2 Bakyabazinga 18:12 - Baibuli Ekibono kya Katonda 2014

¹² Ekibuga Samaria baakighangula kuba Abaisiraeli baaloba okugondera Musengwa Katonda waibwe, baamenha endagaano ye yakola nabo, era baadheemera byonabyona Musa omugheereza we bye yalagira, baaloba kubiwulirisa oba okubigondera.

2 Bakyabazinga 18:12 ပူးပေါင်းရင်းမြစ်များ

1 Bakyabazinga 9:6

Aye iwe oba baidhukulu bo, bwe mulinvaaku ni mudheemera amateeka n'ebiragiro byange bye mbaghaire, ate ni mwira ku kugheereza n'okusinza bakatonda abandi,

2 Bakyabazinga 21:8

Era tiriirayo kutoola Baisiraeli mu nsi ye nagha badhaadha baibwe, ni mbaleetera kutambulatambula eyo batyo, kasita banaatangayo omwoyo okukola byonabyona bye nabalagira, n'okukuuma amateeka goonagoona n'ebiragiro omugheereza wange Musa bye yabagha.”

Nehemia 9:17

Baaloba kuwulira na kwidhukira ebyewuninkiriza bye wabakolamu. Baakalangusa bwa myoyo gyaibwe, baataagho omuntu abakulembere abaizeeyo mu bwiru e Misiri. Aye iwe oli Katonda asonigha, ekiseera kyonakyona. Oli wa kivunika, osaasira, era olwagho okusungughala. Era olw'okuba iwe obagonza inho obutalekera, tiwabalekulira agho.

Zabbuli 107:17

Abandi baali basirusiru olw'ebibi byaibwe, okwonoona kwaibwe okwo nga kubadaazadaaza.

Zabbuli 78:10

Tibaakuuma ndagaano yaibwe ni Katonda era baaloba okugondera amateeka ge.

Zabbuli 81:12

Kale n'okubaleka bajiire ku ebyo emyoyo gyaibwe emidheemu bye gibalagira, beebise nga beene bwebalowooza.

Isaia 1:19

Bwe munaabanga abagonvu era abawulize, mwidha kulyanga ku bibala ebirungi ebiva mu nsi yaimwe.

Yeremia 3:8

Baabona nga mminga Abaisiraeli abo naabagha n'embaluwa ebabinga, olw'obutaba beesigwa ng'oti n'omukazi malaaya. Aye ab'e Buyudaaya abo baganda b'Abaisiraeli, tibaatya naire. Boona baaja buje, baafuuka abatali beesigwa ng'oti n'omukazi malaaya,

Yeremia 7:23

Aye nabalagira kino nti, ‘Mumpulirenga, olwo nze ndidha kubanga Katonda waimwe, imwe mube bantu bange. Mujiirenga ku mateeka ge mbagha, olwo byonabyona biidha kubajiiranga bukalamu.’

Ezekieli 11:12

Olwo muliimanha nga ninze Musengwa Katonda, kuba timwajiira ku mateeka gange waire okukola ng'ebiragiro byange bwe bikoba. Aye mwajiira bwa ku mateeka ga nsi edhibaliiraine.”

Danieli 9:5

“Ife twakola ensobi, twayonoona, era twakola ebibi. Twadheema, era twakyuka twava ku mateeka go, ni ku by'otulagira.

Amosi 2:6

Musengwa Katonda akoba ati: “Abantu Abaisiraeli bakoze ebibi emikuzi kamaala. N'olw'ensonga eyo nteekwa buteekwe okubabonereza kuba batunda abantu abatuufu mu bwiru, olw'obutasobola kusasula mabandha agababandhibwa. Era baatunda abaavu, olw'obutasobola kusasula waire omughendo ogugula omuyimbo gw'engaito.

Mika 3:4

Aye ekiseera kiri kwidha, mulirire Musengwa Katonda, aye alobe kubafaaku. Mumusabe, aye alobe kubakolera kye muli kumusaba. Kuba ebikolwa byaimwe bibi.

Okubala 12:7

Aye ntyo ti bwe nkola ku mugheereza wange Musa. Namugha okulabirira abantu bange boonaboona.

Amateeka Agokubiri 11:28

Mwidha kukolimirwanga bwe mutaawulirenga biragiro bya Musengwa Katonda waimwe, ni mukyuka okuva ku bye ndi kubalagira olwaleero, aye ni mwira mu kusinza bakatonda be mutasinzangaku.

Amateeka Agokubiri 31:16

Musengwa Katonda yaakoba Musa ati: “Bona, oli kumpi kufa oje weeyimbe ku badhaadha bo. Aye ng'omaze okufa, abantu bano baidha kulekera agho okuba abeesigwa ye ndi. Baidha kumenha endagaano ye nakola nabo, banveeku, basinze emisambwa egy'omu nsi ye bali kuja okubangamu.

Amateeka Agokubiri 31:17

Olwo ndibasungughalira, naabalekulira agho era naabeegisaaku, baazikirizibwa. Ebizibu n'okudaazibwadaazibwa okungi biribaidhira. Olwo baategeera ng'ebyo byonabyona bibatuuseeku, lwa kuba nze Katonda waibwe tikaali ghalala nabo.

Amateeka Agokubiri 34:5

Agho Musa omugheereza wa Musengwa Katonda yaafiira eyo mu nsi Moabu, nga Musengwa Katonda bwe yakoba.

Amateeka Agokubiri 8:20

Bwe muliroba okuwulira Musengwa Katonda waimwe, mulizikirira ng'oti n'amaghanga ago Musengwa Katonda g'aja okuzikiriza nga muli kumpi okugatuukaku.

2 Ab'e Thessalonika 1:8

Aliidha n'omuliro ogwaka, yaaleetera abatatya Katonda n'abatagondera Mawulire Malungi aga Musengwa waife Yesu, okudaagadaaga.

2 Timotheo 2:24

Ate nga omugheereza wa Musengwa tateekwa kuba asoolasoola, ateekwa kuba wa kisa eri kiisi muntu, omwegeresa omutuufu, ateegania,

Yoshua 1:1

Musa omugheereza wa Musengwa Katonda bwe yafa, Musengwa Katonda yaayogera ni Yoshua, mutabane wa Nuni, eyali omuyambi wa Musa yaamukoba ati:

1 Petero 2:8

Era biti: “Lino n'eibaale abantu kwe beekontola ni bagangalima, olubaale lwe beeguunhaku ni bagwa.” Bagangalima kuba tibaikiriza kibono, kye kikoba era atyo Katonda bwe yabategekera.

1 Petero 4:17

Ekiseera eky'okusalirwa omusango kituuse era abantu ba Katonda beene n'abaja okusooka okusalirwa. Kale oba nga aja kusooka n'ife, memale leero kiriba kitya n'abo abaloba okuwulira Amawulire Amalungi agava ye Katonda?