2 Bakyabazinga 17:34 - Baibuli Ekibono kya Katonda 2014

³⁴ Ni ye buli eno bakaakola nga bwe baakolanga eira. Tibatya Musengwa Katonda, era tibagema mateeka ge waire okugondera ebiragiro bye, bye yagha ab'eizaire lya Yakobo ye yatuuma eriina Isiraeli.

2 Bakyabazinga 17:34 ပူးပေါင်းရင်းမြစ်များ

Amainhama 32:28

Omusaadha yaakoba ati: “Tokaayetebwanga Yakobo, aye onaayetebwanga Isiraeli, kuba otuulaine ni Katonda era n'abantu, waaghangula.”

Amainhama 32:29

Yakobo yaakoba ati: “Nkweghembye, nkobera eriina lyo.” Aye ole yairamu ati: “Lwaki oyenda okumanha eriina lyange?” Agho yaagha Yakobo enkabi agho mu kifo ekyo.

Amainhama 33:20

Yaazimbagho alutaari, yaagituuma eriina Eli Elohe Isiraeli.

Amainhama 35:10

Yaamukoba ati: “Eriina lyo niiwe Yakobo aye, okuva ni mpegaano tokaayetebwa Yakobo. Oidha kwetebwanga Isiraeli.”

1 Bakyabazinga 11:31

Yaakoba Yeroboamu ati: “Twalaku ebitundu ikumi ku ebyo, kuba Musengwa Katonda, Katonda wa Isiraeli akoba ati, ‘Ndidha kutoola obwakyabazinga ku Solomoni nkugheeku ebika ikumi.

1 Bakyabazinga 18:11

Mpegaano iwe oli kunkoba nje nkobere musengwa wange nti oli ghano.

1 Bakyabazinga 18:31

Yaatoola amabaale ikumi n'abiri, ng'ajiira ku bungi obw'ebika eby'abantu ebisimuka mu Yakobo. Yakobo oyo, Musengwa Katonda ye yakoba ati: “Oidha kwetebwanga Isiraeli.”

2 Bakyabazinga 17:25

Bwe baali nga baakatoolera okubaayo, tibaasinzanga Musengwa Katonda. N'olw'ekyo Musengwa Katonda oyo kyeyava n'abasindikira empologoma ni dhibaitamu abandi.

2 Bakyabazinga 17:33

Kale ni baasinzanga Musengwa Katonda, aye nga era basinza n'emisambwa gyaibwe, nga bajiira ku mpisa dh'ensi ye baava.

2 Bakyabazinga 17:40

Aye abantu abo baaloba okuwulira, baasigala nga bakaajiira ku mpisa dhaibwe edh'eira.

Zabbuli 55:20

Munange bwe twabitanga yatanula olutalo ku bakagwa be, yaamenhagho omukago gwe nabo.

Ensambo 14:2

Omuntu omwesimbu atya Musengwa Katonda, aye ateesigika amunhooma.

Isaia 48:1

Imwe ab'endhu ya Yakobo muwulire kino: Mwetebwa Baisiraeli abasimuka mu Yuda. Mulayira mu liina lya Musengwa Katonda, era mwayatula nga Katonda wa Isiraeli oyo, ni Katonda waimwe, aye nga bya ku munwa bunwa, ebiziramu mazima waire obwesimbu.