2 Bakyabazinga 17:33 - Baibuli Ekibono kya Katonda 2014

³³ Kale ni baasinzanga Musengwa Katonda, aye nga era basinza n'emisambwa gyaibwe, nga bajiira ku mpisa dh'ensi ye baava.

2 Bakyabazinga 17:33 ပူးပေါင်းရင်းမြစ်များ

1 Bakyabazinga 18:21

Agho Eliya yaaja eri abantu abo boonaboona, yaabakoba ati: “Mulituusa li okuyuugira eno n'ere nga timusalagho? Oba nga Musengwa Katonda ni Katonda, oyo ye mube musinze. Aye oba nga Baali ni Katonda, kale musinze oyo.” Aye abantu baaloba kumwiramu kibono waire ekirala.

2 Bakyabazinga 17:32

Abantu abo baasinzanga ni Musengwa Katonda, era beerondangamu bakabona abaabagheerangayo emisengo mu masabo ag'omu bifo ebigulumivu bye baasinzizangamu.

2 Bakyabazinga 17:34

Ni ye buli eno bakaakola nga bwe baakolanga eira. Tibatya Musengwa Katonda, era tibagema mateeka ge waire okugondera ebiragiro bye, bye yagha ab'eizaire lya Yakobo ye yatuuma eriina Isiraeli.

2 Bakyabazinga 17:41

Kale abantu ab'amaghanga ago baasinzanga Musengwa Katonda, aye nga era basinza n'ebifaananie ebibaadhe eby'emisambwa gyaibwe. N'abaana baibwe boona baakolanga batyo, era n'abaidhukulu baibwe batyo bwe bakaakola ni ye buli eno.

Hosea 10:2

Bali n'emyoyo emiguyaguya. Kale ni buti bali n'okubonerezebwa olw'ebibi byaibwe. Musengwa Katonda alimenhagho alutaari dhaibwe, era yaazikiriza empango edh'amabaale dhe basinza.

Zefania 1:5

Nja kuzikiriza abo abaaniina ghaigulu ku ndhu okusinza ebintu eby'oku igulu, n'abo boonaboona abansinza nze Musengwa Katonda, kabiri ni bamala balayira omusambwa Moleki.

Matayo 6:24

“Ghazira asobola kugheereza basengwa babiri kuba, oba alikyagha mulala yaayenda owundi, oba aligumira ku mulala yaasambaadha owundi. Timusobola kugheereza Katonda ate na bya bufuni.

Luka 16:13

“Ezira mugheereza aja kuba ni basengwa be babiri kuba akyaghaku mulala yaayenda owundi, oba yeekubira ku mulala yaanhooma owundi. Timusobola kugheereza byombi: Katonda na bukombe bwa nsi.”