2 Bakyabazinga 18:19 - Baibuli Ekibono kya Katonda 2014

¹⁹ Omukungu Omuassiria yaabakoba ati: “Mukobe kyabazinga Hezekia muti, ‘Kyabazinga omukologho ow'e Assiria ali kukubuuza ati, kiki ekiri kukwesiguza?

2 Bakyabazinga 18:19 ပူးပေါင်းရင်းမြစ်များ

2 Bakyabazinga 18:17

Agho kyabazinga w'e Assiria ng'ali e Lakishi, yaasindika eigye eikologho nga likulirwa abakungu be basatu abakulira bakungu banaibwe boonaboona, lyaja okulumba Hezekia e Yerusalemu. Bwe baatuukayo, baayemerera gha mweta oguleeta amaadhi okuva mu nsulo y'eitale eri ku ngira eja mu kifo ekyetebwa Ekyolezo.

2 Bakyabazinga 18:22

Omukungu Omuassiria yaayongera okukoba ati: “Aye bwe munkoba muti, ‘Twesiga Musengwa Katonda waife,’ ndidha kubabuuza nti Musengwa Katonda oyo ti n'oyo Hezekia ye yatooleragho ebifo bye ebigulumivu eby'okusinzizangamu ni alutaari dhe, era Hezekia oyo n'akoba abantu ab'omu Buyudaaya ni mu Yerusalemu ati, ‘Mwidha kusinzizanga ku alutaari ey'omu Yerusalemu yonka?’

2 Bakyabazinga 18:5

Hezekia yeesiganga Musengwa Katonda, Katonda wa Isiraeli, ghaaloba kubaagho kyabazinga wa Buyudaaya yeenayeena amutuukaku, ku baamusookagho n'abaamwiririra.

2 Bakyabazinga 19:10

“Muje mukobe Hezekia kyabazinga wa Buyudaaya muti, ‘Katonda wo ye weesiga atakulimba ng'akoba ati Yerusalemu tikiidha kugheebwayo mu ngalo dha kyabazinga w'e Assiria.

Zabbuli 4:2

Bantu imwe, mulirekera li okusiiga eriina lyange enziro? Mulirekera li okugonza ebiziramu muganhulo, n'okujiira ku buguya?

Isaia 36:4

Omukungu oyo Omuassiria yaabakoba ati: “Mukobe kyabazinga Hezekia muti, ‘Kyabazinga omukologho ow'e Assiria ali kukubuuza ati, kiki ekiri kukwesiguza?

Isaia 36:6

Bona, oli kwesiga ensi Misiri eri ng'oti n'olugada olumenhefu, olufumita engalo dh'oyo alugema n'alwesigamaku. Atyo kyabazinga w'e Misiri bw'ali y'abo abamwesiga.’ ”

Isaia 36:7

Omukungu Omuassiria yaayongera okukoba ati: “Aye bwe munkoba muti, ‘Twesiga Musengwa Katonda waife,’ ndidha kubabuuza nti, ‘Musengwa Katonda oyo ti n'oyo Hezekia ye yatooleragho ebifo bye ebigulumivu eby'okusinzizangamu ni alutaari dhe, era Hezekia oyo n'akoba abantu ab'omu Buyudaaya ni mu Yerusalemu ati okusinzizanga ku alutaari endala ey'omu Yerusalemu yonka?’

Isaia 37:10

“Muje mukobe Hezekia kyabazinga wa Buyudaaya muti, ‘Katonda wo ye weesiga atakulimba ng'akoba ati Yerusalemu tikiidha kugheebwayo mu ngalo dha kyabazinga w'e Assiria.

Isaia 37:13

Bakyabazinga ab'ebibuga, Hamathi, ni Arupadi, ni Sefarivaimu, ni Hena, ni Ivva, buti bali gha?’ ”

Danieli 4:30

yaakoba ati: “Ha, bona Babiloni bwekiri ekikologho! Nakizimba n'obukumu bwange n'amaani gange, kibe ekibuga omuli ekisaagaati kyange eky'obwakyabazinga obw'ekitiisa.”