2 Bakyabazinga 18:26 - Baibuli Ekibono kya Katonda 2014

²⁶ Agho Eliakimu mutabane wa Hilikia, ni Shebuna, ni Yoa, baakoba omukungu oyo Omuassiria bati: “Tukweghembye, yogera n'ife mu lulimi Oluaramaika, kuba tulutegeera. Aye otayogera n'ife mu Luheburayi ng'abantu abali ku kimante bawulira.”

2 Bakyabazinga 18:26 ပူးပေါင်းရင်းမြစ်များ

2 Bakyabazinga 18:18

Bwe baayetesa kyabazinga Hezekia, abakungu be bano baidha ye bali: Eliakimu mutabane wa Hilikia, nga n'eyalabiriranga ekisaagaati kya kyabazinga Shebuna eyali omughandiisi w'omu kisaagaati kya kyabazinga ni Yoa mutabane wa Asafu, nga n'eyali omukuumi w'ebighandiiko.

2 Bakyabazinga 18:25

Mulowooza muti nalumba ekifo kino okukizikiriza nga Musengwa Katonda tali ghalala ninze? Musengwa Katonda mwene n'eyankoba ati, ‘Lumba ensi eyo ogizikirize.’ ”

2 Bakyabazinga 18:27

Omukungu Omuassiria yairamu ati: “Mulowooza muti musengwa wange yantuma okukobera ebibono ebyo musengwa waimwe n'imwe mwenka? Busa, yantuma okubikobera n'abantu abo abatyaime ku kimante, abanaatuuka n'okulya obubi obwaibwe bwene n'okunhwa enkali eyaibwe yeene, ng'oti n'imwe bwe munaakola.”

2 Bakyabazinga 18:37

Agho Eliakimu mutabane wa Hilikia, nga n'eyalabiriranga ekisaagaati kya kyabazinga, ni Shebuna eyali omughandiisi w'omu kisaagaati kya kyabazinga, era ni Yoa mutabane wa Asafu, nga n'eyali omukuumi w'ebighandiiko, baaja eri Kyabazinga Hezekia nga bakanwirekanwire ebivaalo byaibwe olw'okunakughala. Baamukobera omukungu w'e Assiria bye yakoba.

Ezera 4:7

Kabiri mu kiseera Arutazerizesi mwe yabeera nga ni kyabazinga w'e Perusia, Bishilamu, ni Mithuredathi, ni Tabeeli, ghalala ni bakagwa baibwe abandi boonaboona, baamughandiikira embaluwa. Embaluwa eyo yakyusibwa okuva mu lulimi Oluaramaika.

Isaia 22:15

Musengwa Katonda Afuga Amagye, yankoba ati: “Ja eri Shebuna omughanika alabirira ekisaagaati kya kyabazinga, omukobe oti,

Danieli 2:4

Baamwiramu mu lulimi Oluaramaika bati: “Isebantu kyabazinga, ghangaala byanda na byanda. Ife abagheereza bo tuli kukusaba otukobere ekirooto ekyo, twidha kuvuunula amakulu gaakyo.”