2 Bakyabazinga 18:16 - Baibuli Ekibono kya Katonda 2014

¹⁶ Mu kiseera ekyo, Hezekia yaakakampula ni zaabu eyali ku ndhigi dh'eisinzizo ni ku myango, kyabazinga mwene oyo Hezekia ye yali alimbiizaaku, yaamugha kyabazinga w'e Assiria.

2 Bakyabazinga 18:16 ပူးပေါင်းရင်းမြစ်များ

2 Bakyabazinga 12:18

Aye Yoashi kyabazinga wa Buyudaaya yaatoola ebintu byonabyona badhaadha be Yehoshafati ni Yehoramu ni Ahazia, abaaliku bakyabazinga ba Buyudaaya bye baaghaayo ye Musengwa Katonda, era n'ebyo mwene bye yali aghaireyo, ni zaabu yeenayeena eyali mu iterekero ly'eisinzizo ni mu ly'ekisaagaati kya kyabazinga, yaabigheereza Hazaeli kyabazinga wa Siria. Olwo Hazaeli yaava mu Yerusalemu, yaaja.

2 Bakyabazinga 12:19

Ebindi byonabyona Yoashi bye yakola byaghandiikibwa mu Kitabo eky'Ebyomubyanda bya Bakyabazinga ba Buyudaaya.

2 Bakyabazinga 18:15

Hezekia yaamugha feeza yeenayeena eyali mu isinzizo, ni mu iterekero ly'ekisaagaati kya kyabazinga.

2 Bakyabazinga 18:17

Agho kyabazinga w'e Assiria ng'ali e Lakishi, yaasindika eigye eikologho nga likulirwa abakungu be basatu abakulira bakungu banaibwe boonaboona, lyaja okulumba Hezekia e Yerusalemu. Bwe baatuukayo, baayemerera gha mweta oguleeta amaadhi okuva mu nsulo y'eitale eri ku ngira eja mu kifo ekyetebwa Ekyolezo.

2 Ebyomubyanda 29:3

Mu mwezi gwe yatooleramu okufuga mu mwaka gwe ogwasooka, yaigulagho endhigi dh'eisinzizo era yaalirongoosa.

Isaia 39:2

Hezekia yaabasangaalira, yaabalaga eby'obukombe bwe byonabyona ebyali mu iterekero: feeza, zaabu, obuwoowo, omuzigo ogw'omughendo, eby'okulwanisa, ni byonabyona ebyali mu materekero ge. Ghazira kintu waire ekirala kiti ekyali mu kisaagaati kye eky'obwakyabazinga oba mu bwakyabazinga bwe bwonabwona, ky'ataabalaga.