2 Bakyabazinga 17:27 - Baibuli Ekibono kya Katonda 2014

²⁷ Agho kyabazinga w'e Assiria yaalagira ati: “Mutwaleyo owundi ku bakabona be mwatoolayo aje abenga eyo abeegerese amateeka ag'omusambwa gw'omu nsi eyo.”

2 Bakyabazinga 17:27 ပူးပေါင်းရင်းမြစ်များ

1 Bakyabazinga 12:31

Yeroboamu era yaazimba amasabo mu bifo ebigulumivu eby'okusinzizaamu, yaataagho bakabona ng'abatoola mu bantu abatali ba mu kika kya Levi.

1 Bakyabazinga 13:2

Omulanzi oyo, yaavumirira alutaari eyo ng'ajiira ku ebyo Musengwa Katonda bye yamulagira, ati: “Alutaari iwe, alutaari iwe, Musengwa Katonda akoba ati, ‘Bona eno, omwana omulenzi alizaalibwa mu ndhu ya Daudi, ng'eriina lye ni Yosia. Aliitira ku iwe bakabona ab'ebifo ebigulumivu ebisinzibwamu abakuniokerezaaku obubbaani, baaba ng'oti n'omusengo ogugheebwayo. Era amagumba g'abantu galyokerwa ku iwe.’ ”

2 Bakyabazinga 17:26

Ghaabaagho abaakobera kyabazinga w'e Assiria bati: “Abantu be watwala okubasenza mu bibuga by'e Samaria, tibaidhi mateeka ga musambwa gwa mu nsi eyo. N'olw'ekyo omusambwa ogwo kye gwava ni gubasindikira empologoma, era dhiri eyo dhiri kubaita.”

2 Bakyabazinga 17:28

Agho owundi ku bakabona be baatoola mu Samaria, yaaja yaabanga e Betheli, yaabeegeresanga bwe bagwaine okutyanga Musengwa Katonda.

2 Ebyomubyanda 11:15

Yeroboamu oyo yeeteeragho bakabona ababe abaagheerezanga mu bifo ebigulumivu eby'okusinzizaamu, n'abo abaagheerezanga emisambwa n'ebifaananie eby'ente ento.

Ezera 7:25

“Iwe Ezera, ng'okozesa amagezi ga Katonda wo ge yakugha, londa abafuzi n'abalamuzi abanaalamulanga abantu boonaboona abaidhi amateeka ga Katonda wo, abali mu kiketezo ekiri ere ng'osomoike omwiga Eufurate. Era oyegerese amateeka ago abo abatagaidhi.

Abalamuzi 17:13

Agho Mika yaakoba ati: “Mpegaano nga bwendi n'Omulevi nga ni kabona wange, ndidhi nga Musengwa Katonda aidha kundeetera ebintu okunjiiranga obukalamu.”