2 Bakyabazinga 18:10 - Baibuli Ekibono kya Katonda 2014

¹⁰ Emyaka esatu bwe gyawaaku okuva lwe baakizingiza okukyezunguluza, baakighangula ogwo gwali nga n'omwaka ogwomukaaga nga kyabazinga Hezekia n'afuga Buyudaaya, ate gwaba omwaka ogwomwenda nga kyabazinga Hoshea n'afuga Isiraeli.

2 Bakyabazinga 18:10 ပူးပေါင်းရင်းမြစ်များ

2 Bakyabazinga 17:6

Mu mwaka ogwomwenda nga kyabazinga Hoshea n'afuga Isiraeli, kyabazinga w'e Assiria yaagema ekibuga Samaria, era yaakukumba abantu ab'omu Isiraeli yaabatwala mu Assiria nga banhage. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedia.

Isaia 10:9

Naghangula ekibuga Kalino ng'oti ni bwe naghangula ekibuga Karikemishi, naaghangula ni Hamathi ng'oti ni bwe naghangula Arupadi, era naaghangula ni Samaria ng'oti ni bwe naghangula Damasiko.

Hosea 13:16

Ab'e Samaria balivunaanibwa omusango olw'okundheemera nze Katonda waibwe. Abazigu balibaitira mu ntalo, era abazigu abo balikuba abaana baibwe abaghere ku itaka, baabasekembula okutuusa okufa. N'abakazi baibwe abali enda balibasala amabunda baagaawuza.”

Amosi 3:11

Kyova abazigu baliidha baazingiza ensi yaibwe, baamenhamenha ebimante byaibwe ebigumu era baanhaga eby'omu ndhu dhaibwe.”

Amosi 6:7

Olw'ensonga eyo niimwe abalikulemberamu ku abo abalitwalibwa mu bunhage. N'ebibinuko byaimwe eby'ekigayaavu birikoma.

Mika 6:16

Ebyo bija kuba bityo lwa kuba mwasalagho okugema empisa embi edha kyabazinga Omiri ni mutabane Ahabu n'ab'endhu y'Ahabu oyo. Era timulekerangaku kujiira ku ngeri dhaibwe, kale nja kubazikiriza era abantu boonaboona babalingengaku nga babeesiimooza era nga bwe babasekerera.”

Mika 7:13

Aye ensi eja kufuuka irungu olw'abo abagibaamu ng'ebyo n'ebibala bye bakungula mu bikolwa byaibwe ebibi.

Okubala 32:41

Yairi ow'omu kika kya Manasse, yeena yaabaaku n'ebyalo bye yalumba n'abinhaga era yaabyeta “Ebyalo bya Yairi”.