2 Bakyabazinga 18:37 - Baibuli Ekibono kya Katonda 2014

³⁷ Agho Eliakimu mutabane wa Hilikia, nga n'eyalabiriranga ekisaagaati kya kyabazinga, ni Shebuna eyali omughandiisi w'omu kisaagaati kya kyabazinga, era ni Yoa mutabane wa Asafu, nga n'eyali omukuumi w'ebighandiiko, baaja eri Kyabazinga Hezekia nga bakanwirekanwire ebivaalo byaibwe olw'okunakughala. Baamukobera omukungu w'e Assiria bye yakoba.

2 Bakyabazinga 18:37 ပူးပေါင်းရင်းမြစ်များ

Amainhama 37:29

Reubeni bweyairayo ku kiina n'ayagaana nga Yosefu aziramu, yaakanulamu ebivaalo bye olw'okunakughala.

Amainhama 37:34

Yakobo yaakanulamu ebivaalo bye olw'okunakughala, yeesiba ekikaakaati, yaamala enaku kamaala ng'alira omwana we.

2 Samueli 8:16

Yoabu mutabane w'omukazi eyayetebwanga Zeruia, nga n'aduumira amagye. Yehoshafati mutabane wa Ahiludi yaakuuma ebighandiiko.

2 Bakyabazinga 18:18

Bwe baayetesa kyabazinga Hezekia, abakungu be bano baidha ye bali: Eliakimu mutabane wa Hilikia, nga n'eyalabiriranga ekisaagaati kya kyabazinga Shebuna eyali omughandiisi w'omu kisaagaati kya kyabazinga ni Yoa mutabane wa Asafu, nga n'eyali omukuumi w'ebighandiiko.

2 Bakyabazinga 18:26

Agho Eliakimu mutabane wa Hilikia, ni Shebuna, ni Yoa, baakoba omukungu oyo Omuassiria bati: “Tukweghembye, yogera n'ife mu lulimi Oluaramaika, kuba tulutegeera. Aye otayogera n'ife mu Luheburayi ng'abantu abali ku kimante bawulira.”

2 Bakyabazinga 18:36

Aye abantu baasirika busirike, baaloba kumwiramu kibono naire, kuba kyabazinga Hezekia yali abalagiire ati: “Mutamwiramu.”

2 Bakyabazinga 19:1

Kyabazinga Hezekia bwe yawulira ebibono ebyo, yaakanulamu ebivaalo bye era yaavaala ekutiya olw'okunakughala. Agho yaaja mu isinzizo.

2 Bakyabazinga 22:11

Agho kyabazinga bwe yawulira ebyasomwa mu kitabo ky'Amateeka, yaakanulamu ebivaalo bye olw'okunakughala.

2 Bakyabazinga 22:19

weeneniiza era weewombeeka mu maiso gange. Era okanwiremu ebivaalo byo olw'okunakughala era waalira amaziga, bw'owuliire ebyo bye nayogera ku kifo kino ni ku bantu abakibaamu, nga bwe balizikirira ni bafuuka ekibono abantu kye bakozesa okukolima. Kale ni mpuliire okusaba kwo.

2 Bakyabazinga 5:7

Kyabazinga wa Isiraeli bwe yasoma embaluwa eyo, yaakanulamu ebivaalo bye olw'okusoberwa. Yaakoba ati: “Obwo nze ndi Katonda, ali n'obuyinza okwita n'okugha obulamu? Omusaadha ono aghanga atya okunsindikira omuntu mmuwonie endwaire ye ey'ebigenge? Bwenebwene ali bwa kuneesonsaaku bwesonse afune bw'anaatoolereza okusoola ninze!”

2 Bakyabazinga 6:30

Kyabazinga bwe yawulira omukazi oyo bye yayogera, yaakanulamu ebivaalo bye olw'okunakughala. Abantu abaali agho gha kimante ky'ekibuga ghe yali ali kubita, baabona ng'avaire ekutiya ku mubiri gwe olw'okwebonereza.

2 Ebyomubyanda 32:1

Ebyo Hezekia bye yakola n'obwesigwa nga bimaze okuwa, Sennakeribu kyabazinga w'e Assiria yaidha okulumba Buyudaaya. Yaasimba weema dhe kumpi n'ebibuga ebyezungulwirwa ebimante ebigumu, ng'asuubira okubighangula abigeme.

Ezera 9:3

Bwe nawulira ekyo naakanulamu ebivaalo byange olw'okunakughala, neemaanhuula enviiri ku mutwe ni ku kirevu, era naatyama ghansi nga nsobeirwa inho mu nnaku.

Yobu 1:20

Agho Yobu yaasituka, yaakanulamu ekivaalo kye era yaamwa omutwe gwe olw'okunakughala, yaakutama n'ekyeni kyatuuka ku itaka, yaasinza Katonda.

Isaia 22:20

Musengwa Katonda yaakoba Shebuna ati: “Olunaku olwo bwe lulituuka, ndyeta omugheereza wange Eliakimu mutabane wa Hilikia,

Isaia 33:7

Bona, abalwani abaziramu ntete bali kulira bulire; abakwenda abaatumibwa okuleetagho emiraala bali kuwowoola buwowoole.

Yeremia 36:24

Aye k'abe kyabazinga mwene, oba abakungu be abaawulira ebyo nga bisomebwa, tighaaligho naire omulala ati eyatya oba eyakanulamu ebivaalo bye okwoleka nga bw'anakughaire.

Matayo 26:65

Agho Omukulu wa Bakabona yaakendebula ebivaalo bye, era yaakoba ati: “Avumye Katonda! Tukaayenderaki abadhulizi? Mumaze okuwulira bw'avuma Katonda!