2 Bakyabazinga 17:6 - Baibuli Ekibono kya Katonda 2014

⁶ Mu mwaka ogwomwenda nga kyabazinga Hoshea n'afuga Isiraeli, kyabazinga w'e Assiria yaagema ekibuga Samaria, era yaakukumba abantu ab'omu Isiraeli yaabatwala mu Assiria nga banhage. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedia.

2 Bakyabazinga 17:6 ပူးပေါင်းရင်းမြစ်များ

Amainhama 10:2

Abaana ba Yafethi ni bano: Gomeri, Magogi, Madai, Yavani, Tubali, Mesheki ni Tirasi.

1 Bakyabazinga 8:46

“Abantu bo bwe banaakolanga ebibi y'oli, nga bwekiri nti ghazira muntu atakola kibi, memale n'obasungughalira era n'oleka abazigu baibwe ni babaghangula era ni babatwala nga banhage mu nsi ey'abazigu k'ebe ey'okumpi oba ey'eghala,

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

2 Bakyabazinga 17:23

okutuusa Musengwa Katonda lwe yababinga mu maiso ge, nga bwe yabalabula ng'abita mu bagheereza be abalanzi boonaboona. Agho ab'omu Isiraeli baabatoola mu nsi yaibwe, baabatwala mu Assiria ye bakaali ni ye buli eno.

2 Bakyabazinga 18:34

Emisambwa egy'e Hamathi n'egy'e Arupadi, buti giri gha? Ate emisambwa egy'e Sefarivaimu, n'egy'e Hena, n'egy'e Ivva, buti giri gha? Gyali giwoniizaaku ekibuga Samaria, kyanva mu ngalo?

2 Bakyabazinga 19:12

Badhaadha bange baazikiriza ebibuga, Gozani, ni Harani, ni Rezefu, era baazikiriza Abaedeni abaali mu Telassari. Aye ghaalighooku omusambwa waire omulala ogwasobola okubawonia?

2 Bakyabazinga 21:13

Ndibonereza Yerusalemu ng'oti bwe nabonereza Samaria, era ng'oti bwe nabonereza kyabazinga Ahabu owa Isiraeli n'ab'endhu ye. Ndisaaniagho abantu mu Yerusalemu, ng'oti n'omuntu bw'asiimuula esowaani n'agikaza, ate n'amala n'agifundika.

1 Ebyomubyanda 5:22

Era baita mu bazigu abo abantu kamaala, kuba Katonda n'eyalwana olutalo olwo. Baaba mu biketezo ebyo nga babyefuze, okutuusa lwe baatwalibwa mu bunhage.

1 Ebyomubyanda 5:26

Agho Katonda wa Isiraeli yaasiikuula enzigu mu mwoyo gwa Puli kyabazinga w'e Assiria, eriina lye erindi nga ni Tigulathi Pileseri, yaaja yaatwala mu bunhage Abareubeni, n'Abagadi, n'ekitundu ku Bamanasse. Yaabatwala e Hala, n'e Habori, n'e Hara, ni ku mwiga Gozani, baabeera irala eyo ni ye buli eno.

Ezera 6:2

Baayagaana mu kibuga Ekubatana ekyali mu kiketezo eky'e Media, enzingo y'ekitabo eyalimu ekighandiiko ekikoba kiti:

Nehemia 9:32

Wo Katonda waife omukologho, oli w'amaani era wa ntiisa. Iwe okuuma endagaano era waagonza abantu obutakoma. Agho ni, ebizibu byonabyona ebyatwidhira, ife ni bakyabazinga baife, n'abakungu baife, ni bakabona baife, n'abalanzi baife, ni badhaadha baife, n'abantu bo boonaboona, okuviira irala ku byanda bya bakyabazinga ba Assiria, okutuusa ni ye buli eno, otabitwala ng'ekintu ekitono.

Isaia 10:9

Naghangula ekibuga Kalino ng'oti ni bwe naghangula ekibuga Karikemishi, naaghangula ni Hamathi ng'oti ni bwe naghangula Arupadi, era naaghangula ni Samaria ng'oti ni bwe naghangula Damasiko.

Isaia 13:17

Musengwa Katonda akoba ati: “Bona, nja kubaghendulira Abamedi abatafa ku feeza waire okusendebwasendebwa ni zaabu, baidhe babalumbe babalwanise.

Isaia 17:4

Musengwa Katonda era akoba ati: Olunaku olwo bwe lulituuka, ebitiibwa by'ensi Isiraeli birikendeera, era mu kifo ky'okukombaghala, eryavughala bwavughale.

Isaia 21:2

Mbonekeirwa akabi akaja okugwagho; mboine anhagulula ng'ali kunhagulula, naabona azikiriza ng'ali kuzikiriza. Iwe eigye ly'omu Elamu, ja olumbe, n'iwe eigye ly'e Media, ja ozingize omuzigu. Katonda aidha kumalagho okudaazibwadaazibwa kwonakwona Babiloni kw'aleeta.

Isaia 36:17

okutuusa lwe ndiidha ni mbatwala mu nsi eri ng'oti n'eyaimwe yeene, ensi erimu engaano ey'okufumbamu emigaati, n'amasamba ag'emizabbibu ag'okutoolangamu omwenge ogw'emizabbibu.’

Isaia 36:19

Emisambwa egy'e Hamathi n'egy'e Arupadi, buti giri gha? Ate emisambwa egy'e Sefarivaimu, buti giri gha? Gyali giwoniizaaku ekibuga Samaria, kyanva mu ngalo?

Isaia 37:18

Wo Musengwa Katonda, mu butuufu bakyabazinga ba Assiria bazikiriiza amaghanga kamaala, baaleka ensi edh'amaghanga ago nga dhifafaagaine.

Isaia 8:4

kuba omwana oyo aliba akaali na kwega kweta ati ‘Baaba’ oba ati ‘Maama’, ng'obukombe bw'e Damasiko n'ebintu byonabyona Samaria bye yanhaga, byamala ira okutwalibwa kyabazinga w'e Assiria.”

Yeremia 50:17

Musengwa Katonda akoba ati: “Abaisiraeli bali ng'oti ntaama edhirumuka ni dhisansaana ng'empologoma dhiri kudhibinga. Kyabazinga ow'e Assiria n'eyasooka okubalumba, memale kabiri kyabazinga Nebukadinezzari ow'e Babilonia yaababegeta amagumba.

Danieli 5:28

‘OKUGABANIA,’ obwakyabazinga bwo abugabainiamu ghabiri, yaabugha Abamedi n'Abaperusi.”

Hosea 1:4

Musengwa Katonda yaakoba Hosea ati: “Mutuume eriina ‘Yezireeli,’ kuba esigaireyo ekiseera kitono mbonereze kyabazinga wa Isiraeli olw'obutemo dhaadha we Yehu bwe yakolera e Yezireeli. Nja kulekeza ab'oku nda ya Yehu okufuga obwakyabazinga bwa Isiraeli.

Hosea 1:6

Gomeri yaatoola enda kabiri, yaazaala omwana mughala. Musengwa Katonda yaakoba Hosea ati: “Mutuume eriina ‘Tasaasirwa,’ kuba nze tikaasaasira Baisiraeli, waire okubasonigha.

Hosea 1:9

Musengwa Katonda yaakoba Hosea ati: “Mutuume eriina ‘Tiibantubange,’ kuba imwe timukaali bantu bange, era zeena tikaali Katonda waimwe.”

Hosea 13:16

Ab'e Samaria balivunaanibwa omusango olw'okundheemera nze Katonda waibwe. Abazigu balibaitira mu ntalo, era abazigu abo balikuba abaana baibwe abaghere ku itaka, baabasekembula okutuusa okufa. N'abakazi baibwe abali enda balibasala amabunda baagaawuza.”

Hosea 8:8

Abaisiraeli boona bafuuse ng'oti n'abamaghanga agandi, era tibakaali na mugaso ng'oti n'entamu emenheike.

Hosea 9:3

Imwe Abaisiraeli, timulisigala mu nsi yange nze Musengwa Katonda. Aye muliirayo kabiri mu nsi Misiri, mwaja ni mu nsi Assiria, ye muliriiranga emere etali nongoofu.

Abalevi 26:38

Banaafiiranga mu maghanga, baamiribwa ensi y'abazigu baibwe.

Amosi 5:27

ku lunaku lwe ndibaghaayo okutwalibwa mu bunhage mu nsi eri eyo ng'omaze okubisa Damasiko.” Atyo Musengwa Katonda bw'akoba, ayetebwa eriina, “Katonda Afuga Amagye.”

Amosi 7:17

Musengwa Katonda ali kukukoba iwe Amazia ati, ‘Mukazi wo aidha kuba malaaya mu kibuga, ate batabane bo ni baghala bo babaitire mu lutalo. Eitaka lyo baidha kulipima n'omugugha baligabane, n'iwe mwene baidha kukutwala mu nsi etali nongoofu y'olifiira. Era Abaisiraeli bateekwa okutwalibwa mu bunhage bave mu nsi yaibwe.’ ”

Amateeka Agokubiri 28:36

“Musengwa Katonda aidha kubatwalanga mu ighanga erindi imwe ni badhaadha baimwe lye mutabangamuuku. Aidha kubatwalanga ghalala ni kyabazinga ye munaabanga nga mutairegho okubafuga. Mu ighanga eryo ye mulisinziza bakatonda abaabaadhibwa mu miti ni mu mabaale.

Amateeka Agokubiri 28:64

“Musengwa Katonda aidha kubasansaanizanga eyo mu maghanga goonagoona, okuva ensi y'eva okutuuka y'ekanga. Eyo ye mwidha okusinzizanga bakatonda abaabaadhibwa mu miti ni mu mabaale, imwe ni badhaadha baimwe be mutasinzangaku.

Amateeka Agokubiri 30:18

mbalabula olwaleero nti timuliroba kuzikirira. Timulighangaalira mu nsi ye muli kuja okutwala nga musomoike omwiga Yorudani.