2 Bakyabazinga 17:3 - Baibuli Ekibono kya Katonda 2014

³ Agho kyabazinga Shalumaneseri ow'e Assiria, yaalumba Hoshea yaamughangula mu lutalo, Era Hoshea oyo yaaghanga Shalumaneseri omusolo.

2 Bakyabazinga 17:3 ပူးပေါင်းရင်းမြစ်များ

2 Samueli 8:2

Bwe yamala yaaghangula Abamoabu. Yaabalambaaza ghansi mu nhiriri isatu. Olwo yaitaku enhiriri eibiri, yaalekagho lulala. Agho Abamoabu baafuuka bagheereza ba Daudi, era nga bamughanga omusolo.

2 Samueli 8:6

Agho Daudi yaata enkambi edh'abalwani mu Aramu eky'e Damasiko, Abasiria baafuuka bagheereza be nga bamugha omusolo. Musengwa Katonda yaaghanga Daudi obughanguzi buli ye yajanga.

2 Bakyabazinga 15:19

Agho Puli kyabazinga w'e Siria, yaalumba Isiraeli. Menahemu yaagha Puli oyo kilo emitwalo amakumi asatu n'ena (340,000) edha feeza, olwo Puli oyo aghange okuyamba Menahemu okukakata ku bwakyabazinga.

2 Bakyabazinga 15:20

Empiiya edho dhe yagha kyabazinga w'e Siria, Menahemu yadhisoloza ku basaadha boonaboona abakombe ab'omu Isiraeli. Kiisi musaadha yaghaayo ebitundu amakumi ataanu ebya feeza. Agho Puli kyabazinga w'e Siria yaakyuka yairayo, yaaloba kusigala mu nsi eyo Isiraeli.

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

2 Bakyabazinga 17:2

Yaakolanga ebibi eri Musengwa Katonda, aye ate yaaloba kwagayaga na bakyabazinga abaamusooka okufuga Isiraeli.

2 Bakyabazinga 17:4

Aye kyabazinga oyo ow'e Assiria yaagwa mu lukwe lwa Hoshea olw'okudheema, nga Hoshea oyo agheereiza abakwenda okusaba kyabazinga So owa Misiri amuyambe, era nga Hoshea oyo alekeire n'okugha kyabazinga w'e Assiria omusolo nga bwe yakolanga buli mwaka. Agho kyabazinga w'e Assiria yaagema Hoshea oyo, yaamusiba mu ikomera.

2 Bakyabazinga 18:31

Mutawulirisa Hezekia, kuba kyabazinga w'e Assiria akoba ati, ‘Muveeyo bya bulungi mwegheeyo ye ndi. Olwo kiisi muntu aidha kulyanga ku bibala by'emizabbibu egigye ku bubwe, n'eby'emiti emitiini egigye ku bubwe, era anhwenga amaadhi ag'omu nsulo eyiye ku bubwe,

2 Bakyabazinga 18:7

Musengwa Katonda yaabanga ghalala naye, era ebintu byonabyona bye yakolanga byamujiira bukalamu. Yaadheemera kyabazinga w'e Assiria, yaaloba kumugheereza.

Nehemia 9:32

Wo Katonda waife omukologho, oli w'amaani era wa ntiisa. Iwe okuuma endagaano era waagonza abantu obutakoma. Agho ni, ebizibu byonabyona ebyatwidhira, ife ni bakyabazinga baife, n'abakungu baife, ni bakabona baife, n'abalanzi baife, ni badhaadha baife, n'abantu bo boonaboona, okuviira irala ku byanda bya bakyabazinga ba Assiria, okutuusa ni ye buli eno, otabitwala ng'ekintu ekitono.

Isaia 17:4

Musengwa Katonda era akoba ati: Olunaku olwo bwe lulituuka, ebitiibwa by'ensi Isiraeli birikendeera, era mu kifo ky'okukombaghala, eryavughala bwavughale.

Isaia 8:8

Galyeyongera okukuuluulira mu Buyudaaya, gaidhulamu mwonamwona okutuuka ni mu nkoto, gaidhuza n'ensi yoonayoona y'ekoma.” Katonda aba ghalala n'ife.

Ezekieli 23:5

“Waire Ohola yali mukazi wange, aye era yakolanga obwamalaaya, yeefulugutanga n'abagonzi be Abassiria.

Hosea 10:14

Kale ni olutalo luliidhira abantu baimwe, n'ebifo byaimwe eby'okwewogomamu byazikirizibwa. Kiriba ng'oti bwe kyali mu lutalo kyabazinga Shalumani mwe yazikiririza ekibuga Betharubeli, ni bakuba ghansi abakazi ghalala n'abaana baibwe, ni babamanhiangula okutuusa okufa.

Hosea 10:4

Boogera bibono bubono aye nga biziramu makulu naire. Balayira ebiziramu era baakola endagaano edhitagasa. Kale ni ensala y'omusango ebeefuukiire, yaaba ng'oti n'eisubi ery'obutwa erimeze mu bigufulugufulu eby'enimiro ye balimiisa embago y'ente.

Hosea 8:10

Aye waire baapangisa abamaghanga agandi, nze ndibasololeza ghalala naababonereza. Era bali kumpi na kulira maziga, nga kyabazinga w'e Assiria atooleire okubatuntuza.

Abalevi 26:25

Ndidha kubaleeteranga entalo okubabonereza olw'okumenha endagaano yange n'imwe. Era bwe muneesololezanga aghalala mu bibuga byaimwe okwewonia, ndidha kubasindikangamu obulwaire obubi, muwalirizibwenga okweghaayo eri abazigu baimwe.