2 Bakyabazinga 17:7 - Baibuli Ekibono kya Katonda 2014

⁷ Ebyo byabaagho, kuba Abaisiraeli baakola ebibi eri Musengwa Katonda waibwe, eyabatoola mu nsi Misiri mu mikono gya kyabazinga waayo. Abaisiraeli abo baasinzanga emisambwa,

2 Bakyabazinga 17:7 ပူးပေါင်းရင်းမြစ်များ

1 Bakyabazinga 11:4

era ghe yakairikira baali nga bamuleeteire okusinza emisambwa, yaaloba kugumira ku Musengwa Katonda we, nga lata we Daudi bwe yamugumiraku.

1 Bakyabazinga 15:3

Abiyamu oyo yaakola ebibi nga lata we bwe yakola. Yaaloba kugumira ku Musengwa Katonda we, nga dhaadha we Daudi bwe yamugumiraku.

2 Bakyabazinga 16:2

Yali agheza emyaka amakumi abiri egy'obukulu, era yaafuga okumala entangama ya myaka ikumi na mukaaga mu Yerusalemu. Tiyajiiranga ku mpisa nungi edha dhaadha we Daudi, eyakolanga ebituufu Musengwa Katonda we by'asiima.

2 Bakyabazinga 17:35

Musengwa Katonda yakola nabo endagaano, yaabalagira ati: “Mutasinzanga bakatonda bandi era mutabikubiranga makiryaivu, waire okughangayo emisengo ye bali.

1 Ebyomubyanda 5:25

Aye abantu abo baamala baaloba kuba beesigwa eri Katonda wa badhaadha baibwe. Baamuvaaku, baasinzanga emisambwa gy'abantu Katonda be yabinga mu nsi eyo nga beene Abaisiraeli bali kumpi okutuukayo.

2 Ebyomubyanda 36:5

Yehoiakimu yali agheza emyaka amakumi abiri n'etaanu egy'obukulu ghe yafuukira kyabazinga wa Buyudaaya. Era yaafugira entangama ya myaka ikumi na mulala mu Yerusalemu. Yaakolanga ebibi ebitaasiimya Musengwa Katonda we.

Nehemia 9:26

Aye abantu bo abo baakudheemera, baalobanga kukuwulira, baava ku Mateeka go. Baita abalanzi bo abaabalabulanga okubakyusa baire y'oli. Baakola ebintu kamaala ebikuvumagania.

Zabbuli 78:12

Katonda yakola ebyewuunhio nga badhaadha baibwe babona bati bye yakolera eyo mu biketezo eby'e Zoani mu nsi Misiri.

Okuvaayo 20:2

ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Isaia 57:5

Mweguguna okukola obwamalaaya obw'omu masabo, nga musinza emisambwa ghansi mu binsense eby'emiti emikologho emizibirivu. Era mwitira abaana baimwe mu biiko ebirimu entanda edheeyatisa mu mbaale.

Yeremia 10:5

Ebifaananie byaibwe ebyo biri ng'oti ni bire bye bata mu nimiro okutiisa enhonhi. Tibisobola kwogera. Era tibisobola kutambula, babibbeeda bubbeede. Mutabityanga naire, kuba ghazira kabi ke bisobola kubakola, waire okuba n'akalungi ke bisobola okubakolera.”

Ezekieli 39:24

Nababisa nga bwe baali bagwaniire, naabalekulira agho, olw'obutaba balongoofu n'olw'ebibi byaibwe.”

Hosea 12:14

Abaisiraeli baasonsoonia Musengwa Katonda, baamuleetera okubasungughalira einho. Kale Musengwa Katonda talibasonigha olw'emisango gy'obutemo gye baiza. Alibabonereza olw'okumuleetera okuvumirirwa.

Hosea 4:12

Beebuuza ku bintu ebyakolebwa mu muti obuti. Omwigo obwigo n'ogubakobera bye benda okumanha. Bali ng'oti mukazi mwenzi: banvaaku nze Katonda waibwe, baadaaliima, baaja baasinza bakatonda abandi.

Hosea 4:13

Baghaayo emisengo ku ngulu okw'ensozi enene, baaghaayo ebigheebwayo ku busozi obutono, ni ghansi gh'emiti emikologho emizibirivu, kuba ebinsense byagyo birungi. Baghala baibwe kyebava ni bakola obwamalaaya, ni bakazi baibwe ni bakola obwenzi.

Amateeka Agokubiri 31:29

Kuba ndidhi nti bwe ndimala okufa balifuukira irala ababi, baaloba kukola bye mbalagiire. Era ye bwidha, ebizibu biribaidhira, olw'okuleetera Musengwa Katonda okusungughala nga bakola by'atayenda.”

Yoshua 23:16

Kasita muloba okukuuma endagaano Musengwa Katonda waimwe ye yabalagira okukuuma, ni mugheereza era ni musinza bakatonda abandi, aja kubasungughalira era ababonereze okutuusa lwe mulizikirira ni muwa ku nsi eno enungi ye yabagha.”

Abalamuzi 6:10

Agho naakoba imwe nti, Ninze Musengwa Katonda waimwe, mutasinzanga misambwa gya Bamori beene nsi ye mulimu.’ Aye imwe mwaloba kuwulirisa kye nkoba.”