaboona baaja baingira mu isabo lya Baali, baalimenhagho. Era baamenhamenha alutaari n'ebifaananie bye. Ni kabona we eyayetebwanga Mattani, baamwitira emberi w'alutaari. Yehoiada kabona yaataagho abakuumi okukuumanga eisinzizo lya Musengwa Katonda.

2 Bakyabazinga 12:3

Aye era ebifo ebigulumivu eby'okusinzizaamu tiyabitoolagho, kale abantu baasigala nga bakaagheera emisengo n'okuniokeza obubbaani mu bifo ebyo.

2 Bakyabazinga 14:4

Aye ebifo ebigulumivu eby'okusinzizaamu tibaabitoolagho. Abantu baasigala nga bakaagheera emisengo n'okuniokeza obubbaani mu bifo ebyo.

2 Bakyabazinga 15:35

Yaazimba omulyango ogw'eitale ogw'eisinzizo lya Musengwa Katonda. Aye ate ebifo ebigulumivu eby'okusinzizaamu tiyabitoolagho. Kale abantu baasigala nga bakaagheerayo emisengo n'okuniokeza obubbaani mu bifo ebyo.

2 Bakyabazinga 15:4

Aye ate ebifo ebigulumivu eby'okusinzizaamu tiyabitoolagho. Kale abantu baasigala nga bakaagheera emisengo n'okuniokeza obubbaani mu bifo ebyo.

2 Bakyabazinga 16:15

Agho kyabazinga Ahazi yaalagira Uria kabona ati: “Ku alutaari eno enkologho kw'onaayokeranga ebigheebwayo ebyokebwa eby'enkyo, n'ebigheebwayo eby'emere ey'empeke eby'eigulo, n'ebigheebwayo ebyokebwa era n'ebigheebwayo eby'emere ey'empeke ebya kyabazinga n'eby'abantu ab'omu ighanga lino, era n'ebigheebwayo eby'abantu eby'okunhwa. Era ku alutaari eyo kw'onaamansiranga omusaayi ogw'emisengo egigheebwayo egyokebwa. Aye alutaari ey'ekyuma eky'ekikomo enaabanga yange, ya kwebuulizangaku eri Musengwa Katonda.”

2 Bakyabazinga 18:22

Omukungu Omuassiria yaayongera okukoba ati: “Aye bwe munkoba muti, ‘Twesiga Musengwa Katonda waife,’ ndidha kubabuuza nti Musengwa Katonda oyo ti n'oyo Hezekia ye yatooleragho ebifo bye ebigulumivu eby'okusinzizangamu ni alutaari dhe, era Hezekia oyo n'akoba abantu ab'omu Buyudaaya ni mu Yerusalemu ati, ‘Mwidha kusinzizanga ku alutaari ey'omu Yerusalemu yonka?’

2 Bakyabazinga 21:3

Yaazimba buyaaka ebifo ebigulumivu eby'okusinzizaamu, lata we Hezekia bye yali azikiriiza. Yaataagho alutaari edh'okusinzizaaku omusambwa Baali, era yaakola ekifaananie eky'omusambwa omukazi Ashera, nga kyabazinga Ahabu owa Isiraeli bwe yakola. Yaasinzanga eby'oku igulu byonabyona era yaafuuka mugheereza waabyo.

2 Bakyabazinga 23:14

Kyabazinga Yosia yaamenhamenha empango, era yaatematema n'ebifaananie eby'omusambwa Ashera. Mu bifo byabyo yaidhuzaamu amagumba g'abafu.

2 Bakyabazinga 23:4

Agho kyabazinga Yosia yaayeta Hilikia Omukulu wa Bakabona, ni bakabona abamwiririra, n'abaigazi b'eisinzizo, yaabalagira okufulumya mu isinzizo ebintu byonabyona ebyakozesebwanga mu kusinza omusambwa Baali n'omusambwa omukazi Ashera, ni mu kusinza ebyakira ku igulu byonabyona. Kyabazinga yaabyokera kuliya wa Yerusalemu mu nsiko, mu kiiko Kiduroni, era eivu lyabyo baalitwala e Betheli.

2 Ebyomubyanda 19:3

Aye era iwe okaaliku ebirungi, kuba wasaaniagho mu nsi yo ebifaananie by'omusambwa omukazi Ashera, era waafuba okukolanga ebyo Katonda by'ayenda.”

2 Ebyomubyanda 31:1

Ebyo byonabyona nga biwoire, Abaisiraeli boonaboona abaaligho baaja mu bibuga bya Buyudaaya, baamenhamenha empango edh'amabaale, baasimulagho ebifaananie eby'omusambwa omukazi Ashera n'ebifo ebigulumivu eby'okusinzizaamu, ni alutaari. Baaja baakola batyo mu biketezo ebindi byonabyona ebya Yuda, n'ebya Benjamini, n'ebya Efuraimu, n'ebya Manasse, okutuusa lwe baabizikiriza byonabyona. Agho abantu boonaboona bairayo mu bibuga byaibwe, buli muntu mu kibandha kye.

2 Ebyomubyanda 33:3

Yaazimba buyaaka ebifo ebigulumivu eby'okusinzizaamu, lata we Hezekia bye yali azikiriiza. Yaateeragho omusambwa Baali alutaari edh'okugusinzizaaku, era yaakola ebifaananie eby'omusambwa omukazi Ashera. Yaasinzanga eby'oku igulu byonabyona era yaafuuka mugheereza waabyo.

Zabbuli 78:58

Basonsoonia Katonda baamusungughaza olw'ebifo byaibwe ebigulumivu bye baasinzizangamu era baamuleetera okuba n'enkikidi olw'ebifaananie ebibaadhe bye baasinzanga.

Okuvaayo 23:24

Otakubiranga misambwa gyaibwe makiryaivu, oba okugisinza, oba okukola ebyo beene bye bagikolera. Aye ogizikirizanga, era waamenhamenhanga empango dhaagyo edh'amabaale.

Okuvaayo 34:13

Mu kifo eky'okukola nabo endagaano, mumenhemenhegho alutaari dhaibwe, n'ebituuti byaibwe eby'amabaale, era n'ebifaananie bya Ashera, omusambwa gwaibwe omukazi.

Isaia 36:7

Omukungu Omuassiria yaayongera okukoba ati: “Aye bwe munkoba muti, ‘Twesiga Musengwa Katonda waife,’ ndidha kubabuuza nti, ‘Musengwa Katonda oyo ti n'oyo Hezekia ye yatooleragho ebifo bye ebigulumivu eby'okusinzizangamu ni alutaari dhe, era Hezekia oyo n'akoba abantu ab'omu Buyudaaya ni mu Yerusalemu ati okusinzizanga ku alutaari endala ey'omu Yerusalemu yonka?’

Abalevi 26:30

Ndidha kuzikiriza ebifo byaimwe ebigulumivu bye musinzizaamu emisambwa, era mmenheregho irala alutaari dhe muniokezaaku obubbaani olw'emisambwa egyo, n'emirambo gyaimwe ngisuule ku bifaananie eby'emisambwa egyo gye musinza. Mu busungu obungi

Amateeka Agokubiri 5:5

Mu biseera ebyo nze nayemerera ghagati waimwe ni Musengwa Katonda, okubakobera bye yali ali kubakoba. Kuba mwatya omuliro, mwaloba kuniina lusozi. Musengwa Katonda yaakoba ati:

Amateeka Agokubiri 7:5

Agho ni mubabisenga muti: mumenhemenhenga alutaari dhaibwe, mutemetemenga empango dha bakatonda baibwe edh'amabaale, mwasaageyasaagenga ebifaananie ebibaadhe eby'omusambwa gwaibwe omukazi Ashera, era mwokyenga n'omuliro ebintu byaibwe bye basinza ebitali Katonda.

Abalamuzi 6:25

Mu bwire obwo, malaika wa Musengwa Katonda yaakoba Gideoni ati: “Toola ente ya lata wo enume, n'ente eyindi enume ey'emyaka omusanvu, omenhemenhegho alutaari lata wo ye yazimbira Baali, era otemeteme n'empagi ya Ashera egiri ku mbali agho.

Abalamuzi 6:28

Abantu ab'omu kibuga bwe baazuuka enkyo ku nkyo, baaja okulinga bati nga babona alutaari ya Baali emenheibwagho, n'empagi ya Ashera egibaire ku mbali agho ng'etemeibwagho, nga n'ente enume eyokubiri eyokeirwa ku alutaari ezimbiibwagho.