2 Bakyabazinga 18:25 - Baibuli Ekibono kya Katonda 2014

²⁵ Mulowooza muti nalumba ekifo kino okukizikiriza nga Musengwa Katonda tali ghalala ninze? Musengwa Katonda mwene n'eyankoba ati, ‘Lumba ensi eyo ogizikirize.’ ”

2 Bakyabazinga 18:25 ပူးပေါင်းရင်းမြစ်များ

1 Bakyabazinga 13:18

Agho omulanzi omukaire ow'e Betheli yaamukoba ati: “Zeena ndi mulanzi ng'oti niiwe. Musengwa Katonda yalagiire malaika yankoba ati, ‘Ja omwize, aidhe n'iwe mu ndhu yo, alye ku mere era anhwe ni ku maadhi.’ ” Aye nga yali ali kumulimba.

2 Bakyabazinga 18:24

Oba nga timusobola naire kulwanisa muduumizi mulala ati ow'eidaala erisembayo mu baduumizi b'eigye lya musengwa wange, olwo musobola mutya okwesiga ensi Misiri olw'ebigaali byayo eby'omu lutalo n'olw'abavuzi baayo ab'embalaasi?

2 Bakyabazinga 18:26

Agho Eliakimu mutabane wa Hilikia, ni Shebuna, ni Yoa, baakoba omukungu oyo Omuassiria bati: “Tukweghembye, yogera n'ife mu lulimi Oluaramaika, kuba tulutegeera. Aye otayogera n'ife mu Luheburayi ng'abantu abali ku kimante bawulira.”

2 Bakyabazinga 19:6

Isaia yaabakoba okwirayo ye musengwa waibwe, bamukobe bati: “Musengwa Katonda akoba ati, ‘Otatya bibono by'owuliire, abakungu ba kyabazinga w'e Assiria bye boogeire nga banvuma.

2 Bakyabazinga 24:3

Bwenebwene Musengwa Katonda n'eyalagira kibe kityo, abantu b'omu Buyudaaya baghange okutoolebwa mu maiso ge, olw'ebibi byonabyona Manasse bye yakola,

2 Ebyomubyanda 35:21

Aye Neko yaamugheereza abakwenda ng'akoba ati: “Ku iwe kyabazinga wa Buyudaaya ni ku nze, naani ali n'ensonga ku mwine? Nze leero tiidhie kulwanisa iwe. Ndidhie kulwanisa bazigu bange, era Katonda andagiire okwangughaku. Katonda ali ghalala ninze, kale loba kumulwanisa, olwo aleke okukuzikiriza.”

Amosi 3:6

Eigwala eriraalika olutalo, lifuuyibwa mu kibuga abantu baaloba kutya? Akabi kagwa ku kibuga nga Musengwa Katonda ti n'akasindiike?